¹ Umfweni kuli ine, mwe fish! kutikisheni kuli ine, mwe bantu na bantu. Yawe anjitile ukufuma kuku fyalwa pe shina, ilyo ba mayo batendetele muli cino calo. ² Apangile akanwa kandi nga ulupanga ulwatwa; alimfishile mu cinshingwa ca kuboko kwakwe; alaimfishile panono panono kwati mufwi uwatwa; mu calo cakwe umo amfishile. ³ Atile kuli ine, ''Uli mubomfi wandi, Israele, ukupitila muli uyo nalanga ubukata bwandi.'' ⁴ Lelo ndeasuka, ''Nangu natontonkenye ukuti nabombelefye apafye, naposelefye amaka yandi pa fyafye, lelo ubupingushi bwandi ni Yawe, na icilambu candi cili kuli Lesa wandi.'' ⁵ Nomba Yawe alilandile ena uwa mapangile ukufuma muku fyalwa kwandi ukuba umubomfi wakwe, ukulenga Yakobo cipya cipya ku mwine, pakuti abena Israele bengakolongana kuli ena, pantu ni ncindamikwa ku menso yakwa Yawe, ⁶ kabili na Lesa wandi naisaba amaka yandi kabili atila, ''Cintu caanguka kuli iwe ukuba umubomfi wandi uwakwimya imitundu yakwa Yakobo, na ukulenga cipya cipya abapusunsuka ba kwa Israele. Nkakulenga ulubuto ku bena fyalo, ukuti wingaba ipusukilo lyandi ku kupwa kwa calo.'' ⁷ Ifi efyo Yawe atila, umulubushi wakwa Israele, uwa mushilo wabo, kuli umo uo ubwikashi bwakwe bwa suulwa, uwapatwa ku nko, na ku mubomfi waba kateka, ''Imfumu shikakumona na ukufukama, pamulandu wakwa Yawe uwacishinka, nangu uwamushilo uwakwa Israele, uwa kusalile.'' ⁸ Ifi efyo Yawe atila, ''Panshita iyo nkalanga icikuku nkakwasuka, kabili mubushiku bwe pusukilo nkakwafwa; nkakucingilila, na ukukupela nge icipangano pa bantu, ukukula cipya cipya icalo, nokwakanya abantu ifibolya. ⁹ Ukulanda kubafungwa ati, 'Fumeni,' Kuli bonse aba mu mfifi, sokolokeni,' Bakalamemena munshila, kabili mu tupili tonse tukaba emulemfwe wabo. ¹⁰ Tabakabe ne nsala nangu icilaka; nelyo cikabilila nangu akasuba takakabome, pantu ena uwakwata inkumbu pali bena akabatungulula; akabatungulula ku tumilonga twa menshi. ¹¹ Kabili nkalenga shonse impili shandi ukuba inshila, na ukulenga inshila shandi ishatambuluka.'' ¹² Moneni, ifi fikesa ukufumafye ukutali, fimo ukufuma ku kapinda kakukuso na ku masamba; kabili bambi ukufuma mu calo ca Sinimu. ¹³ Akwaula, iwe we muulu, kabili sekelela, nobe we calo; samuneni uwlimbo, imwe mwe mpili! Pantu Yawe akatalalika abantu bakwe, kabili akalangulukilako abantu bakwe abalecula. ¹⁴ Lelo Sione atile, ''Yawe alindekelesha, kabili shikulu alindabako.'' ¹⁵ ''Bushe kuti namayo alaba umwana wakwe, ukumonsha kwibele lyakwe, ukukana languluka pa mwana mwaume untu aifyalila? Eee, kuti balaba, lelo nshakakulabe iwe. ¹⁶ Mona, nalilemba ishina lyobe pa cisansa candi; ifibumba fyobe fyaba lyonsefye pa cinso candi. ¹⁷ Abana bobe nabangufyanya ukubwela, libe ninshi bonse abakutobawile na babutuka. ¹⁸ Shingulusha amenso no kumona, bonse nabakolongana kabili baisa kuli iwe. Umuweo wandi cisemo cakwa Yawe uukabafwika bena nge fisamo, kabili uukabafwika bena nga na bwinga. ¹⁹ Nangu cakuti wali icisoso na ukukusha, impanga iyali mu kunaulwa, nomba mukaba abanono ku bekashi, nabo bonse aba misanshile bakafumishiwamo. ²⁰ Abana abafyelwe pa nshita yakufwilwa kobe bakalanda mu matwi yobe ati, 'Incende naitucepela ifwe, tupangileni imiputule, pakuti twikale kuno.' ²¹ Elyo ukaipusha wemwine, 'Ninani uwamfyalilako aba bana? Nalifwililwe kabili ing'umba, imbutushi kabili uwalekwa. Ninani uwabusha aba bana? Moneni, nashelefye neka; nga aba bafuma kwisa?'' ²² Ifi efyo Yawe atila, ''Moneni; Nkemya ukuboko kwandi ku nko; Nkemya uluunga lwandi ku bantu. Bakaleta abana benu abaume muli ba bombwe babo na ukusenda abana banakashi pa fipeya fyabo. ²³ Imfumu shikaba fitungililo fyenu ifabufyashi, kabili nabasano bakaba ebakonsha wenu; bakalengwa insoni kuli iwe pa menso yabo ku calo na ukumyanga ulukungu ku makasa yobe; kabili ukeshiba ukuti nine Yawe; bonse abo abandolela tabakalengwe insoni.'' ²⁴ Kuti ifyatapwa fyasendwa ukufuma fiita nangu bunkole ukupokololwa ukufuma ku mukali? ²⁵ Lelo ifi efyo Yawe atila, ''Eee, bankole bakasendwa ukufuma mu fiita, na ifyatapwa fikapokololwa; pantu nkakuminako abalwani bobe na ukusunga abana bobe. ²⁶ Nkalisha abakutitikisha imibili yabo; kabili bakanwa umulopa wabo, ngo mwangashi. Elyo abantunse bonse bakeshiba ukuti Nine, Yawe, ndi mupusushi wenu kabili umulubushi, uwa maka wakwa Yakobo.''