¹ umfweni ici, mweba ng'anda yakwa Yakobo, mwe betwa ishina lyakwa Israele, kabili muisa ukufuma kumenshi ya caume ayakwa Yuda; imwe mwebalapa peshina lyakwa Yawe no kubomfya Lesa wakwa Israele, lelo temucine nangu mumibobele yabulungami. ² Pantu baita abena beka abantu ba musumba wamushilo nokucetekela muli lesa wakwa Israele. Yawe wamilalo esmina lyakwe. ³ ''Nalibilishe ifintu ukufmua kukale; fyafumine mukanwa kandi, kabili nalifilengele ukwishikwa; elo mukwangufyanya nalificitile, kabili fyaisapita. ⁴ Pamulandu wakuti nalishiba ukuti mwali talama imishipa yenu iyamikoshi yenu yaikata nge cela, ne mpumi yobe nge mbabula, ⁵ eico nasuminishe ifif fintu kuli iwe ilyo fyali tafilakosa; ilyo fyali tafilacitika nalikwishibishe, eico taufwile watila; tulesa twandi etwacita ifi; nangu 'Icimpashanya candi icabaswa kabili ifimpashanya fyandi ifyaengwa efya suba ifi fintu.' ⁶ Walyumfwa palwa ifi fintu. Lolesha pali ifi fyonse ifishibilo; kabili iwe, bushe tawasungile ifyo nalandile ati fyacine? Ukufuma nomba, nalanga kuli iwe ifintu ifipya, ifintu ifyafisama ifyo tawaishibe. ⁷ Nomba, kabili tekufuma kunuma, bakesa mupepi kabili ilyo buno bushiku tabulabako tawatalile aumfwako palwa fyena, eico taulingile watila, 'Ee, nalishiba palwa fyena.' ⁸ Tamwaumfwile; tamwashibe; ifi fintu tafyasokolweke mumatwi yobe mukubangilila. pantu nalishibe ukuti mwalilubile apakalamba, kabili ukuti mwali abankalwe ukufuma mu kufyalwa. ⁹ Ukupitila mwishina lyandi nalikusha ubukali bwandi, kabili pa bucindami bwandi nala bweshamo ukufuma kukonaula imwe. ¹⁰ Moneni, nali miwemye, lelo te pamo ngecela; nali musungulwile mwilungu lya bucushi. ¹¹ Mukufwa kwandi, mukufwaya kwandi nkacita; pantu kuti nasuminisha shani ishina lyandi ukupelulwa? Nshakapele ubukata bwandi kuli onse. ¹² Umfweni kuli ine Yakobo na Israele, mwebo naita: Nine wine; Nine wakubalilapo, nine kabili wakulekelesha. ¹³ Ee, amaboko yandi eyaimbile umufula we sonde, kabili ukubpko kwandi ukwa kukulyo ekwsalangenye imyulu; elyo naitile kuli ena yaiminine capamo. ¹⁴ Kolonganeni webene, bonse imwe, nokumfwa! Nani muli imwe abilishe ifi fintu? Yawe umwine akafikilisha umulimo wakwe kuli Babiloni. Akatwala ubufwayo bwakwa Yawe kubena Gardi. ¹⁵ I, ninanda, ee ninsota ena, nimuleta, kabili akapyana. ¹⁶ Isa mupepi kuli ine, umfwa kuli ifi: Ukufuma kukutendeka nshatalile nalandapo munkama; ilyo cacitike, nali kulya.'' Nomba shikulu Yawe antumine, nomupashi wakwe. ¹⁷ Ifi efyo Yawe kalubula obe, uwamushilo wakwa Israele atila, ''Nine Yawe Lesa obe, uukusambilisha ifya kufuntuka, uukutungulula mu nshila ufwile ukuya. ¹⁸ Nga cakutilafye waumfwila amafunde yandi! Elyo umutende obe nobunonshi fikapalala ngo mumana, nepusukilo lyobe kwati mabimbi yamuli bemba. ¹⁹ Abana bobe bakafula ngo mucanga, nabana ukufuma mwifumo lyobe bakafula nge nseke sha mucanga, ishina lyabo talyakaputulwe nangu kufumishiwapo kuli ine. ²⁰ Isa fuma mu Babiloni! Lubulwa ukufuma ku Baldi! Neciunda cakwaula kwa kulila bilikisheni ici! Lengeni ici cishibikwe, lengeni ciye ku mpela ye sonde! Mutile, 'Yawe nalubula umubomfi wakwe Yakobo.' ²¹ Tabaumfwile cilaka ilyo alebatungulula ukupita mu matololo; apangile amenshi ukukonkoloka mwilibwe pali bena; alepwile ilibwe, na menshi yalifukumwike. ²² Takwaba umutende pababifi ifyasosa Yawe.''