¹ AaMona, wemubomfi wandi uo nasumbula; uwasalwa wandi, muli ena nimbikamo ubusuma. Nimbika umupashi wandi pali ena; apakapela umulinganya ku nko. ² Takalile nangu ukubilikisha, nangu ukulenga ishiwi lyakwe ukumfwika mumisebo. ³ Itete ilyafunika takalikontole, ne ciku icilepya takacishimye: akaba uwacishinka ukuleta umulinganya. ⁴ Takakule uwashibantukila nangu ukuba uwanenuka mpaka akalete umulinganya mwi sonde; ne fishi fikalolela amafunde yakwe. ⁵ Ici eco Lesa Yawe asosa uwalenga imyulu nokuyansa, uwapanga isonde nafyonse ifyabamo, uupela umwela ku bantu ababamo no mweo kuli bonse abaikalamo. ⁶ ''Nine, Yawe, nakwitile mubulungami nokukwikata ukuboko kobe. Nkakusunga nokukubika nge cipangano ca bantu, ngo lubuto lwa bena fyalo, ⁷ kukushibula amenso yampofu, kukuleka abafungwa ukufuma ku cifungo, nokufuma mu ng'anda ya cishininkisho kuli abo abaikala mu mfifi. ⁸ Nine Yawe, eshina lyandi; nobukata bwandi nshakakanye umbi nangu amalumbo kutulubi utwabaswa. ⁹ Mona, ifintu fyakale filepita, nomba ndi mukulanda ifipya ifili mukucitika. Ilyo tafilafikilishiwa nkakweba ulwapali bena.'' ¹⁰ Imbeni kuli Yawe ulwimbo ulupya, nokumulumbanya ukufuma ku mpela ye sonde; imwe mwebaletentemukila kuli bemba, nafyonse ifyabamo 'ku fishi' nabonse abekala mulya. ¹¹ Lekeni amatololo ne misumba fibilikishe, mumishi umwaikala Kedari, bilisha ne nsansa! Lekeni abekashi ba ku Sela bembe; lekeni babilishe ukufuma pa mulu wa mpili. ¹² Lekeni bapele ubukata kuli Yawe nokusuminisha ukulumbanishiwa kwakwe mu fishi. ¹³ Yawe akaya nge cita; ngo mwaume wa nkondo akabutulula ukupimpa kwakwe. akabilisha, ee, akakwelesha ukuwelesha kwa bulwi bwakwe akalanga abalwani bakwe ukuti wa maka. ¹⁴ Naikala tondolo panshita ntali; epo ncili kabili uwailama nemwine; nomba ndepunda ngo mwanakashi uulepapa; nkapemashika nokutusaila. ¹⁵ Nkonaula impili notupili nokumika impanga shashiko shonse; kabili nkalula imimana mu fishi nokukamya ifishiba. ¹⁶ Nkapela impofu ukwenda mu nshila iyo iishaishiba; mutushila umo shishaishiba nkashitungulula. Nkalula imfifi ukuba ulubuto pa ntanshi yabo, nokulenga incende ishalundumana ukololoka. Ifi efintu nkacita, kabili nshakabalekeleshe. ¹⁷ Bakabweshiwa, bakalengwa insoni, bonse abacetekela mu fyabaswa, abasosa ku fimpashanya ifya engwa, ''Nimwe tulesa twesu.'' ¹⁸ Umfwa, iwe wenkoma matwi; kabili lolesha, iwe we mpofu, pakuti umone. ¹⁹ Nani uwapofula lelo umubombi wandi? Nangu nkoma matwi uwaba nge ntumi yandi iyo natuma? Nani uwapofula nge cibusa cacipangano candi, nangu uwapofula ngo mubomfi wakwa Yawe? ²⁰ Walimona ifintu ifingi, lelo taufyumfwikisha; amatwi nayakonwa, lelo takuli nangu umo uuleumfwa. ²¹ Bakatasha Yawe nokumulumbanya kumulinganya wakwe nokulenga ifunde lyakwe ubukata. ²² Lelo aba ebantu baibile nokubapoa ifipe; bonse babikilwe mufilindi, kukubikwa mu fifungo; balibapokele ifipe ukwabula nowakubapokololako, takwali nangu umo uwatile, ''babwesesheni!'' ²³ Nni pali imwe uulekutika kuli ifi? Nani uulekutika nokumfwa kufya kuntanshi? ²⁴ Nani uwapele Yakobo kufipondo, na Israele kubamupokele? Bushe te Yawe, uo twabembukile, balikene ukwenda mu nshila shakwe, na mafunde yakwe balikene ukuyomfwila? ²⁵ Eco kanshi apongolwele icipyu cabukali bwakwe pali bena ne cimfulunganya ca nkoto no lubingu lwalibashingulwike, nefyacitike tabafyumfwile; cikaboca, lelo tabacibikile ku mutima.