¹ ''Sansamusheni, sansamusheni abantu bandi,'' efyo Lesa wenu atila. ² ''Sosa bwino ku Yerusalemu; nokubila kuli ena ukuti ubulwi bwakwe nabupwa, ukuti amampulu yakwe nayelelwa, ukuti napokelela imiku ibili ukufuma ku maboko yakwa Yawe pa membu shakwe shonse,'' ³ Ishiwi lilebilikisha apakalamba, ''Mumatololo pekanyeni inshila yakwa Yawe; lungamikeni mu bena Arab inshila iyaololoka iyakwa Lesa wesu.'' ⁴ Umupokapoka onse ukasansulwa ne mpili shonse shikalingana; ne mpanga iya sumbuka ibe iya batama ne ncende iya lundumana ibe iyatambalala; ⁵ nobukata bwakwa Yawe bukasokololwa na bantu bonse bakamwena capamo; pantu akanwa kakwa Yawe nakasosa. ⁶ Ishiwi liletila, ''Lila.'' Nalimbi lyayasuka, ''Finshi nalalilila?'' ''Imibili yonse cani, ne cipangano cacishinka cabo cili nge luba mu cilime. ⁷ Icani ciloma ne luba lilabonsa ilyo umupu wakwa Yawe wawila pali fyena; mucishinkafye umuntunse cani. ⁸ Icani ciloma, iluba lilabonsa, lelo ishiwi lyakwa Lesa wesu lyaimininafye umuyayaya.'' ⁹ Kabiye pa lupili ulwa sansama, Sione, kabila wa mbila nsuma. Bilisha apakalamba, Yerusalemu. Iwe weuleta imbila nsuma, imya ishiwi lyobe, witina. Landa ku musumba yakwa Yuda, ''Lesa wenu ali kuno!'' ¹⁰ Moneni, shikulu Yawe aleisa nge mpalume yakucimfya, nokuboko kwakwe ukwaluma eko akatekela. Lolesha, icilambu ali naco, nabo abapusuka bakamutangilila. ¹¹ Akalisha umukuni nga kacema, akalonganika impanga mukuboko kwakwe, no kushipalamika ku mutima wakwe, no kutungulula impanga ishileonsha utwana twashiko. ¹² Ninani uwapima amenshi mulupi lwa minwe yakuboko kwakwe, uwapima ulwelele ku cisansa cakuboko kwakwe, uwaikata ulukungu lwe sonde mucilukwa lukwa, uwali nga impili mu cakulingilamo, nangu utupili mu cakulingilamo ukufina? ¹³ Ninani uwingeluka amatontonkanyo yakwa Yawe, nangu mpanda mano wakwe nga kafundisha? ¹⁴ Nikuli nani abalile apoka ifyakukonka? Ninani amusambilishe inshila ishakucitilamo ifintu, no kumupanda amano, nangu ukumulanga ena inshila yakumfwilamo? ¹⁵ Lolesha, inko shaba nge toni mu mbeketi, nokumonwa ngo lukungu pacakulingilapo ukufina, mona, emya ifishi ngo lukungu ulwa yanguka. ¹⁶ Lebanoni temafuta ayafikapo, nangu inama sha mpanga tashafikapo ukupela icabupe cakocewa. ¹⁷ Inko shonse shaba ishishafikapo ku menso yakwe; shimonwa kuli ena ngeshishaba nangu cimo. ¹⁸ Nikuli nani uko iwe wingapashanya Lesa? Niku cabaswa nshi wingamupashanya ena? ¹⁹ Icabaswa! Kabasa apashanyako: kapanga wafyela abikako ifya golide nokushingulushako iminyololo ya silfele. ²⁰ Pakupekanya icabupe umo asale ulubao ulushibola; afwaye kapanga uwaishiba ukupanga icabaswa icakuti teti cipone, ²³ Afumya bukateka pali bene nokuba abbula nangu cimo no kupanga bakateka bapesonde abafye. ²⁴ Tabalibwa, tabatambwa, Ishiule ilyafiko talyakwata imishila mumushila, ilyo aputapo pali fyena nafyo fyabonsa, nomwela wafisenda pamo nge mpimbuli. ²⁵ ''Nikuli nani iwe wingapashanyako ine, Ninani napalako?'' efyasosa uwamushilo. ²⁶ Lolesha mumakumbi! Ninani walengele intanda shonse ishi? Eutungulula ibumba lyashiko mumpendwa nokushimbula mumashina yonse. Nikubukulu bwabulamba bwakwe na kubukulu bwa maka yakwe, eko nangu umo takalube. ²⁷ Cinshi walanda Yakobo no kusuminisha Islaeli ''inshila yandi yalifisama ukufuma kuli Yawe, kabili Lesa wandi takasakamane ifyo ba mfyenga''? ²⁸ Bushe tamwaishiba? Bushe tamwaumfwa? Lesa uwa muyayaya, Yawe, kalenga wampela shapesode, tomfwas ukunaka nangu ukumpoka takwaba mumulingo kubwishibilo bwakwe. ²⁹ Apela ukukosa kubanaka, nakubafunshika ababwesesha amaka. ³⁰ Nemisepela ilanaka nokufunshika, nakumisepela iyaume ilaipuntula no kuwa, ³¹ Lelo abo abalolela Yawe bakapokelelanamaka yabo, bakapupuka namapindo ngabakapumpe, bakabutuk nokufunshika nakalya, bali nokwenda noku kanafwa icitu.