¹ Mulishilya nshiku Hisekia alilwele mupepi nokufwa. Eico Esaya umwana mwaume wakwa Amose, kasesema, aishile kuli wene, nokutila kuli wene, ''Yawe atile, 'Pekanya ing'anda yobe bwino, pantu uli nokufwa, te mweo.''' ² Elyo Hisekia ashintilike icinso cakwe kucibumba nokupepa kuli Yawe. ³ Atile, ''Napapata, Yawe, ibusheni ifyo naendele mucishinka pantanshi yenu pamo nomutima wandi onse, nefyo nacitile ifyali ifisuma mumenso yenu. ''Elyo Hisekia alilile mukubilikisha. ⁴ Elyo ishiwi lyakwa Yawe lyaishile kuli Esaya, nokutila, ⁵ ''Kabiye nokulanda kuli Hisekia, intungulushi ya bantu bandi, 'Ici eco Yawe, Lesa wakwa Dabidi icikolwe cobe, alanda: ningumfwa ipepo lyobe, kabili nimbona ifilamba fyobe. Mona, ndimukulundapo imyaka ikumi limo na isano kubumi bobe. ⁶ Elyo inkakupususha iwe no uyu umusumba ukufuma mukuboko kwamfumu ya Asiria, elyo inkacingilila uyu musumba. ⁷ Ici cikaba icishibilo kuli iwe ukufuma kuli Yawe, ukuti ndinokucita ifyo nalaile. ⁸ Lolesha inkalenga icinshingwa pamatabo yakwa Ahasi ukuya kunuma intampulo amakumi. ''Eico icinshingwa caile kunuma intampulo amakumi yamatobo apo caselelele. ⁹ Ili lyali lipepo lyalembwa kuli Hisekia imfumu ya Yuda, ilyo alwe;e kabili ilyo apolele: ¹⁰ ''Natile ukuti citika mubumi bwandi inkaya ukupita mumpongolo shakunshishi; nintumwa kulya kunshiku shamyaka yandi. ¹¹ Natile ukuti nshakatalembonapo Yawe, Yawe mucalo caba mweo; nshakatale ndoleshapo pamuntunse nangu abekashi bacalo. ¹² Ubumi bwandi nabufumishiwapo nokusendwa ukufuma kuli ine nge tenti lyakwa kacema; nimpetanya ubumi bwandi nga kapikula; ulemputula ine ukufuma ku cakuputwilako; pakati kakasuba nobushiku ulepwisha ubumi bwandi. ¹³ Nalilile pakati kakasuba nobushiku ulepwisha ubumi bwandi. ¹⁴ Nga akamimbi ndatwantwankanya; ndakuluma nge cipele; amenso yandi yanaka nokulolesha kumulu. Nincushiwa; ngafweni. ¹⁵ Cinshi nalalanda? Nalanda kumo kuli ine, kabili nacilta; nkeenda panono yonse imyaka yandi pamulandu nincimfya pamo ukucula. ¹⁶ Shikulu, amacushi mwatuma yasuma kuli ine; shiubumi bwandi bubweshiwe kuli ine. Mwalisunga umweo nobumi bwandi. ¹⁷ Nikubukumu bwandi ukuti napokelele kulya kucula. Namupususha ine ukufuma mucilindi cabonaushi; pantu nimposa shonse imembu shandi shonse kunuma yenu. ¹⁸ Pantu inshishi tayakutashishe; imfwa tayakulumbenye; balya abaya mucilindi tabasubila muli bucine cobe. ¹⁹ Umuntu umulole, umuntu umulole, eumo upela ukutasha, ngefyo nacita buno bushiku; wishi alenga cishibikwe ku bana bucine bobe. ²⁰ Yawe ali mukumpususha, elyo tukasefya pamo nenyimbo shonse inshiku shamyeo yesu mung'anda yakwa Yawe.'' ²¹ Nomba Esaya atile, ''Lekeni basende icipapatu camukunyu nokubika pacipute, kabili ali nokupola.'' ²² Hisekia kabili atile, ''Cinshi cikaba icishibilo cakuti ningayanaco ku ng'anda yakwa Yawe?''