¹ Kalanda kucilongwe icacindama ica bacakolwa bakwa Efraimu, kabili nokucinja kwa maluba yabonsa yaku bucindami ubusuma, amaluba yashinguluka umutwe mumupokapoka wafunda kuli abo bonse abanaka kumwangashi! ² Moneni, shikulu natuma umo uwamaka kabili uwakosa; ali nga amabimbi ayema nobonaushi bwa cimwela camabimbi icabipisha, kwati kwenda kwa mfula ayapita pamulu wa menshi; kabili akaposa icilongwe panshi. ³ Ukutemwa cifilongwe fyacindama ifya bacakolwa bakwa Efraimu ifikanyantaulwa namakasa. ⁴ Ne luba ililebonsa ilya cindama kubusuma ubo ubuli pamulu wafunda mumupokapoka, likaba nge citwalo cakubalilapo ukupya pantanshi yalubansa, ico, ilyo muntu nga alimona, ilyo licili muminwe yakwe, nokulya. ⁵ Pali ubu bushiku Yawe wa mabumba akesaba icilongwe cisuma kabili akaba kwati maluba yasuma ku bantu bakwe abashalapo, ⁶ kwati mupashi wamulinganya uwikala mu kupingula, namaka kuli abo abaletamfya abalwani babo kumpongolo shabo. ⁷ Nomba aba nabo palwa mwangashi bashinguluka, nokutalantanta pa kunwa umwangashi uukola. ZShimapepo pamo na kasesema bashinguluka pakunwa icikola, kabili bonse nabanwa umwangashi, baletalantanta pamulandu wakunwa umwangashi, pamulandu wakutalantanta tabalemona kabili bafilwa ukupingula. ⁸ Mucishinkafye pamatebulo yonse peswilefye amalushi, eico tapali apashele ncende yabusaka. ⁹ Kuli nani uo alesambilisha ifyakwishiba, kabili nikuli nani alelondolwela ubukombe bwakwe? Bushe nabalya abo basumwinine kumukaka nangu nibalya abo bafumishe ukufuma ku mabele? ¹⁰ Pantu kuli ukukambisha pakukambisha, kukambisha pakukambisha; ukutungulula pakutungulula, kutungulula pakutungulula; pano akanono, kulya nako akanono. ¹¹ Cisuma, kukanwa kakubulubusa nakululimi lwa mutulatula eko akalandila ka bantu aba. ¹² Munshita yakale atile kuli bena ati pano epakutusha, lekeni uwamaka atuushe; kabili pano epakupemwina,'' nomba bena tabaleumfwa. ¹³ Eico icebo cakwa Yawe cikaba pali bena ukukambisha pakukambisha, kukambisha paku kambisha; ukutungulula pakutungulula, kutungulula pakutungulula; pano akanono, kulya nako akanono; epakutila bonse baye nokuwa cimfutanuma, nokutobaula, nokubikwa mu coteyo nokwikatwa. ¹⁴ Eico umfweni icebo cakwa Yawe, mwe bacilumba, mwe bakateeka wa aba bantu abali mu Yerusalemu. ¹⁵ Ici cikacitwa pamulandu iwe watile, ''Natupangana icipangano ne mfwa, kabili natumona icimonwa nenshinshi natufika napakusuminishanya. Eico ilyo ilyeshi lyaisa lyapita, ifwe talyakatwishile. Pantu ifwe natupanga ubufi ukuba icilubo cesu, kabili mukubepa ubufi emo twafisama. ¹⁶ Kanshi eico shikulu Yawe atila, ''Moneni, ndebika ilibwa mu Sione ukuba umufula wakukulapo, ilibwe ilyakosa, ilibwe ilyaluma umutengo ilibwe lyapakona, pamufula wakukulapo. Noucetekela takalengwe nsoni. ¹⁷ Nkalenga umulinganya ukuba uwakupiminako, nobulungami ukuba icakulinganishishako. Imfula yamabwe ikasenda icubo cabufi, ne lyeshi lya menshi likafumyapo icifulo cakufisamamo. ¹⁸ Icipangano cobe ne mfwa fikesapwa, nokusuminishanya kobe kucimonwa mwamwene inshinshi tayakeminine. Ilyo ilyeshi lyapita, nimwe likanyantaulwapo. ¹⁹ Lyonse ilyo likapita, likalamusenda, nacila lucelo no lucelo likalapita kabili akasuba no bushiku likesa. Ilyo ubukombe bukomfwika, cikalenga ukututuma. ²⁰ Pantu ubusanshi bwaipipa ku muntu ilyo alalapo, kabili ubulangeti nabwipipa ukufimbana umwine. ²¹ Yawe akema filya acitile pa mulu wa lupili lwa Perazim; pantu akabakalipila umwine nga mu mupokapoka mu Gibeone ukucita umulimo wakwe, nomulimo wakwe uwa cipeshamano, pakuti acite incito yakwe iya kupapusha. ²² Nomba mwilapumya, nangu pakuti imyololo yobe ikose. Pantu ningufwa kuli shikulu Yawe wamabumba, icipampamikwa nacipingwilwa icalo ubonaushi. ²³ Tekanyeni kabili umfweni kumashiwi yandi; ibukileni nokumfwa kumashiwi yandi. ²⁴ Bushe umulimi alima akasuba konse nokubyala imbuto, ukuti ashime umushili? Bushe akakonkanyapo ukushima kabili alinganye ibala? ²⁵ Ilyo apwisha ukulinganya umushili, telyo asalanganya kumini wafita nokukuba imbuto, nokubyala kumini, abika ingano namasaka pacifulo calinga, ne ngano ishapapa ukuba umumpaka wakwe? ²⁶ Lesa wakwe amwebele ifyakukonka; pantu Lesa alamusambilisha bwino. ²⁷ Pantu kumini wafita tapuminwa kucakupiminako, nangu pamulu wa kumini tapapita umupeto we celeta; lelo kumini wafita akapuminwa kukamuti, na kumini apuminwa ku nkonto. ²⁸ Bushe ingano shilashonaulwa kabili ensha umupeto wacakusokwelako nabakabalwe bakwe ukusalangana, lelo bakabalwe bakwe tabashonaula. ²⁹ Amano yakucita ifi fyonse, ala yatula kuli Yawe umwina wa fita.