¹ Elyo Yosefe ali mubwfya icakuti apungile pa cinso cakwa wishi, no kulila kuli wene, kabili amutomwene. ² Yosefe akonkomeshe abab bomfi bakwe bashi ng'anga uku mika wishi. Awe bashi ng'anga baumike Israele. ³ Cabasendeele inshiku amakumi yane, Pantu enshita balepwa ukumika. Abena Egupito bamulile panshiku amakumi cine lubali. ⁴ Elyo inshiku shakulosha shapwile, Yosefe asosele ku ng'anda yakwa Farao, atile, ''nganasanga ububile mumenso yobe, napapata landa kuli Farao, atile, ⁵ 'tata wandi anengele ukulapa, atile, ''Mona, ndimukufwa. Nshika mu nindi iyo naimbile nemwine mu calo ca Kenani. Kulya eko ukashike ine.'' Nomba lekeni ninike no ku kushika tata wandi, kabili elyo nkabwela.'' ⁶ Farao ayaswike, ''Kabiye no ku shika wiso, ngefyo alengele ukulapa kuli iwe.'' ⁷ Yosefe aile aininike mukushika wishi. Bonse bafilolo bakwa Farao baile nankwe- abakalamba ba mung'anda yakwe bonse bakalamba ba bafilolo ca calo ca Egypto, ⁸ nabonse aba ng'anda yakwe Yosefe naba munyina, naba ng'anda yakwa wishi. Leelo abana babo, impanga shabo, na imikuni yabo fyashele mu mpanga yakwa Goshene. ⁹ Amaceleta naba pali bakabalwe baile nankwe. Lyali libumba ilikalamba ilya bantu. ¹⁰ Elyo baishile fika apa kupumina ing'ano apakwa Atadi klubali lumbi ulwa Yodani, baloseshe ukulosha kukalamba mubulanda. kulya Yosefe acitile inshiku cine lubali ukulosha wishi. ¹¹ Elyo abekashi ba muli cilya calo, abena Kenani, bamwene ukulosha pa cakupulila ca kwa Atadi, batile, ''Uku kulosha kwa kalanda ku bena Egypto.'' Emulandu wine incende yaitilwe Abele Misraimu mu Yodani. ¹² Awe abana baume bakwe bacitile Yakobo nge fyo abalangilile. ¹³ Abana baume bamusendele ku calo caku Kenani noku mushika mu lucengo mwibala lya Machpela, mupepi na Mamure. Abrahamu ashitile ulucengo nebala nge ncende ya nshishi. Ashitile kuli Eferoni umwina Hitite. ¹⁴ Panuma nashika wishi, Yosefe abwelele mu Egypto, abwelele naba munyina bakwe, na bonse abo abamushindike ku kushika wishi. ¹⁵ Ilyo ba munyina Yosefe ba mwene ukuti wishi nafwa, batile inga Yosefe atufulilwe ifwe kabili ingaafwaya ukutubwesesha fyonse fibi twa mucitile?'' ¹⁶ Awe bakonkomeshe pacinso cakwa Yosefe batile, ''Ba wishi batupele ifya kunkonka ninshi tabalafwa, atile, ¹⁷ 'Eba Yosefe ifi, ''Napapata ukelele ba munonko pa bubi no lubembu lwabo ilyo bacitile icili kuli iwe. ''Nomba napapata elela ababomfi bakwa Lesa wakwa wiso.'' Yosefe alililile ilyo balelanda kuli ena. ¹⁸ Ba munyina nabo baile nokulala ubunkupeme pantanshi yakwe. Batile, ''Mona, tuli babomfi bobe.'' ¹⁹ Leelo Yosefe abaswike, ''Mwitina. Bushe ndimuncende yakwa Lesa? ²⁰ Imwe, mwapilibwile ukwipaya ine, leelo Lesa apilibwile mu busuma, ku kusunga imyeo ya bantu abengi, ngefyo mwa mona leelo. ²¹ Awe nomba mwilatina. Nakulamipela na bana benu abanono.'' Abatalalike mu nshila iyi no kusosa mubusuma kumitima yabo. ²² Yosefe aikele mu Egypto, pamo nolupwa lwakwa wishi. Aikele imyaka umwanda umo ne kumi. ²³ Yosefe alimweneko abana bakwa Efraimu ku nkulo yakulenga butatu. Amwene nabana bakwa Makiri abana baume bakwa Manase, abo aleleko pa makufi yakwa Yosefe. ²⁴ Yosefe atile kuli ba munyina, ''Ndi mukufwa; leelo mucine Lesa akesa kuli imwe no kutungulula, imwe ukuninika ukufuma muli cino calo ico alapile ukupela kuli Abrahamu, kuli Isaki, na Yakobo.'' ²⁵ Elyo Yosefe alengele abana baume ba mu Israeli ukulapa umulapo. Atile, ''Lesa mucine akesa kuli imwe. Pali ilyanshita mulingile ukusenda ukuninikaamafupa yandi ukufumya kuno.'' ²⁶ Awe Yosefe afwile, nemyaka umwanda umo nekumi iyabukalamba. Balimumike no kumubika mumbokoshi mu Egypto.