¹ Elyo Yakobo akutile abana nakwe, nokutila. ''Kolonganeni bonse pamo pakuti imwebe ifili nokwisa citika kuli imwe kuntanshi. ² Kolonganeni bonse kabili umfweni, mwe bana bakwa Yakobo. umfweni kuli Israeli, shinwe. ³ Rubeni, newe webeli lyandi, ukukosa bwandi, kabili ntendekelo yamaka yandi, niwe waba ubucindami bwacilapo, kabili ubukose ubwacilapo. ⁴ Amwenshi ayapita ayashapindilwa, tawakabe umutanshi pantu waile iminina pabusanshi bwa kwa wiso. Panshila ilya wakoweseshe ubusanshi, bwandi; pantu ku busanshi bwandi eko waile. ⁵ Simeoni na Lebi ni bamunyina. Ifyanso fya bunkalwe fyabo fya kwipailako. ⁶ We mutima wandi, tekuti mbe mulukuta lwabo; tekuti mbe mwibumba lyabo lya kulanshanya, pantu mu mutima wandi walikwatisha umucinshi pantu mubukali bwabo baipeye abantu, kabili babutwile imishipa yang'ombe mukukana tekanya. ⁷ Nomba ubukali bwabo bube ubwatipwa, pantu bwa kutinisha- kabili ne cifukushi cabo, pantu calikaluka. Ndebakanishisha muli Yakobo no kubasalanganisha mu Israeli. ⁸ Yuda, bamunonko bakakutasha. ukuboko kobe ku kaba pa mikoshi yabalwani bobe. Abana abaume abakwa wiso bakakutotela. ⁹ Yuda mwana wankalamo. We mwana wandi, ukafuma ku cekukutakanya. Alifukeme, ayolwele nge nkalamo, kabili nge nkalamo ikota. Nani engapalama ukumubalamuna? ¹⁰ Inkonto yabufumu tayakafume kuli Yuda, nangu ya mukalamba waba shilika tayakafume muceni cakwe mpaka shilo akese. Nolukolwa bantu eo bakalaumfwila. ¹¹ Akakaka punda yakwe kumwangashi, na baana bapunda yakwe ku mwangashi usuma, kabili akacapile ifyakufwala fyakwe mu mwangashi, ne laya mu mulopa wanganu. ¹² Amenso yakwe yalikashika ku mwangashi kabili na meno yakwe yali buuta kwati mukaka. ¹³ Sebuluni akekala kululamba lwa bemba. Kabili akaba kululamba lwafimato ifikulu kabili nomupaka wakwe ukakulila ku Sidone. ¹⁴ Isakari ni punda iyakosa, ileelo pakati kafya kwikalapo fibili ifya pali kabalwe. ¹⁵ Kabili akamona incende apakutushisha apasuma nokuti icalo cisuma. kabili akakontama pa kusenda ifipe pakubeya kabili abakaba umubomfi wa mulimo uyu. ¹⁶ Dani akapingula abantu bakwe pantu ni umo uwa mumukowa wakwa Israeli. ¹⁷ Dani akaba insoka mumbali ya nshila, insoka yabusungu nganshi iisuma kufitende fya bakabalwe, pakuti uwaninapo awe ubunseneme. ¹⁸ Ine nkalolela ipusukilo lyobe, we Yawe ¹⁹ Gadi- ifipondo fikamusansa, leelo akafisansa ku fitende fyabo. ²⁰ Ifyakulya fyakwa Ashere fikaba ifyanona kabili akafumya ifya malila fya mfumu. ²¹ Nafutali ninsebula nkota iyakakulwa; kabili alasosa ifyawama. ²² Yosefu musambo wa muti uutwala ifisabo, musambo wamuti uutwala ifisabo pakamfukwe mfukwe, kabili utumisambo twauko tutaabililila pamulandu wa cibumba. ²³ Leelo abamata bakamusansa no kumulasa kabili balimupalile. ²⁴ Nomba ubuta bwakwe bwaikalililape, kabili ubukose bwa maboko yakwe bwali ubwanakilila. Mumaboko ya mpalume yakwe Yakobo, emwafuma umucemi, ilibwe ilyakwa Israeli. ²⁵ Lesa wakwa shinwe akakwafwa kabili aba nowamaka yonse kabili Lesa akakupala amapaalo ya mulu ukutali, mapalo ya mumenshi yashika kabili mapalo yamabele kabili aya mwifumo. ²⁶ Amapalo yakwa shinwe yakankala ukucila namapalo ya mpili shape yacila napakuyemba kwatupili twamuyayaya. Yakalaba pamutwe wakwa Yosefu, napa cilongwe cakumutwe wa wapatulwa kuli bamunyina. ²⁷ Benjamini akalalepaula ngo mumbulu. Ulucelo akalalyo inama iyaipaiwa na kucungulo akala akanya ifyapokololwa.'' ²⁸ Bonse aba emikowa ikumi limo nayabili iyakwa Israeli. Ifi kabili efyo shibo atile ilyo alebapala bonse. Cila umo apalilwe ukulingana ne palo lyakwe. ²⁹ Panuma abalangilile atile ati, ''Nomba na laba mukuya ukwaya abantu bandi. Mukanshike pamo nefikolwe fyandi ³⁰ mulucengo ulwaba mumpanga yakwa Efrone umwina Hite, mu lucengo lwaba mu mpanga ya Makpela iya lungatana na Mamre mu calo ca Kenani, mu mpanga iyo Abrahamu ashilile kuli Efrone umwina Hite iya kumushikamo. ³¹ Kulya kwine eko bashikile Abrahamu nomukashi wakwe Sara. Nikulya kwine eko bashile Isaki no mukashi wakwa Rebeka; kabili kulya eko nashikile Leya. ³² Impanga no Lucengo lwabamo fyashitilwe ku bana bakwa hete.'' ³³ Ilyo Yakobo apwile ukubokonkomesha abana bakwe abaume, awe aikishe amakasa yakwe pabusanshi apemene umupu wakulekelesha, nokufwa ukuya bantu bakwe.