¹ Nomba Dina, mwanakashi wakwa Lea uo afyele kuli Yakobo, aile no kuyakumanyaabakashana bailya mpanga. ² Shekemu umwana mwaume wakwa Hamore na Hibi umwana wamfumu ya calo, alimumwene. Alimubulile nokulalanankw, kabili alimusebenye. ³ Alambatile kuli Dina, umwana mwanakashi wakwa Yakobo. Atemenwe umukashana nokulanda ifya kuteka umutima kuli ena. ⁴ Shekemu umwana mwaume wakwa Hamore, atile, ''Mbulila uyu mukashana kukuba umukashi wandi. ⁵ Nomba Yakobo aumfwile ati nakowesha Dina, umwana wakwe umwanakashi. Abana bakwe abaume bali kufitekwa mumpanga, eico Yakobo acitile umutende mpaka baisa. ⁶ Hamore wishi wakwa Shekemu aile kuli Yakobo nokuyalanda nankwe. ⁷ Abana baume bakwa Yakobo baishile ukufuma mumpanga ilyo baumfwile umulandu. Abantu bampele umulandu. Bali abafulwa sana pamulandu wakuti asebanya Israele pakusendama no mwana mwanakashi, wakwa Yakobo pantu ifyo fintu tafifwile fyacitwa. ⁸ Hamore alandile nabo atile, ''umwana wandi Shekemu alitemwisha umwana obe umwanakashi. Napapata pela ena kuli wene kukuba umukashi. ⁹ Namuleupana naifwe, pela umwana obe kuli ifwe, no kusenda umwana mwanakashi palwenu . ¹⁰ mwakulaikala naifwe, nempanga iili iyaisuka kuli imwe ukwikalamo, no kucitamo amakwebo no kunonkamo ifipe.'' ¹¹ Shekemu atile kuli wishi nakuli ba munyina, ''Lekeni nsange ububile mumenso yenu, kabili fyonse ifyo mulengeba nakulapela. ¹² Nombeni apomulefwaila ifya mutengo ifyakwa nabwinga mukulu nefya bupe ifyo mulekabila kuli ine, lelo mpeleni umukashana ngomukashi wandi.'' ¹³ Abana baume bakwa Yakobo bayaswike Shekemu na Hamore wishi no bucengeshi, pamulandu wakuti shekemu alitalangenye Dina inkashi yabo. ¹⁴ Batile kuli bena, tekuti tucite icintu, icakupenkashi yesu kuli uyo uushasembululwa, pantu ici camusebanya kuli ifwe. ¹⁵ Pali ici ceka pali uyu musango tlinokusumuinishanya naimwe nga mwaba aba sembululwa ngaifwe,nga onse umwaume muli imwe asembululwa. ¹⁶ Elyo tukapela abana banakashi kuli imwe, kabili tuli nokubula abana banakashi fwebene fweka, nokwikala naimwe kabili tukaba abantu bamobene. ¹⁷ Lelo ngatamwaumfwe kuli ifwe nokuba abasembululwa, elyo tuli no kusenda nkashi yesu nokuya.'' ¹⁸ Amashiwi yabo yasekesha Hamore no mwana wakwe Shekemu. ¹⁹ Umulumendo takokwele ukucita ifyo balandile, pamulandu wakuti ali uwasuminwa muli mwana Yakobo, nokutila ali muntu uwapulamo ukucindama muli bonse abamung'anda yakwa wishi. ²⁰ Hamore no mwana wakwe Shekemu baile pa mpongolo yamusumba wabo nokuya landa nabantu ba mumusumba, abati, ²¹ ''Aba bantu bacibote kuli ifwe, eico mutuleke bekale mucalo no kushitamo pantu, icine, icalo cikulu icalinga kuli bena. Lekeni tubule abana bankashi babo nga bakashi besu, kabili natubapele na bana besu abanakashi. ²² Pli uyu wine musango natusuminishanya nabantu ukwikala naifwe no kuba abantu bamo: Nga onse umwaume muli ifwe asembululwa, ngefyo ifwe twasembululwa. ²³ Bushe ifitekwa fyabo nefipe inama shabo shonse fikabe ifyesu? Eico natusuminishanye nabo, kabili no kwikala muli baifwe.'' ²⁴ Bonse abantu bamumusumba baumfwile kuli Hamore na Shekemu umwana wakwe. Onse umwaume alisembulwilwe. ²⁵ Mu bushiku ubwalenga shitatu, ilyo bacili nabukalipwa, babili mulina bakwa Yakobo Simeone na Lebi, ba ndume shakwa Dina cila umo abulile ulupanga lwakwe nokupakasa umusumba elo bali tabala buka kukuicingilila, kabili baipeye abaume bonse. ²⁶ Baipeye Hamore no mwana wakwe Shekemu kulupanga ulwatwa. Ba sendele Dina ukufuma mung'anda yakwa Shekemu no kuya. ²⁷ Bambi abana bakwa Yakobo baishile kufitumbi nokuceceta umusumba, pamulandu wakuti abantu balikoweseshe nkashi yabo. ²⁸ Babulile ing'ombe shabo imikuni yabo, ingamali shabo, na fyonse mumusumba kabili nefya mumpanga iyashinguluka. ²⁹ Fyonse ifyuma fyabo. Abana babo nabakashi babo, ukuba fyusha. Ba sendele na fyonse ifyali mung'anda. ³⁰ Yakobo atile kuli Simeoni na Lebi, mwaleta icimfulunganya pali ine, ukunenga ukucushiwa kubapyanishi bacalo, abena Kanani na bena Perisi. Twaba abanono mumpendwa. Nga bakolongana abene beka pali ine nokumpakasa, elyo nkonaulwa, ine nabamung'anda yandi. ³¹ Lelo Simeoni na Lebi batile, ''Bushe Shekemu kuti asendama nankashi yesu ngo mucende?''