¹ Yakobo ainuna amenso yakwe nokumona, moneni, Esau aleisa, kabili pamo nankwe pali abaume imyanda ine. Yakobo ayakenye abana pakati Leya, rakele, na kuba bomfi banakashi babili. ² Kabili abikile aba bomfi banakashi na bana babo pantanshi, pakonka Leya na bana bakwe, elyo pakonka rakele na Yosefu ku numa yabo. ³ Umwine alipantanshi yabena. Nokutotela panshi imiku cine lubali, asuka apalamina kuli munyina. ⁴ Esau abutukile ku kumukumanya, alimukumete, amukobele na mu mukoshi wakwe, no kumutomona. Kabili balilile. ⁵ Elyo Esau aloleshe, amwene abanakashi na bana. Atile, ''Nibani aba bantu uli nabo?'' Yakobo alandile, ''Bana abo Lesa apeela icakusenamina ku mubomfi obe.'' ⁶ Elyo aba bomfi abanakashi bapaleme nabana babo, no kukonyama panshi. ⁷ Akonkelepo Leya naban bakwe nabo bakontamine panshi. Na mukulekelesha Yosefu na Rakele balipaleme no ku kontama. ⁸ Esau atile, ''Finshi ulepilibula pali ili bumba lya bantu bonse abo nakumanya?'' Yakobo atile, ''Nipakusanga ubucingo mu menso yakwa Shikulu.'' ⁹ Esau atile, ''nalikwata ifingi, munyinane. Sunga ifyo ukwete we mwine.'' ¹⁰ Yakobo atile, ''Iyo, napapata, nganinsanga ubucingo mu menso yobe, ninshi mufwile ukupokelela icabupe ukufuma kuminwe yandi, ni pali ici, namwena icinso cenu, kwati ndemona icinso ca kwa Lesa, kabili mwampokelela ine. ¹¹ Shipokeni icabupe candi ico baletele kuli imwe, pantu Lesa na leta ipalo kuli ine, pantu nalikwata fyonse.'' nao Yakobo alicipokelele, nao Esau alicipokelele ico. ¹² Elyo Esau atile, ''natwime tuleya. naine ndemutangilila.'' ¹³ Yakobo atile kuli ena, ''Mwe Shikulu namwishiba ukuti abana baice, nempanga ne ng'ombe ishileonsha ishana shashiko. Ngamwashensha bwangu pa bushibumo, shonse inama shilefwa. ¹⁴ Shileka Shikulu aite aletangilila umubomfi wakwe. Na ine nalakonkanyapo ulwendo panono panono, umwabela imyendele yafitekwa ifili pantanshi yandi, kabili umwabela intampilo sha bana, mpaka nkafike kuli Shikulu ku seiri.'' ¹⁵ Esau atile, ''Leka nkushilepo abantu abo ndinabo.'' Leelo Yakobo atile, ''Cinshi wacitila ico? Leka mfwaye ubucingo mu menso yakwa Shikulu wandi.'' ¹⁶ Eico Esau pa bushiku bulya abwelelemo ku Seiri. ¹⁷ Yakobo aile ku Sukote, no kuikuulila ing'anda, kabili apangile ifitekwa fya kwe insakwe. Eico ishina lya palya pancende lyainikwe ati Sukote. ¹⁸ Elyo Yakobo abwelele ukufuma ku Padani Aramu, afikile bwino mu musumba wa Shekemu, iyali mu mpanga ya canani. Atushishe mupepi no musumba. ¹⁹ Elyo ashitile impanga iyo atanikeko itenti lyakwe ukufuma ku bana bakwa Hamore, wishi wakwa Shekemu, mu ndalama umwanda umo. ²⁰ Emo apangile iciipailo no kuciinika ati Eli Elohe Israeli.