¹ Nga umo asangwa naipaiwa mumpanga yenu iyo Yawe Lesa wenu alemipela kukuikwata, nalalikwa mwibala, kabili teshibikwe uwamwipeye; ² Elyo ba cilolo benu na bapingushi balingile ukufuma kunse, nokuya pima imisumba ili mupepi nauko bamwipaile. ³ Elyo bacilolo aba mumusumba uuli mupepi nokuli umubili wamuntu uwafwa bakasende umwana wang'ombe wa mwaka umo ukfuma mumukuni, uusha bombapo umulimo, kabili uusha bkwapo ikoli. ⁴ Elyo bafwile bakatungulule umwana wang'ombe uwa mwaka umo ukuyakwilungu lya menshiaya leyenda, ilungu ilisha limwamo nangu ukubyalamo, na muli ilyo ilungu emo bafunine umukoshi wamwana wa ng'ombe wa mwaka umo. ⁵ Bashi mapepo mumu kowa wa bena Lebi bakese kuntanshi, pantu Yawe Lesa wenu alibasalile ukumibombela noku mipalila mwishina lyakwa Yawe, kabili ebakapingula umulandu onse uwa ku cenwe mumashiwi. ⁶ Bacilolo bonse aba mumisumba uuli mupepi noko umuntu aipalwa bakasambe iminwe pamulu wamwana wa ng'ombe uuwa mwaka umo uuyo bafunine umukoshi mwi lungu; ⁷ Kabili bakasuke ku mulandu bakatile, 'Iminwe shesu tasha sumishe umulopa, na menso yesu taya mwneko. ⁸ Ukwelela, Yawe abantu bobe abena Israeli, abo mwa lubula, mukabika ukushinia kwaku sumya umulopa wakayele muakti kabantu bena Israele. Elyo umulopa wakwelelwa kwabo. ⁹ Muli iyi nshila emo mukafumisha umulopa wakaele pakati kenu, ilyo mwacita icisuma mumenso yakwa Yawe. ¹⁰ Elyo mwafumina mukuyalwa nabalwani benu, Yawe akamipela ukucimfya nokubika abalwani benu panshi ya ntungulushi shenu, noku basenda muli bunkole. ¹¹ Nga mwamona umwakashi uwamuli bunkole uwawamisha, nokubila nokufwaisha ukumupa ukuba umukashi wenu, ¹² Elyo mukamulete ku mwenu ku ng'anda yenu; akabeye umushisghi nokumusemba amala yakwe. ¹³ Akafule nefyakufwala fyakwe ifyo afwele pakuletwa muli bunkole kabili akekale mu ng'anda yobe noku losha ba wishi na bana pa mweshi uutntulu, panuma yaifyo kuti walala nankwe nokuba umulume wakwe, nao akaba umukashi obe. ¹⁴ Lelo nga takusekeshe, akamuleke akye uko akatemwa umwine. Lelo wika mushitisha mulupiya, kabili wikamupanga umusha, pantu walimucenda. ¹⁵ Nga umwaume ali nabakashi babili, lelo alitemwapo umo nokupata umo, lelo bonse balimufyalila aban u ukashi uo atemwa umukashi uo apata-nga cakuti umwana wao apata, ¹⁶ elyo pa bushiku ilyo uwo umuntu akalenga abana bakwe abaume akapyana ifyo akwata, ecita umwana mwaume wao atemwa ukuba ibeli pantanshi ya mwana mwaume uwa mukashi uwo apata, necakuti uyu wine mwana mwaume abe beli. ¹⁷ Pantu umwana mwau,me waowapata, eo afwile uku mona ukti ebeli, umwana mwaume wamwanakashi apata, pakumupela icakaniko pali fibili pafyo akwata; Pantu uyo mwana atendekelo yamaka yakwe;pantu nsabusha bubeli shakwe. ¹⁸ Nga umuntu ali no mwana mwaume akosa umutima kabili cisanguka kabili uusha komfwe kwishiwi lyakwa wishi nangu kwishiwi lwakwa nina, nelyo kwishiwi lya uuli onse, ilyo alemulungamika, takomfwe kuli bena; ¹⁹ elyo wishi nelyo nina akamwikate nokumutwala kunse kuli ba cilolo bamusumba wakwe na kumpongolo ya musumba. ²⁰ Elyo bakasose kuli ba cilolo ba musumba, ''Uumwana wesu nkosa mutima kabili cisanguka; takomfwe amashiwi yesu; mupondo kabili ni cakolwa.' ²¹ Elyo abaume bonse aba mu musumba bakamupole amabwe mpaka akafwe kumabwe, elyo mukafumya Israeli ba komfwa balaba no mwenso. ²² Nga cakuti umwaume apanga ulubembu ulu lingile ukumwipaya elyo aipaiwa, nokumukulika pacimuti, ²³ no mubili wakwe wikekala pa cimuti ubushiku bonse. Leelo muka mushike ubo bwine bushiku; pantu onse uwa kulikwa pacimuti ali tipwa kuli Lesa. Mukabele amafunde pakuti mwikakowesha icalo ico Yawe Lesa wenu alemipela nga ica kupyaninina.