¹ Ilyo muleya mukukumanya ubulwi bwa balwani benu, na ukumona bakabalwe, amaceleta, na bantu abengi ukumicila, tamufwile ukubatina; pantu Yawe Lesa wenu ali naimwe, uyo uwamiletele ukumifumya mu mpanga ya Egypto. ² Ilyo muli pa kwingila mubulwi, shimapepo afwile akumanya abantu na ukulanda. ³ Afwile atila kuli bena, 'Ufweni, Israeli, mwalaya ku bulwi bwa balwani benu. Mwileka imitima yenu ukufwa icitu. Mwitina nangu ukututuma. Mwibatina. ⁴ Pantu Yawe Lesa wenu eumo uleya naimwe mukulwa naba lwani benu nokumipususha.'' ⁵ Ba cilolo bafwile balanda ku bantu no kutila, 'Nani umuntu uukula ing'anda iipya nokukana ishisha? Lekeni aleya nokubwelela ku ng'anda yakwe, pakuti ekafwila mu bulwi na umuntu umbi akaishishe. ⁶ Bushe kuli umuntu ubyala ibala lya myangashi no kukana sekela mu fisabo fya liko? Lekeni aleya ku ng'anda, pakuti ekafwila mu bulwi no muntu umbi akasekele mu fitwalo fya liko. ⁷ Nani umuntu uwaimana ku kupa umwanakashi nomba talati amupe? Lekeni aleya ku ng'anda pakuti ekafwila mu bulwi na mwaume umbi akamupe.' ⁸ Bacilolo bafwile batwalilila ukulanda ku bantu, 'Nani umuntu uli no mwenso nangu icitu mumutima? Lekeni aleya nokubwelela ku ng'anda yakwe, pakuti imitima yaba ndume yakwe isungulika ngo mutima wakwe.' ⁹ Ilyo ba cilolo bapwisha ukulanda ku bantu, bafwile basonta bamushika muli bena. ¹⁰ Ilyo muleya mukutasha umusumba, mukapange abao bantu umutulo wa mutende. ¹¹ Nga cakuti basumina umutulo wenu na ukwisula impongolo shabo kuli imwe, abantu bonse abakasangwa muli ici bafwile baisa patikishiwa ukubomba no kumibombela. ¹² Leelo nga bakana ukupanga umutulo wa mutende kuli iwe, nomba nga bapanga ukulwa kuli iwe, elyo mufwile ukushinguluka, ¹³ nelyo Yawe Lesa wenu akamipela ukucimfya nokuba bika mwisamba lya butungulushi bwenu, mufwile ukwipaya umwaume onse mu mushi. ¹⁴ Nomba abanakashi, abaice, ifitekwa, na fyonse ifili mu musumba, na conse ica onaika, mukasende nge fitapwa mwebene. Muli nokusenda ifitapwa fya balwani benu, nokufibomfya uo Yawe Lesa wenu apele kuli imwe. ¹⁵ Mufwile ukucita muli iyi nshila ukulola mu misumba yonse ili ukutali ukufuma kuli imwe, imisumba iyi nshili misumba ya nko ishi. ¹⁶ Mu misumba iya aba bantu abo Yawe Lesa wenu alemipela ngo bupyani, mwikashapo nangu cimo icipema. ¹⁷ Namucifulo ca ici, mufwile ukubalofya fye bonse: Abena Hiti, na bena Amore, abena Kenani, abena Perisi, abena Hibi na bena Yebusi, ngefyo Yawe Lesa wenu amikambishe. ¹⁸ Cita ifipakuti tabalemifunda ukucita icili conse mu nshila shabo isha muselu, nge fyo bacita na tulesa twabo. Nga mwacita, mukabembuka kuli Yawe Lesa wenu. ¹⁹ Ilyo mukashinguluka umusumba panshita iitali, ngefyo mulelwa inkondo tamuli mwisenge nabo mwiminine fye pakupoka tamulingile ikonaula imiti ya uko mu kukomamo isembe. Pantu mukalyako kuli fyena, kanshi tamulingile ukufitema. Pantu cimuti ca mwibala lya muntu uo muli mukushinguluka? ²⁰ Kanafye ifimuti ifyo mwaishiba ukuti tefi muli fya kulya, kuti mwafyonaula no kufitema; mulingile uku kulako icakupokolwelako ukufuma ku musumba uwalepanga inkondo na imwe, ukasuke ukawe.