¹ Nomba mu mwaka walenga itatu kuli Hosea mwana Ela, imfumu ya Israeli, Hisekia mwana Ahasi, imfumu ya Yuda atendeke ukuteka. ² Ali nemyaka amakumi yabili naisano ilyo atendeke ukuteka; atekele imyaka amakumi yabili na pabula mu Yerusalemu. Banyina ishina lyabo ni Abiya; ali mwana mwanakashi yakwa Sekaria. ³ Alecita icisuma mumenso yakwa Yawe, ukukonka nefyakumwenako fyonse fintu Dabidi, icikolwe cakwe, alecita. ⁴ Afumishe incende ishikatami, no kutobaula amabwe ayo baimike, no ku yisha imulando ya Ashera. Atobele mufipimfya insoka yamukuba intu Mose apangile, pantu muli isho nshiku abantu abena Israeli baleoca ifyamunka kuli ena; iyaleitwa ukuti ''Neushitani.'' ⁵ Hisekia atekele muli Yawe, Lesa wabena Israeli, leelo panuma yakwe takwali nangu umo uwalingene nankwe pashamfumu shonse isha Yuda, nangu imfumu ishamutangilile. ⁶ Pantu alambatile kuli Yawe. Kabili talekele ukukonka wene leelo asungile amafunde yakwe, ayo Yawe akambishe Mose. ⁷ Eco Yawe ali na Hisekia, ukuli konse aliuwashuka. Apondokele imfumu ya Asiria no kukana ibombela. ⁸ Asanshileaba pelishiti ukufika naku Gasa elyo nemipaka iyashinguluka ukufuma kulupungu lwaba kalinda ukufika na kumusumba uwamalinga. ⁹ Mumwaka walenga ine kumfumu Hisekia, uwali emwaka wa cine lubali kuli Hosea mwana Ela imfumu ya Israeli. Shaimanesere imfumu ya Siria yaishile mukulwisha Samalia nokuupoka. ¹⁰ Pampela ya myaka itatu baliupokele, mumwaka walenga mutanta kuli Hisekia, uwali emwaka wapabula kuli Hosea imfumu ya Israeli; muli iyi nshila Samalia yalipokelwe. ¹¹ Kabili mfumu ya Asiria asendele Israeli ukutali ku Asiria nokubabika mu Hala, namu Habore umumana mu Gosaria, namu misumba yabena madai. ¹² Acitile ici pantu taba nakile ishiwi lyakwa Yawe Lesa wabo, leelo balepula mu cupangano,fyonse ifyo Mose umubomfi wakwa Yawe akonkomeshe. Balikene ukufuma nangu ukuficita. ¹³ Elyo mumwaka walenga ikumi na ine kumfumu Hisekia, Sankeribu imfumu ya Yuda Asiria yalwishishe yonse imisumba yamalinga ya Yuda no kubekata. ¹⁴ Eco Hisekia imfumu ya Yuda yatumine ishiwi ku mfumu ya Asiria, iyali ku Lakishi, nokutila, ''Nimembuka kuli imwe. Ibweshenimo ukufuma kuli ine. Icili conse mulebika pali ine ndino kukakila.'' imfumu ya Siria yalefwaya imfumu ya Uyda ukupela imyanda itatu amatalanta ya silfere na makumi yatatu aya matalanta ya golide. ¹⁵ Kabili Hesekia apele ena silbele yonse iyasangilwe mung'anda yakwa Yawe namucipao ca mucipango ca mfumu. ¹⁶ Elyo Hisekia aputwile golide ukufuma kufibi fye tempele lyakwa Yawe nokufuma ku ncenshi isho babikileko; apele golide ku mfumu ya Asiria. ¹⁷ Leelo imfumu ya Asiria yakolongenye ifita fyakwe ifingi, ukutumaTatani na Rabusarisi no mukalamba wabashilika ukufuma ku Lakishi ukuya ku mfumu Hisekia ku Yerusalemu. Elyo baendele mu musebo no kufika kunse ya Yerusalemu. Elyo bailekumanina apakumanina icishiba capamulu, icaba mu musebo wamumpanga yakwa kacapa,nokwiminina palya. ¹⁸ Ilyo bakutile imfumu Hisekia, Eliakimu mwana Hilkia, uwali kasunga wa ng'anda, na shebana kalemba, na Yoa mwana Asafi kebukisha, baile panse nokuba kumanya. ¹⁹ Kabili umukalamba wabashilika alandile kuli bena ukweba Hisekia bushe imfumu nkalamba, imfumu ya Asiria, yatila, ''Bushe nintulonshi yakucetekela kobe? ²⁰ Walandafye amashiwi yabuwele welefye, ukutila ekofili ifya kulya na maka ya kulwa. Ni muli nani ucetekele, uwingakupokolola kuli ine? ²¹ Mona, iwe wacetekela munkonto yakwendelako iyafunika muli Egypto, leelo umuntu nga ashintililako kuli yena, kuti yaingila mu minwe yakwe noku mutula. ²² Leelongawalanda kuli ine, ''Twalicetekela muli Yawe Lesa wesu,' bushe te umo uyo imisansana iikatami ne cintamba Hesekia uwafisendele elyo atile kuli Yuda elyo na kuli Yerusalemu, 'Uli nokulapepa kuntanshi yaici cintamba mu Yerusalemu?'' ²³ Elyo nomba ndefwaya kupange iwe icabupe icisuma ukufuma kuli shikulu wandi imfumu ya Asiria. Ndi nokukupela bakabalwe amakana yabili, ngakuti wafwaya abakuninapo. ²⁴ Bushe kuti wacimfya shani nangu umo kapitao pabali ababomfi bakwa shikulu wandi? Naubika ukucetekela muli Egypto pa maceleta na bapali bakabalwe! ²⁵ Bushe nshendele pano ukwabula Yawe ku kulwa pali cino cifulo no kuconaula? Yawe atile kuli in, ''Sansa iimpanga nokuyonaula.'' ²⁶ Ilyo Eliakimu umwana mwaume wakwa Hilkia, na Sheba, na Yoa atile kumukalamba wafita, ''Napapata landeni ku babomfi benu mu lulimi lwa Alamiki, pantu tulalumfwa. Mwilanda naifwe mululimi lwa ci Yuda mumatwi yabantu abo abali mucikulwa.'' ²⁷ Leelo umukalamba wafita atile kuli bena, ''Bushe shikulu wandi antumine ine kuli shikulu wenu na kuli imwe ukulanda amashiwi yamusango uyu? Bushe tatumine ine kubaume abekele pacibumba, abafwile balya amafi yabo nokunwa imisu yabo pamo naiwe?'' ²⁸ Elyo umukalamba wabashilika aiminine no kupunda mwishiwi ilikalamba mululimi lya ci Yuda, ukutile, ''Umfweni kwishiwi lyamfumu nkalamba, imfumu ya Asiria. ²⁹ Elyo imfumu yatile, ''Mwileka Hisekia amubepe imwe, pantu takakwate amaka yakunipokolola ukufuma kumaka yandi. ³⁰ Mwileka Hisekia amuleke imwe ukucetekela muli Yawe, ukutila, ''Yawe icinefye akatupokolola ifwe, elyo no yu musumba tawakapelwe mumaboko yamfumu ya Asiria.'' ³¹ Mwiumfwa kuli Hisekia, pantu ifi efyalandile imfumu ya Asiria ukuti: 'Mpangeni umutende naine nokwisa kuli ine. Elyo umuntu onse uwamuli imwe ali nokulya ukufuma kumwangashi wakwe wine elyo nokufuma kucimuti ca mukunyu wakwe wine, elyo nokunwa ukufuma mumenshi ukufuma pa cishima cakwe. ³² Uli nokucite ifi mpaka nkese nokukusenda ukufufumya iwe ukukutwala kumpanga iili ngempanga yobe, impanga yangano no mwangashi uupya, impanga yamukate namabala yamyangashi, impanga yamiti yamiolife nobuci, ica kuti mube nobumi no kukana fwa. Mwilaumfwa kuli Hisekia ilyo alefwaya ukumibeleleka imwe, ukuti, 'Yawe aletupokolola ifwe.' ³³ Bushe tulesa utuli tonse aba bantu balibapokolwele ukufuma mukuboko kwamfumu ya Asiria? ³⁴ Tulikwisa tu lesa twakwa Hamati na Apadi? Tulikwi tulesa twaku Sefaribaimu, Hena, Naiba? Bushe balipokolwele Samaria ukufuma mukuboko kwandi? ³⁵ Pali tulesa tonse utwa mumpanga, bushe paliba lesa uwa bapokolwele impanga yakwe ukufuma mumaka yandi? Bushe kuti Yawe apususha Yerusalemu ukufuma mubulamba bwandi?'' ³⁶ Leelo abantu bashele tondolo nokukana asuka pantu imfumu na ikonkomeshe, ''Mwimwasuka.'' ³⁷ Elyo Eliakimu umwana mwaume wakwa Hikia, uwaleangalila abang'anda; Shebina kalembai na Yoa umwana mwaume wakwa Asafi, Kebukisha, baishile kuli Hisekia nefyakufwala ifya lepaulwa, nokumuseba amashiwi yamushilika mukalamba.