¹ Mu mwaka uwalenga ikumi na ibili kuli Ahasi imfumu ya Yuda, ukupyana Hoshea mwana mwaume wakwa Ela uwatendeke. Atekele Samaria pantanshi ya Israeli imyaka pabula. ² Alecita ifyabipa pamenso yakwa Yawe, leleo tepamo ngesha mfumu sha Israeli ishamutangilile. ³ Shalmanesere imfumu ya Asiria yamusanshile ena, na Hosea ali umubomfi wakwe nokuleta umutulo. ⁴ Elyo imfumu ya Asiria yaibwishe ukuti Hoshea alepangila ena, pantu Hoshea atumine inkombe kuli So imfumu ya Egypto, kabili tatulile umutulo kumfumu ya Asiria yamwisalile no kumukaka mucifungo. ⁵ Elyo imfumu ya Asiria yasanshile ukushinguluka icalo conse, no kusansa Samaria no kuushinga pamyaka itatu. ⁶ Mu mwaka walenga pabula kuli Hosea, imfumu ya Asiria yapokele Samaria no kusenda Israeli ukuya ku Asiria. Ababikile namu Hala, pa Habore umumana wa Gosani, elyo na mumisumba yabena Medasi. ⁷ Ubu bunkole bwacitike pamulandu abantu abena Israeli babwembukile Yawe Lesa wabo, uwabaletele ukufuma mu calo ca Egypto, ukufuma ku kuboko kwa kwa Falao imfumu ya Egypto. Abantu balepepa tulesa tumbi ⁸ nokwenda mumibele yanko isho Yawe atamfishe pantanshi ya bantu abena Israeli, namumibele yamfumu ya bena Israeli ifyo bacitile. ⁹ Abantu abena Israeli balecita mubumfinsolo- pali Yawe Lesa wabo- ifintu ifishali bwino. Baleikulila incende ishakatami mumisumba yonse ukufuma kulupungo lwabakalinda ukufika kumusumba welinga. ¹⁰ Kabili baleimika ifibumbili fyamabwe nemilando ya Ashera mupili shonse ishitali na mwisamba lya muti onse uwalelema. ¹¹ Kulya eko baleoca ifyanunkila muncende shonse ishikatami, ngefyo inko shalecuta, abo Yawe asendele pantanshi yabo. Abena Israeli balecita ifintu ifyabipa ukulenga Yawe ukukafiwa. ¹² Balepepa utulubi, pafyo Yawe asosele kuli bena ati, ''Mwikalacita ifi fintu.'' ¹³ Leelo Yawe alesoka Israeli na Yuda kuli onse kasesema na onse kamona, ukutila, ''Fumeni munshila ishabipa nokusunga amafunde yandi nefipope fyandi, kabili mube abacenjela mukusunga ifunde ilyo nakonkomesha bashinwe, 'Ilyo natumine kuli imwe ukupitila mubabomfi bandi bakasesema.'' ¹⁴ Leelo tabaleumfwa; mucifulo caico batalamike imikoshi yabo ngabashibo abashacetekele kuli Yawe Lesa wabo. ¹⁵ Bakene ifipope fyakwe necipangano ico apangile ne fikolwe fyakwe, ne cipangano icapampamikwe ico bena nabapele. Bena bakonke imicitile inko ishipumbu isho ishabashingulwike, isho Yawe amikonkomeshe ukukana ampana nabo. ¹⁶ basulile amafunde Yonse ayakwa Yawe Lesa wabo. Bapangile ifyela ifyaengwa namaboko ifya bana bang'ombe babili abakupepa. Kabili bapangile umulando wa Ashera, kabili balepepa ne ntanda shonse isha mu mulu na Baali. ¹⁷ Bapangile nabana babo abaume nabana babo abanakashi ukupita mu mulilo, Balebomfya ukubuka nokusobela, kabili baishitisha abene ku kucita ifyabipa mu menso yakwe Yawe, nokumulenga ena ukukalifiwa. ¹⁸ Eico, Yawe ali uwakalipa kubena Israeli no kuba funya kano umutundu wakwa Yuda epela. ¹⁹ Nangufye ni Yuda tasungile amafunde yakwa Yawe Lesa wabo, akonkelefye imicitile intu Israeli acitile. ²⁰ Eico Yawe alikene ubufyashi bwakwa Israeli; alebacusha no kubapela mumaboko abalebapoka ifikwatwa ngo konaula, mpakafye abapenda ukufuma kucinso cakwe. ²¹ Afumishe Israeli ukufuma mu mutanda wabufumu bwakwa dabidi, elyo bapangile Yerobamu mwana mwaume wakwa Nebati imfumu. Yerobamu aenseshe Israeli ukufuma mukukonka Yawe no kubalenga ukubembuka ulubembu ulukulu. ²² Abantu abena Israeli bakonkele imembu shonse ishakwa Yerobamu kabili tabafuminemo muli bena. ²³ Kabili Yawe afumishe Israeli ukufuma pacinso cakwe, ngafintu alandile ukucita. Kabili Israeli asendelwe ukufuma mu mpanga yabo ukuya ku Asiria, ukufikafye nabuno bushiku. ²⁴ Imfumu ya Asiria yafumishe abantu ukufuma ku Babiloni nokufuma ku Kutu, ukufuma ku Aba, na ukufuma ku Hamati na Sefaribaimu, no kubabika mumisumba ya Samaria mucifulo cabantu abena Israeli. Kabili bapokele Samaria nokwikala mumisumba. ²⁵ Cacitike ilyo batendeke ukwikala mulya ukti tabalecindika Yawe. Eco Yawe atumine inkalamo pali bena icakutila yaipeyepo nabamo. ²⁶ Eco balandile nakumfumu ya Asiria, ukutila, ''Uluko ulo mwasendele nokulubika mumisumba ya Samaria tabaishibe imicitile iyalefwaikwa kuli lesa wamuli iiyi impanga. Eico natuma inkalamo palibena, elyo, moneni, ishi nkalamo shileipaya abantu kulya pamulandu wakuti tabaishibe imicitile iyalefwaikwa kuli lesa wamuli iiyi impanga.'' ²⁷ Elyo imfumu ya Asiria yakonkomeshe, ukutila, ''Senda umo uwaba shimapepo kulya pabo mwafumishe kulya, no kumuleka aye nokwikala kulya, no kumuleka abafunde imicitile iifwaikwa kuli lesa wailya mpanga.'' ²⁸ Eco umo uwaba shimapepo uo basendele ukufuma ku Samaria aishile no kwikala mu Betele; afundile bena ifyo bafwile ukucindika Yawe. ²⁹ Ibumba lyaluko lumo nalumo lwapangile tu lesa twabo abene, notubika pancende iikatami iyo iya bena Samaria bapangile - ibumba lyaluko mumisumba umo baleikala. ³⁰ Abantu baku Babiloni bapangile Sukote Benoti; abantu baku kuntu bapangile Negali; abantu baku Hamati bapangile Ashima; ³¹ abena Abeti bapangile Nibusi na tatasi. Nabena Sefarihaimu baleoca abana babo mu mulilo kuli Adrameleke na Anameleke, tulesa twakwa Sefarihaimu. ³² Kabili batendeke ukucindika Yawe, no kusonta bashimapepo ukufuma muli bena abapancende iikatami, Abaipela kuli bena petempele pancende iikatami. ³³ Eico balecindika Yawe elyo kabili balepepa tulesa wabo, ukulingana nentambi sha nko ukufuma muli balya basendele. ³⁴ Napali lelo bacita ukulingana nentambi shabo ishakale. Tabalecindika Yawe, nangu bushe balekonka ifipope, nefyapampamikwa, ifunde, namafunde ayo apele kubufyashi bwakwa Yakobo, uo ainike Israeli. ³⁵ Elyo Yawe apangile icipangano nabena, abakonkomeshe bena, ''Mikalatina tulesa tumbi, nokutufukamina mwebene kuli twena, nangu ukutupepa, nangu ukuipela kuli twena. ³⁶ Leelo Yawe uwamifumishe imwe mumpanga ya Egypto namaka ayakalamba ku kuboko ukwatambalala, ni kuli ena eko mukala kontamina panshi, nikuli ena eko mukalaipela. ³⁷ Ifipope ne fyapampamikwa, ifunde na mafunde ifyo alembele kuli imwe, muli no kusunga fyena umuyayaya. Eco mwilatina tulesa tumbi. ³⁸ Nefipangano ifyo napangile naimwe, tekwesha ukulaba; nangufye ukucindika tulesa tumbi. ³⁹ Leelo Yawe Lesa wenu eo mulecindika. Akamupokolola ukufuma kubalwani benu abamaka.'' ⁴⁰ Tabakaleumfwa, pantu bakonkenyefye ukucita fintu balecita kale. ⁴¹ Eco isho inko shatinine Yawe nakabili balepepafye ifya baswa, elyo nabanababo balecita cimo cine- ngefyalecita abana babanababo. Bakonkenyepofye ukucita fintu ifikolwe fyabo, ukufikafye nabuno bushiku.