¹ Moabu atendeke ukusangukila Israel panuma ya mfumu yakwa Aabu. ² Elyo Aazia aponene ukupula mu ca fimbile pa mutenge wa muputule wakwe uwa pamulu mu Samaria, nokuicenaula. Eico atumine inkombe nokutila kuli Baali-Sebubi Lesa waku Ekrone, nga nkapola kuli uku ukuicenaula.'' ³ Lelo malaika wakwa Yawe atile kuli Eliya umwina Tishibe, ''Ima, nokuyakumanya inkombe sha mfumu ya ku Samaria nokushipusha ukuti, 'Bushe nipamulandu wakuti tamwaba Lesa mu Israel eco imwe muleila mukwipusha Baali-Sebubi, Lesa waku Ekrone? ⁴ Eico Yawe atila, ''Tawakekile ukufuma pa busanshi apo usendeme; lelo icacine uli nokufwa.''' Elyo Eliya aimine nokuya. ⁵ Elyo inkombe shabwelele kuli Aazia, atile kuli shena, ''Cinshi mwabwelela?'' ⁶ Batile kuli ena, ''Umuntu uwaishile tukumanya atile kuli ifwe, ''Bweleleni ku mfumu iyi mitumine no kulanda kuli yena ati, ''Yawe alelanda ifi: Bushe nico tamwaba Lesa mu Israel ico imwe mwatutumine mukumona Baali-Sebubi, Lesa waku Ekrone? Eico iwe tawakene ukufuma kubusanshi ebo waninapo; lelo icacine iwe uli nokufwa.'''' ⁷ Aazia atile ku nkombe shakwe, ''Bushe umuntu nshi uyu uwaishile mikumanya nokulanda amashiwi yonse kuli imwe?'' ⁸ Bamwaswike abati, ''Afwele icakufwala ca masako no mushipi wa mpapa mumusana.'' Elyo imfumu yaaswike ati, ''Uyu ni Eliya umwina Tishibite.'' ⁹ Elyo imfumu yatumine uwaleangalila abashilika amakumi yasano kuli Eliya. Kangalila wabashilika aninine ukuya mona Eliya uwaile ku pamulu wa lupili. kangalila wabashilika atile kuli ena, iwe, we muntu wakwa Lesa, imfumu ilandile ati, ''Isa utentemuke.'' ¹⁰ Eliya ayaswike no kutila kuli kangalila, ''Nganine umuntu wakwa Lesa, leka umulilo wikile ukufuma ku mulu nokwipaya iwe. Na bantu bobe amakumi yasano.'' Elyo umulilo waponene ukufuma ku mulu no kumwipaya na bantu bakwe amakumi mutanda. ¹¹ Nakabili imfumu Aazia yatumine kuli Eliya na umbi kangalila na bashilika amakumi yasano. Nao uyu kangalila atille kuli Eliya, ''Iwe we muntu wakwa Lesa imfumu ilelanda ati, 'Isa bwangu bwangu tentemuka.''' ¹² Eliya ayaswike nokutila kuli bena, ''Nga ndi umuntu wakwa Lesa lekeni umulilo umponene ukufuma ku mulu no kumipaya iwe na bantu bobe.'' Nakabili umulilo wakwa Lesa wali ponene ukufuma ku mulu no kumwipaya na bantu bakwe amakumi yasano. ¹³ Kabili nakambi imfumu yatumine uwaleangalila ifita ne fita amakumi yasano. Uyu umukalamba uwaleangalila ifita alininine pa mulu, afukeme ku ntanshi yakwa Eliya, nokupapata kuli ena nokutila ati, iwe we muntu wakwa Lesa, ndekwipusha, leka umweo wandi nemyeo ya aba amakumi yasano ababomfi bobe ibe iyacindamisha mu menso yobe. ¹⁴ Cacine, umulimo waikile ukufuma ku mulu nokwipaya bakangalila babili na bantu abaume ebo bali nabo, lelo leka umweo wandi ube uwacindamisha mu menso yobe.'' ¹⁵ Umungeli wakwa Yawe atile kuli Eliya, ''Kabiye tentemuka nankwe wimutina.'' Eco Eliya alimine nokutentemuka nankwe ukuya ku mfumu. ¹⁶ Panuma Eliya alile ku Aazia, ''Ifi efyo Yawe alelanda, 'Walitumine inkombe ukuya ipusha Baali-sebabi Lesa waku Ekrone. Bushe nico mulya tamwaba Lesa mu Israel uko wingepusha pa fifwaikwa? Eco nomba, tawakese nokutentemuka ukufuma pa busanshi wanina ukusendamapo. Icine cine iwe uli nokufwa.''' ¹⁷ Eico imfumu Aazia yalifwile ukulingana na mashiwi yakwa Yawe ayo Eliya asosele. Yoramu atendeke ukuteka pa bufumu mu mwaka uwa cibili uwakwa Yuda, pantu Aazia takwete umwana umwaume. ¹⁸ Nefyashala ifyo Aazia acitile, bushe tafyalembwa mwi buuku lya milandu ya sha mfumu mu Israel?