¹ Elyo Solomoni atile, ''Yawe umwine atile akekala mwikumbi ilyafitisha, ² lelo ine nimukulila imwe ing'anda apasansama, icifulo cenu icakwikalapo umuyayaya.'' ³ Elyo imfumu yapilibwike no kupala lonse ulukuta lwa bena Israele, ninshi ulukuta lonse lwa bena Israele na lwiminina. ⁴ Atile, ''Acindikwe Yawe, Lesa wakwa Israele, alumbanishiwe, uwasosele kuli Davidi tata wandi, nao nafikilisha ici kumaboko yakwe umwine, ukutila, ⁵ 'Ukutula ubushiku ilyo nafumishe abantu bandi mu mpanga ya Egypto, Ine nshasalile umusumba nangu umo ukufuma mumikowa yonse iya kwa Israele umo bengakula ing'anda, pakuti ishina lyandi libe mulya, kabili nshasalile umwaume nangu umo kukuba intungulushi pa bantu bandi Israele. ⁶ Lelo nalisala Yerusalemu, eco ishina lyandi likabe mulya, nalisasala Davidi kukuba intungulushi pa bantu bandi Israele. ⁹ Nomba cali mumutima wakwa Davidi tata, ukukulila ing'anda pe shina lyakwa Yawe, Lesa wakwa Israele. ⁸ Lelo yawe atile kuli Davidi tata wandi, 'Muli ico cali mumutima obe ukukula inganda lyeshina lyandi, 'wacitile icawama pantu cali mumutima obe. ⁷ Lelo, iwe taufwile ukukula ing'anda; mucifulo caico, umwana obe umwaume, umo uli nokwisa ukuma muli iwe, ali nokukula ing'anda iyeshina lyandi! ¹⁰ Yawe alifikilishe ishiwi ilyo asosele, pakuti ninjima mucifulo cakwa tata Davidi, naikala pa cipuna cakwa Israele, ngefyo Yawe alaile. Ninkula ing'anda ye shina lyakwa Yawe, Lesa wakwa Israele. ¹¹ Nimbika icipao mulya, umwabela icipangano cakwa Yawe, ico apangile nabantu bakwe Israele.''' ¹² Solomoni aiminine pantanshi yacipailo cakwa Yawe pa cinso ca lukuta lwa bena Israele, nokwimya amaboko yakwe mumulu. ¹³ Pantu apangile icisebele ca mukuba, mubutali calepele imikono isano, imikono isano mubbwipi, nemikono itatu ukuya mumulu. Acibikile pakati ka lubansa. Aiminine pamulu waciko nokufukama kuntanshi yalukuta lwabena Israele, elyo aimishe amaboko yakwe ukulola mumulu. ¹⁴ Atile, ''Yawe, Lesa wakwa Israele, tapali Lesa umbi nga iwe wewaba mumulu nangula pe sonde, uusunga icipangano nokusunga icitemwiko icafikapo kubabomfi bobe abenda kuli iwe umwabela imitima yabo yonse; ¹⁵ iwe wewasungile umubomfi obe Davidi tata wandi, ifyo mwamulaile ena. Ee, mwasosele kukanwa kenu nafyo fyalifikilishiwe kukuboko kwenu, ngefyo cili nelelo. ¹⁶ Eico nomba, Yawe, Lesa wabena Israele, citeni ico mwalaile kumubomfi wenu Davidi tata wandi, ilyo mwatile, 'Takwakabulwe umuntu ku menso yandi uukekala pa cipuna cabena Israele, ngacakutifye ubufyashi bobe bwaba nakatina mukwenda umwabela ifunde lyandi, ngefyo mwaendele kuli ine.' ¹⁷ Nomba, Yawe, Lesa wabena Israele, lekeni ishiwi lyenu libe ilyafikilishiwa, ilyo mwasosele kumubomfi wenu Davidi. ¹⁸ Nomba bushe Lesa kuti aikala nabantunse pe sonde? Mona, umuntunse ne myulu ine tekuti umukumane palibufi pali lino itempele ilyo ine namukulila! ¹⁹ Napapata cindikeni ipepo lya mubomfi wenu nokwipusha kwakwe, Yawe, Lesa wandi; kutikeni ukulila kwandi ne pepo lya mubomfi wenu ilyo apepa kuli imwe. ²⁰ Lekeni amenso yenu yaloleshe kwi tempele ili akasuba nobushiku. Icifulo ico mwalaile kukubikapo ishina lyenu. Shimwingakutika kwi pepo lya mubomfi wenu ilyo apepele pali ici cifulo. ²¹ Eico umfweni kukwipusha kwa mubomfi wenu nakubantu benu abena Israele ilyo tulepepela pacifulo ici. Ee, umfweni ukufuma ku cifulo ico mwikalako, ukufuma mumyulu; na ilyo mwakutika, eleleni. ²² Ngo mwaume abembukila umwina mupalamano alapa nomulapo wacitipu, nga aisa nokulapa umulapo wacitipu pa ntanshi yalufuba muli iyi ng'anda, ²³ umfweni ukufukama mu myulu nokucitapo cimo, pinguleni ababomfi benu, susheni abamilandu nefyo acita fikabe pa mutwe wakwe. Lekeni umulungami eba uwamulandu nokupela kuli ena, umwabela ubulungami bwakwe. ²⁴ Ilyo abantu abena Israele bacimfishiwa nomulwani pamulandu nababembukila imwe, nga babwelela kuli imwe, bayebelela neshina lyenu, bapepa, nokulomba ubwelelo pantanshi yenu mwitempele ili ²⁵ elyo mukomfwe ukufuma mu myulu nokwelela ulubembu lwa bantu abena Israele; mukababweshe bena mu mpanga intu mwabapele bena nakufikolwe fyabo. ²⁶ Ilyo imyulu yaisalika icakuti takuli nemfula pamulandu wakuti abantu nababembukila imwe nga cakuti bapepa nabalosha kuli cino cifulo, nokuyebelela kwishina lyenu, ukufuma kulubembu lwabo ulwabatitikisha ukufuma kuli bena- ²⁷ elyo umfweni mumulu nokwelela imembu sha babomfi benu na bantu benu abena Israele, ilyo imwe mwabatungulula mu nshila iyo bafwile ukwendelamo. Tumeni imfula pa mpanga yenu, iyo mwapele ku bantu benu nge cakupyanina. ²⁸ Nga mu calo mwapona icipowe, nangula mwaba amalwele, icilala, makanta, nangu ifishimu; abalwani babo basansa ifibi fyamumusumba mu mpanga yabo, nangu mwaba icinkukuma nangula ukulwala- ²⁹ nelyo cakuti amapepo nokwipusha kwa pangwa no muntu nangu pa bantu abena Israele-cilaumo eshibe ifinkukuma na macushi umwine mu mutima wakwe emye amaboko ukulola kuli ili tempele. ³⁰ Elyo mukomfwe mu mulu, mucifulo cenu umo mwikala; ukubelela uluse, nokupela icilambu ku muntu onse ukulingana ne mibele yakwe; mwaishiba umutima wawke, pamulandu imwe nimwefye mweka mwaishiba imitima yabantunse bonse. ³¹ Citeni ici pakuti bamitine imwe, pakutila bende munshila shenu inshiku shonse isho bakekala pa mpanga iyo mwapela ku fikolwe fyesu. ³² Kabili uwafuma ku calo cimbi uushili wamubantu abena Israele, lelo uyo pamulandu weshina lyenu ilya kulisha, ukuboko kwenu ukwamaka, nokuboko kwenu ukwatambulukwa-aisa nokupepa nalosha kuli iyi ng'anda, ³³ elyo napapata mukomfwe ukufuma mumulu, mucifulo umo mwikala, nokucita conse icaluse ico abena fyalo baipusha imwe, eico, abantu bonse abapano isonde beshibe ishina lyenu nakumutima, nge ficita abantu abena Israele, kabili bakeshibe nokuti ing'anda yenu iyi iyo ine nakula yainikwapo ishina lyenu. ³⁴ Nga cakuti abantu benu baya mukulwa nabalwani babo, mumusango onse mwabatuminamo, nangu bena bapela kuli imwe ukulosha kuli uyu musumba uo imwe mwasala, nokulosha ku ng'anda iyo ine nakulila ishina lyenu. ³⁵ Elyo mukomfwe kwipepo lyabo ukufuma mumulu, ukulomba kwabo, nokubafwa kumilandu yabo. ³⁶ Nga babembukila imwe-pantu takwaba umuntu uushibembuka-nakabili imwe mwabafulilwa nokubapela kubalwani, eco abalwani babo babasenda ukutali nokubasenda nga basha ku calo cabo, nangu kutali nelyo mupepi. ³⁷ Elyo nga baibukisha ati balimucalo ico babasendele muli bunkole nangula balapila nokulomba ubwelelo kuli imwe mu mpanga umo baba nga abasha. ³⁸ Nga cakuti bena batila, natulufyanya natubembuka. Twabifishe ciibi. Nga cakuti bena babwelela kuli imwe ne mitima yabo yonse ne myeo yabo yonse mu mpanga iyo baba cita abasha, umo basendelwe bunkole, nga cakuti bapepa ukulosha ku mpanga yabo, iyo mwapele kufikolwe fyabo, nokulosha ku musumba uyo mwasalile, nokulosha ku ng'anda iyo ine nakulile imwe pe shina lyenu. ³⁹ Elyo mukomfwe ukufuma mumyulu icifulo umo mwikala, na kwipepo lyabo nokulomba kwabo, nokubafwa kumilandu yabo. Babeleleni uluse abantu benu, abo ababembukila imwe. ⁴⁰ Nomba, mwe Lesa wandi, ndemupapata, lekeni amenso yenu yesuke, nokuleka amatwi yenu yomfwe kwipepo ilya pangilwe pali cino cifulo. ⁴¹ Lelo imeni, Yawe Lesa, mucifulo cenu icakutushamo, imwe na icipao camaka yenu. Lekeni bashimapepo wenu Yawe Lesa, bafwale ipusukilo, nokuleka aba cishinka benu basekelele mubusuma bwenu. ⁴² Yawe Lesa, mwipilibula icinso cabasubwa benu ukukana fuma kuli imwe. Sungeni mumano yenu icipangano cabufumu kuli Davidi, umubomfi wenu,''