¹ Ilyo imilimo yonse iyakwa Solomoni iyo acitile ku ng'anda yakwa Yawe yapwile, Solomoni aletelemo ifintu ifyo Davidi, wishi, nokufiteka umwakusungila, ukulundapo silfere, golide, nefipe fyonse fyabikilwe umwakusungilwa mwa mu ng'anda yakwa Lesa. ² Elyo Solomoni akolonganike abakalamba ba mu Israele, shonse mitwe sha mumikowa, ne ntungulushi sha mundupwa lwa bantu bakwa Israele; mu Jerusalemu, kukuletamo imbokoshi ya cipao cakwa Yawe ukufuma mu musumba wakwa Davidi, uuli ni Sione. ³ Abaume bonse aba mu Israele balongene ku mfumu pa cakucilila, uyo uwali mu mwenshi uwalenga cine lubali. ⁴ Shonse intungulushi sha mu Israele shaishile, nabena Lebi baimishe icipao. ⁵ Baletele icipao, itenti lyakukumaninamo, nefipe fyonse ifyali mwi tenti. Bashimapepo abo abali bamumukowa wa bena Lebi baletele ifyo ifintu. ⁶ Imfumu Solomoni na bonse abalongene ba mu Israele baishile bonse capamo ku cipao, kukupela amalambo ya mpaanga na ing'ombe ishishingapendwa. ⁷ Nabashimapepo baingishe icipao ca cipangano cakwa Yawe pa ncende yaciko, mukati ka muputule wa ng'anda, kumuputule wa mushilo, pesamba lya mapindo yaba Kerubimu. ⁸ Pakuti ba Kerubimu bafungululwe amapindo yabo pamulu wa cakutekapo icipao, nabo bafimbile pa cipao ne mitembo apo ici casendelwe. ⁹ Imitembo yali iitali sana icakuti impela yashiko yalemoneka ukufuma mu muputule wamushilo ku ntanshi ya muputule wa mukati, lelo teti imonwe ukufuma kunse. Epo iili ukufika na kubwalelo. ¹⁰ Tamwali nangu cimo mu cipao kanofye ifipapatu fya mabwe fibili ifyo Mose abikilemo kulya ku Horebu, ilyo Yawe apangile icipangano nabantu ba ku Israele, ilyo bafumine mu Egypto. ¹¹ Ici caishile mukuti bashimapepo bafumemo mu muputule wa mushilo. Bonse bashimapepo balisangulwile abene kuli Yawe, tabalekonka ukulingana nomo basambilishiwe. ¹² Nabena Lebi abali bakemba, bonsefye, ukulundapo na Asafi, Hemani, Yetamu nabana babo abaume nabamunyinabo, balefwala ishakolokondwe nokulisha amalimba, ne filimba fya nsale, naba nsango nabeminina pampela ku kabanga iya cipailo. kuli bena kwali bashimapepo umwanda umo namakumi yabili abalelisha amapenga. ¹³ Ilyo cali ifi kalisha wamapenga nabakemba batendeke ukwimbila capamo ukupanga iciunda cimo nokumfwika pakulumbanya nokutasha Yawe. Basanswile amashiwi yabo pakulisha amapenga na malimba ne filimba nafimbi, nabo balumbenye Yawe. Baimbile, ''Pantu musuma, pantu icipangano cacikuku cakwe ca muyayaya.'' Elyo ing'anda yakwe, ing'anda yakwa Yawe, yaiswilemo ikumbi. ¹⁴ Bashimapepo tekuti beminine kukubomba pamulandu we kumbi, pantu ubukata bwakwa Yawe bwaiswile mu ng'anda.