¹ Hisekia atumine amashiwi ku bena Israeli bonse na ku bena Yuda, kabili alembele amakalata kubena Efraimu na kubena Manase, ukuti bafwile baisa ku ng'anda yakwa yawe mu Yerusalemu, no kusefya ica kucilila kuli Yawe, lesa wakwa Israeli. ² Kabili imfumu, nentungulushi shakwe, bonse balongene mu Yerusalemu baumfwanene bonse, ukuti bali nokusefta ica kucilila mu mweshi wabubili. ³ Pantu tabafwile ukusefya panshita ilya, pamulandu wakuti bashimapepo abaisangulwile tabafulile abakusefya na bantu nabo tabalongene pamo mu Yerusalemu. ⁴ Kabili ici camoneke icaweme pa cinso ca mfumu na kuli bonse abalongene. ⁵ Eico basuminishenye ukuti kube ukubila imbila mu Israeli monse, ukufuma ku Beere-Sheba ukufika ku Dani, ukuti abantu bafwile bese mukusefya ica kucilila kuli Yawe, Lesa wakwa Israeli, mu Yerusalemu pantu bena tabamwene ici ukuti impendwa ikalamba iya bantu ukulingana ne fyalembwa. ⁶ Kabili inkombe ishakwete amakalata ukufuma kumfumu na kuntungulushi shamfumu shaile mu Israeli monse na muYuda, ukulingana ne funde lya mfumu. Kabili inkombe shatile, ''Mwebena Israeli pilibukeni nokubwelela kuli Yawe, Lesa wakwa Abarahamu, Isaki na Israeli, pakuti abwelele ku bashalapo pali imwe abapusuka ku minwe yashamfumu sha ku Asria. ⁷ Kabili mwiba ngefikolwe fyenu nangu ba munyinemwe, abasangukile Yawe, Lesa wa fikolwe fyabo, pakuti cabalengele baba ica kupapa, ngefyo mulemona. ⁸ Nomba mwilatalamika imikoshi Yenu, ngefyo fikolwe fyenu fyacitile; nomba, ipeleni mwebene kuli Yawe no kwisa muncende yakwe iya mushilo, umo asangulula umuyayaya, no kulapepa Yawe Lesa wenu, pakuti ubukali no kufulwa kwakwe bufume pali imwe. ⁹ Pantu nga mwabwelela kuli Yawe, bamunyine mwe na baana bakababelela uluse kuba basenda nga bafungwa, no kubwelela mu calo. Pantu Yawe Lesa wenu, wamutembo kabili wa luse, kabili takafumye icinso cakwe kuli imwe, nga mwabwelela kuli ena.'' ¹⁰ Eico inkombe shapitile mu musumba no musumba monse mufitungu fya Efraimu na Manase, bonse ukuyafika na kusebuluni, nomba abantu balebaseka no kubatumfya. ¹¹ Nomba, abantu bamo bamo aba muli Ashere na Manase na kuli Sebuluni ebaice feshe abene kabili baishile ku Yerusalemu. ¹² Ukuboko kwa kwa Lesa nako kwaile kubena Yuda, no kubapela bonse umutima umo, uwakusenda ne funde lya mfumu ne lya ntungulushi na kwi shiwi lya kwa Yawe. ¹³ Abantu abengi, kwali ukulongana ukukalamba nganshi, lwalongene mu Yerusalemu ku kusefya imitebeto wa mukate ushatutumuka mu mweshi wabubili. ¹⁴ Kabili balimine nokufumya ifya pafibumbili fya fipailo ifya mu Yerusalemu, kabili fyonse ifipailo apo balefutumwina ifyanunkila; bali fifumishe no kufiposa mu mupokapoka wa Kidrone. ¹⁵ Elyo baipaye ilambo lya paca kucilila pa bushiku bwalenga ikumi nashine ubwa mumweshi wa bubili. Bashimapepo na bena Lebi bena bali nensoni, kabili bali isangulwilwe abene nokuleta imituulo yakoca ku ng'anda yakwa Yawe. ¹⁶ Baiminine pa ncende shabo ukulingana na mabumba yabo, ukukonka imibele yabo iyo bapelwe ukulingana nefunde lyakwa Mose, umuntu wakwa Lesa. Bashimapepo balesansa umulopa uo balepeelwa kubena Lebi. ¹⁷ Pantu kwali abengi abalongene abo abashaisangulwile. Kabili abena Lebi ebaleyangalila icakucilila ukwipaya inama pantu uuli onse abashasangulwike pakuti babasangulule kuli Yawe. ¹⁸ Pantu kwali abantu abengi nganshi, abengi aba mu bena Efraimu na Manase, Isakari na Sebuluni, abashaisangulwile, pantu baliliile icakucilila, ukwabula ukukonka ifyalembwa. Leelo Hisekia alibapepeleko, ukutila, ''Yawe umusuma asuminishe. ¹⁹ Onse upekanya umutima wakwe ufwaya Lesa, Yawe, Lesa wafikolwe fyesu, nangu cakuti tabali abasanguluka ku kubomba ifyamushilo.'' ²⁰ Awe Yawe alyumfwile kuli Hisekia no kuundapa abantu. ²¹ Elyo abantu abena Israeli abasangilwe mu Yerusalemu ukusunga imitebeto wamikate ishatutumuka inshiku cine lubali nokusekelela kukalamba, kabili abena Lebi na bashimapepo balelumbanya Yawe cila bushiku, ukulaimba ne filimba balelambanya Yawe. ²² Hasekia alandile mukukoselesha abena Lebi bonse abaumfwile ifyo bali nokubombela Yawe. Eico balile umutebeto inshiku cine lubali, baletuula amalambo yamutende nokuyabelela imembu kuli Yawe, Lesa wa fikolwe fyabo. ²³ Elyo bonse balongene kabili baumfwanene ukuti lusefye imitebeto inshiku cine lubali, kabili basefeshe ne nsansa. ²⁴ Pantu Hisekia imfumu ya mu Yuda apeele abalongene ing'ombe ikana limo nempanga amakana cine lubali, ne ntungulushi nabo bapeele abalongene ing'ombe ishilume ikana limo ne mpanga amakana ikumi ne mbushi. Impendwa iikalamba nganshi iya bashimapepo abengi batwalilile ukuisangulula. ²⁵ Bonse abalongene aba Yuda, na bashimapepo nabena Lebi, na bonse abantu abafumine mu Israeli na batulatula abo abafumine mu calo ca Israeli nabo bonse abekala mu Yuda bonse balesekelela. ²⁶ Kabili kwali ukusekelela nganshi mu Yerusalemu, pantu ukufuma mu nshiku shakwa Solomone umwana umwaume wakwa Dabidi imfumu ya kwa Israeli, takwali ukusefya ngo kwaba nga mu Yerusalemu. ²⁷ Elyo bashimapepo, abena Lebi, balimine no kupaala abantu. Na mashiwi yabo yalyumfwikike, kabili nepepo lyabo lyafika na kumulu, incende yamushilo cifulo umwikala Lesa.