¹ Yotamu ali nemyaka amakumi yabili na isam=no ilyo atendeke ukuteka; atekele imyaka amakumi mutanda mu Yerusalem. Inyina wakwe ali ni Yerusa; umwana mwanakashi uwakwa Zadoki. ² Ena acitile icalungama mu menso yakwa Yawe ukukonka ifilangililo fyakwa wishi, Uzzia, muli fyonse ifintu. Nao wine alekana ukuya mwi tempele lya kwa Yawe. Lelo abantu balecita ifintu ifya bipa. ³ Akulile impongolo yapa mulu wa ng'anda yakwa Yawe, na kapili ka Ofele alikulile ifingi. ⁴ Nakucilisha akulile imisumba mu calo ca tupili ica Yuda, na mumitengo akulilemo imisumba ya malinga ne mpungu. ⁵ Nao alilwile ne mfumu ya bantu naku Amone nokubacimfya. cali ukuti na mumwaka umo wine abantu ba ku Amone bamupele amatalante ya silfere umwanda umo, amakumi imintapendwa ifi[imo fya ngano, imintapendwa amakumi yafipimo fya barle. Na bantu ba ku Amone ba mupele fimo fine mu mwaka wa cibili no wacitatu. ⁶ Eico Yotamu aishileba na maka sana pantu aleenda uwayana mu cinso cakwa Yawe Lesa wakwe. ⁷ Ne fintu fimbi ukulola kuli Yotamu, ikondo shakwe shonse ne misango yakwe, mona, fyalembelwe mwi buku lya sha mfumu sha ku Israele na Yuda. ⁸ Ali nemyaka amakumi yabili na isano ilyo atendeke ukuteka; atekele imyaka amakumi mutanda mu Yerusalemu. ⁹ Yotamu alele umwalele ifikolwe fyakwe, no kumushika ba mushikile mu musumba wakwa Davidi. Aazi umwana wakwe umwaume ewaishileba imfumu iyamupyene.