¹ Yehoshafati imfumu yabena Yuda aalulwike umutende ku ng'anda ku mwakwe mu Yerusalemu. ² Elyo Yehu umwana mwaume wakwa Hanani, uwalemona ifimonwa, afumine kukumukumanya kabili atile ku mfumu Yehoshafati, ''Bushe ni mwe mufwile ukufwailikisha ababifi? bushe nimwe mufwile ukutemwa bonse abapata Yawe? Pali ifi fyacitike, ubukali ukufuma kuli Yawe buli pali iwe. ³ Lelo, kuli ifisuma fimo ifyasangwa muli iwe, muli ifyo walibula ba Ashera abaimikwa ukubafumya mu calo, kabili waliteyanya umutima obe ku kufumya Lesa. ⁴ Yehoshafati aleikala mu Yerusalemu; kabili afumine mu bantu ukufuma ku Beeresheba ukufika ku calo ca mpili ica kwa Efraimu no kubabwesesha kuli Yawe, Lesa wabashibo. ⁵ Abikile abapingushi mu calo ukupitila mu misumba yonse iya malinga iya bena Yuda, mu musumba no musumba. ⁶ Atile ku bapingushi, ''Tontonkanyeni pafyo mulecita, pantu te muntu mulepingula, lelo ni Yawe; ali pamo naimwe mu calo cabupingushi. ⁷ Eico nomba, lekeni akatina kakwa Yawe kobe pali imwe. Beni abacenjela ilyo mulepingula, pantu kulya takwaba amampulu pamo na Yawe Lesa wesu, nangu akapatuluka nangu ukupoka amafisakanwa.''' ⁸ Kabili, mu Yerusalemu Yehoshafati asontelemo bamo mu bena Lebi na bashimapepo, na bamo imitwe pabakalamba ba mayanda aya bena Israel, pakuti basende ukufumya pali Yawe, nipamulandu wa cimfulunganya. Baikele mu Yerusalemu. ⁹ Abebele, ukuti, ''Mukalepyungila mu katina kakwa Yawe, icishinka, ne mitima yenu yonse. ¹⁰ Conse icimfulunganya icikesa kuli iwe ukufuma kuli ba munyinane abekala mu misumba yabo, nelyo pamulandu wa kusumya umulopa, nelyo palwa mafunde napa makambisho, ifipope, nangu ifya pampamikwa, ukabasoke, ukuti bekala abasakamana pali Yawe, nangu ubukali ubukesa pali iwe no bukesa pali ba munyinenwe. Mulecita ifi kabili mwikaba no mwenso. ¹¹ Moneni, Amaria shimapepo mukalamba ewalamutungulula mu milandu yonse iya kwa Yawe. Sebadia umwana umwaume uwakwa Ishmaele, intungulushi ya ng'anda yakwa Yuda, ewakulamipingula mu milandu yonse iya mfumu. Kuli, nabena Lebi bakaba abakalamba bakalamipyungila. Beni abakosa no kumfwa ifikomo fyenu, kabili Yawe abe pamo na bonse abasuma.''