¹ Nomba Jehosfat alikwete ifyuma ifingi nobucindami; ba ampene na Ahab nokusuminisha umo uwa mulupwa ukuupa umwana mwanakashi wakwe. ² Ilyo papitile imyaka, aile kuli Ahab ku Samaria. Ahab amwipaileko impaanga ishingi ne ng'ombe na bantu abali nao. Ahab amukoseleshe ukusansa Romath Gilead na ena. ³ Ahab, imfumu ya Israele, atile kuli Jehosfat, imfumu ya Yuda, ''Bushe uleya naine ku Romath Gilead?'' Jehosfat amwaswike, ''Naba nga iwe, na bantu bandi baba nga bantu bobe. Tukaba nainwe munkondo.'' ⁴ Jehosfat atile ku mfumu ya Israele, ''Shibaleni intanshi fwayeni ishiwi lyakwa Yawe ku bwasuko bwenu.'' ⁵ Elyo imfumu ya Israele yakolongenye bakasesema pamo, abaume imyanda ine, nokutila kuli bena, ''Bushe tuleya ku Romath Gilead kukulwa, nangu iyo?'' Batile, ''Sanseni, pantu Lesa alicipela muminwe ya mfumu.'' ⁶ Lelo Jehosfat atile, ''Bushe takuli kuno kasesema naumbi uwakwa Yawe uko twingafwaya ubwafwilisho?'' ⁷ Imfumu ya Israel yatile kuli Jehosfat, ''Eko ali umwaume umo untu twingafwayako ubwafwilisho ubwakwa Yawe, Mikaia umwana mwaume wakwa Imlah, lelo nalimupata pantu tasesema ifisuma ifikumine ine, lelo ifibi lyonse.'' Lelo Jehosfat atile, ''Imfumu tailingile ukusosa ifyo.'' ⁸ Elyo imfumu ya Israel yaitile umubomfi nokutila, ''Leeta Mikaia umwana mwaume wakwa Imlah bwangu bwangu. ⁹ Nomba Ahab imfumu ya Israel na Jehosfat imfumu ya Yuda baikele cila umo pa cipuna, bafwele imingila yabo, palwalala pa mwinshi wa mpongolo ya Samaria, nabakasesema bonse basesema ku finso fyabo. ¹⁰ Zedekia umwana mwaume wakwa Kenaana aipangile umwine insengo sha ceela kabili atile, Yawe alanda kuli ifi mukasunka abena Arameans mpaka bakepaiwe.'' ¹¹ Bakasesema bonse baseseme cimo cine, ukutila, ''Sanseni Romath Gilead mukucimfya, pantu Yawe natupela ici muminwe ya mfumu.'' ¹² Intumi iyaile kukwita Mikaia atile kuli ena, ''Moneni, amashiwi yaba kasesema nakanwa kamo kene nayasekesha imfumu. Leka amashiwi yobe yasuminishanye nayobe, nokusosa bwino.'' ¹³ Mikaia ayaswike, ''Apo Yawe acili no mweo, kanofye ifyo Lesa asosa efyo nkasosa.'' ¹⁴ Elyo aishile ku mfumu, imfumu yatile kuli ena, ''Mikaia, Bushe tufwile ukuya ku Ramoth Gilead kukulwa, nangu iyo?'' Mikaiaalimwaswike ena, ''Kasanseni nokucimfya! Pantu kukaba kucimfya ukukalamba.'' ¹⁵ Elyo imfumu yatile kuli ena, ''Ninshita shinga nkakabila iwe ukulapa ukunjeba nangu cimo kanofye icishinka mwi shina lyakwa Yawe?'' ¹⁶ Elyo Mikaia atila, ''Namwene abena Israel bonse nabasalangana pa mpili, nge mpaanga ishabula kacema, na Yawe atile, aba tabakwata kacema, leka umwaume onse abwelele ku ng'anda yakwe umutende.''' ¹⁷ Elyo imfumu ya Israel yatile kuli Jehosfat, ''Bushe nshacikweba ukuti tuseseme icisuma icikumine ine, kanofye ubusanso?'' ¹⁸ Elyo Mikaia atile, ''Eico imwe bonse mufwile ukumfwa icebo cakwa Lesa: Namwene Yawe naikala pa cipuna cakwe, nemilalo iya mumulu baiminine kukuboko ukwa kukulyo na kukuso. ¹⁹ Yawe atile, 'Uukanasha Ahab, imfumu ya Israel, pakuti akaye nokuya wa ku Ramoth Gilead?' Umo atile ifi naumbi ifyo. ²⁰ Elyo umupashi waishile nokwiminina ku cinso cakwa Yawe nokutila, ndemubeleleka: Yawe atile kuli ena, 'Mumusango nshi?' ²¹ Umupashi wayaswike, 'Ndeya kabili ndi nokuba umupashi wabufi mu tunwa twabakasesema bakwe. Yawe ayaswike, 'Ukamubeleleka, kabili ukafikilisha. Kabiye nomba nokucita ifi.' ²² Nomba mona, Yawe nabika umupashi wabufi mutunwa twabakasesema bobe, na Yawe nasosa ubusanso kuli imwe.'' ²³ Elyo Zedekia umwana mwaume wakwa Kenaana, alisokolweke, aumine Mikaia pe saya, kabili atile, ''Ninshila nshi umupashi wakwa Yawe wacendamo ukufuma kuli ine nokusosa kuli iwe?'' ²⁴ Mikaia atile, ''Moneni, mukeshiba ukuti pali bulya bushiku, ilyo mukabutukila mumuputule wa mukati mukufisama.'' ²⁵ Imfumu ya Israel yatile kubabomfi bamo, ''Imwe mwe bantu ikateni Mikaia nokumutwala kuli Amon, kateeka wa musumba, nakuli Joash, umwana mwaume wandi. ²⁶ Imwe mwe bantu mukatile kuli ena, Imfumu yatila: Bikeni uyu muntu mucifungo nokumulisha akamukate akanini notumenshi utunono, mpaka nabweluluka umutende.'' ²⁷ Elyo Mikaia atile, ''Nga wabweluluka umutende, ninshi Yawe tasosele ukupitila muli ine.'' Elyo atwalilile, ''Kutikeni kuli ifi, mwe bantu bonse.'' ²⁸ Eico Ahab, imfumu ya Israel na Jehosfat, imfumu ya Yuda, baninike ku Ramoth Gilead. ²⁹ Imfumu ya Israel yatile kuli Jehosfat, ''Ndeifisa icinso nokuya kubulwi, lelo ufwale umwingila obe uwabufumu.'' Elyo imfumu ya Israel yali ifishile icinso caiko, kabili baile kubulwi. ³⁰ Nomba imfumu ya Aram yali kambishe bamushika ba maceleta, ukutila, ''Mwisansa ifita finono nangu abakalamba bafita. Lelo, sansenifye imfumu yeka iya Israel.'' ³¹ Nomba ilyo bamushika bamaceleta ba mwene Jehosfat batile, ''Ulya e mfumu ya Israel.'' Bapilibukile kukumusansa, nomba Jehosfat alilile, na Yawe alimwafwile ena. Lesa alibafumishe buli ena. ³² Nomba ilyo abakalamba bamaceleta bamwene ukuti temfumu ya Israel, balibwelulwike nokuleka ukumukonka. ³³ Nomba umuntu umo atintile ubuta mukupumikisha nokulasa imfumu pakati kafilundo fya cifuba cakwe. Elyo Ahab atile kubensha iceleta lyakwe, ''Pilibuka nokusenda ukufuma muncende yabulwi, pantu ni ncenwa icabipisha.'' ³⁴ Ubulwi bwalibipishe bulya bushiku, ne mfumu ya Israel yabikilwe mwiceleta lyakwe ukulolenkana nabena Arameans ukufika icungulo. Panshita ilyo akasuba kali mupepi nokwingila alifwile.