¹ Caishile ilyo ubufumu bwakwa Rehoboamu bwapampamikwe elyo ali uwakosa, ilyo ena laekele ukukonka amafunde yakwa Yawe nabonse abena Israele alinabo. ² Cacitike mumwaka wa cisano uwafumu Rehoboamu, ukuti Shishaki, imfumu yaku Egypto, yaishile nokwiminina Yerusalemu, pantu abantu tabali na cinshika kuli Yawe. ³ Ena aishile mamaceleta makana imyanda ibili elyo nabali pali bakabalwe amakana mutanda. Abashilika ababula impendwa baishile naenaukufuma ku Egypto: Libya, Sukimu, nabena Ethopia. ⁴ Ena aikete imisumba yamalinga iyo iyali kuli Yuda nokwisa ku Yerusalemu. ⁵ Nomba Shemaya kasesema aishile kuli Rehoboamu elyo nentungulushi shakwa Yuda abo abalongene pamo ku Yerusalemu pamulandu wakwa Shishaki. Shemaya atile kuli bena, ''Ici eco Yawe asosa: Imwe namusula ine, eico naine nimipela imwe muminwe yakwa Shishaki. ⁶ ''Elyo baicilolo baku Israele elyo nemfumu bainashishe abenefye nokutila, ''Yawe mulungami.'' ⁷ Ilyo amwene ukuti nabainasha abene, ishiwi lykawa Yawe lyaishile kuli Shemaya, nokutia, ''Nabainasha abenefye. Nshili nokubonaula bena; Ine nali nokubapususha nakuntanshi, elyo necipyu candi tacakapongolokele pali Yerusalemu ukupitila mukuboko kwakwa Shishaki. ⁸ Lelo, bakaba ababomfi bakwe, pakuti baumfwa ifyo bengambombela ine elyo nokubombela intungulushi sha fyalo fimbi.'' ⁹ Eico Shishaki, imfumu ya Egypto yaishile nokwiminina Yerusalemu elyo nokusenda ifyuma mu ng'anda yakwa Yawe, elyo nefyuma mu ng'anda ya mfumu. Ena asendele ifili fyonse; ena kabili asendele inkwela sha golide isho Solomoni apangile. ¹⁰ Imfumu Rehoboamu apangile inkwela sha mukuba mu ncende yakwe nokushpela kuli bena muminwe yabakalamba nabamalonda, abo abalelonda pafibi fya ng'anda ya fyuma. ¹¹ Icalecitika cakuti ilyo lyonse imfumu iileingila mu ng'anda yakwa Yawe, bamalonda kushisenda; elyo bafwile ukushibwesha mu ng'anda yabamalonda. ¹² Elyo Rehoboamu aicefeshe umwine, icipyu cakwa Yawe capilibwike ukufuma pali ena, pakukana monaula ena umupwilapo; nacimbifye, kwali nakabili fimo ifisuma ifyalesangwa muli Yuda. ¹³ Eico imfumu Rehoboamu yapangile ubufumu bwakwe ubwakosa mu Yerusalemu, elyo nefyo atekele. Rehoboamu ali nemyaka amakumi yane na umo ilyo atampile ukuteka, elyo ena atekele pamyaka ikumi limo na cine lubali mu Yerusalemu, umusumba uo Yawe asalile ukufuma ku mitundu yabena Israele pakuti ena engabika ishina lyakwe kulya. Ishina lykawa nyina ali ni Naama umwanakashi waku Amone. ¹⁴ Ena alecita ifyo ifyali ifyabipa, pamulandu ena tapele umutima wakwe mukufwaya Yawe. ¹⁵ Nge milandu imbi iyakumine Rehoboamu, pakubalilapo napakulekelesha, tayalembwa mufyalembwa fyakwa Shemaya kasesema na Ido kamona, ifyo kabili fyaba nefyalembwa fyamfyalwa elyo nenkondo yalyonse pakati kakwa Rehoboamu na Yereboamu? ¹⁶ Rehoboamu asendeme nefikolwe fyakwe elyo bamushikile mu musumba wakwa Davidi; Abiya umwana wakwe umwaume aishileba imfumu mu ncende yakwe.