¹ Ilyo Rehoboamu afikile mu Yerusalemu, ena akolonganike ing'anda yakwa Yuda elyo na Benjamini, abaume 180,000 abasalilwe abali abashilika, kukulisha abena Israele kukubwesehsa ubufumu kuli Rehoboamu. ² Lelo ishiwi lyakwa Yawe lyaishile kuli Shemaya umuntu wakwa Lesa, aliti, ³ ''Sosa kuli Rehoboamu umwana mwaume wakwa Solomoni, imfimu yakwa Yuda, elyo nakuli bonse abena Israele abali muli Yuda na Benjamini, ⁴ Yawe alanda ici, imwe tamufwile ukusansa nangu ukupanga inkondo kuli bamunonko bobe. Cilamuntu afwile ukubwelela ku nganda yakwe, pantu ine nalenga ici ukucitika.'''' Eico basumine amashiwi yakwa Yawe elyo bapilibukile kunuma mukusansa Yeroboamu. ⁵ Rehoboamu aikele mu Yerusalemu elyo akulile imisumba mu Yuda iyakufisamamo. ⁶ Ena akulile Betelemu, Etamu, Tekoa, ⁷ Betsuri, Soko, Adulamu, ⁸ Gati, Maresha, Sifi, ⁹ Adoraimu, Lakishi, Aseka, ¹⁰ Sora, Ayalone, Hebrone. Iyi emisumba iyali amalinga mu Yuda na Benjamini. ¹¹ Ena akoseshe imisumba nokubikamo intungulushi muli bena, namatuka yafyakulya, amafuta elyo nomwangashi. ¹² Ena abikilemo inkwela elyo nemifwi mumisumba yonse nokuilenga ukukosa. Eico Yuda na Benjamini bali kubali lwa ena. ¹³ Bashimapepo elyo nabena Lebi abo abali muli bonse abena Israele baile kuli ena mumimpaka yabo. ¹⁴ Pantu abena Lebi bashile impanga yamulemfwe elyo nefikwatwa mukukonkafye nokwisa kuli Yuda elyo na Yerusalemu, pantu Yereboamu nabana bakwe abaume balibatamfishemo, mukutila tabengabombamo imilimo yabushimapepo kuli Yawe. ¹⁵ Yeroboamu aisontele umwine bashimapepo mufifulo fyapamulu elyo imbushi nemitepa ya ng'ombe iyafilubi ena apangile. ¹⁶ Abantu ukufuma mumikowa yonse iyabena Israele baishile panuma yabo, balya abapele imitima yabo mukufwaya Yawe, Lesa wakwa Israele; baishile ku Yerusalemu mukupela ilambo kuli Yawe, Lesa wabashibo. ¹⁷ Eico bakoseshe ubufumu bwakwa Yuda elyo balengele Rehoboamu umwana mwaume wakwa Solomoni ukukosa panshita yamyaka itatu, elyo baendele imyaka itatu munshila yakwa Davidi na Solomoni. ¹⁸ Rehoboamu aibulile umukashi wakwe umwine: Mahalati, umwana mwanahashi wakwa Yerimote, umwana mwaume wakwa Davidi, elyo uwakwa Abihaili, umwana mwanakashi wakwa Eliabu, mwana Yese. ¹⁹ Ena amufyalile abana baume: Yeushi, Shemaria, na Shahamu. ²⁰ Panuma Mahalati, Rehoboamu abulile Maaka, Abishalomu, umwana mwanakashi; ena amufyalile Abiya, Atai, Sisa, elyo na Shelomiti. ²¹ Rehoboamu atemenwe Maaka, Abishalomu umwana mwanakashi ukucila pali bonse abakashi elyo nabanakashi bambi (akwete abakashi ikumi limo na cine konse konse elyo abakashi bambi amakumi mutanda, elyo ali nabana baume amakumi yabili nacine konse konse elyo abana banakashi amakumi mutanda). ²² Rehoboamu asontele Abiya umwana mwaume wakwa Maaka ukuba intungulushi, pakati kabamunyina bakwe; ali nelangulushi lyakumupanga ena imfumu. ²³ Rehoboamu atele mano mano; ena asalanganishe abana baume bakwe ku calo ca Yuda na Benjamini ku misumba yonse iyamalinga. Ena kabili abapele ifyakulya ifingi nokulabafwaila abakashi abengi ababo.