¹ Saulo asosele kuli Yonatani umwana wakwe umwaume nakubabomfi bakwe bonse ukuti bepaye Davidi. Lelo Yonatani, mwana Saulo alitemenwe nganshi Davidi. ² Eico Yonatani aebele Davidi, ''Saulo tata alefwailisha umwakukwipaila. Eico kanshi mailo ulucelo ukaipekanye nokuya fisama ku ncende iyabelama. ³ Nebo nkafuma nokuyaiminina pa mbali yakwa tata mwibala umo uli. Kabili nkalanda natata palwa webo. Nganambililapo icili conse, nkakweba.'' ⁴ Yonatani alandile ifisuma palwa kwa Davidi kuli Saulo wishi nokutila kuli wena, ''Wileka imfumu ibembuke ku mubomfi wa ena Davidi. Pantu tabembwike kuli webo, neficitwa fyakwe fyalileta ubusuma kuli iwe. ⁵ Pantu alibulile umweo wakwe mu minwe yakwe nokwipaya umu Falisti. Yawe aletele ukucimfya ukukalamba kuli Israele onse. Walimwene nokusekelela. Mulandu nshi wingabembukila umulopa wakaele ukwipaya Davidi apashili umulandu?'' ⁶ Saulo aumfwile kuli Yonatani. Saulo alilapile ati, ''Napali Yawe uwamweo, takepaiwe.'' ⁷ Elyo Yonatani aitile Davidi, kabili Yonatani amwebele fyonse ifi, Yonatani aletele Davidi kuli Saulo, na ena aba ku cinso cakwe ngefyo caleba kale. ⁸ Kwali ubulwi nakabili,na David alifumine nokuyalwa naba Filisiti kabili nokubacimfya nokubakomaula ukukalamba. Bafulumwike kucinso cakwe. ⁹ Umupashi ubi ukufuma kuli Yawe waishile pali saulo ninshi naikala mung'anda yakwe nefumo lyakwe muminwe, elyo ninshi David alelisha icilimba cakwe. ¹⁰ Sauli afwaile ukushitilisha Davidi ku cibumba nokumupusha ifumo , lelo alipusumwike ku cinso cakwa Sauli, icakuti Sauli alashile ifumo mu cibumba. Davidi alifulumwike nokufyuka bulya bwine bushiku. ¹¹ Sauli atumine inkombe ku ng'anda yakwa Davidi kukumulonda ukuti engamwipaya ulucelo. Mika, umukashi wakwa Davidi, alimwebele, ''Ngataupuswishe umweo obe ubushiku, mailo ukepaiwa.'' ¹² Eco Mika aikishe Davidi panshi ukupitila pa nsolokoto. Aile nokufulumuka, kabili alifyukile. ¹³ Mika abulile icilubi ca pa ng'anda nokucilalika pa busanshi. Elyo abikile necakusaminapo icamasako ya mbushi pa mutwe wa cena, nokucifimba ne nsalu. ¹⁴ Ilyo Sauli atumine inkombe sha kuya senda Davidi, atile, ''Nalwala.'' ¹⁵ Elyo Sauli atumine inkombe ukuya mona Davidi; atile, ''Mumulete kuli ine mubusanshi, pakuti ningamwipaya.'' ¹⁶ Ilyo inkombe shaishile ingila,moneni, icilubi capang'anda ecali pabusanshi pamo necakusaminapo camasako yambushi kumutwe waciko. ¹⁷ Sauli atile kuli Mika, ''cinshi echo wantumpaikila nokuleka umulwani wandi aye, pakuti afyuke?' Mika ayaswike sauli ukutila, ''Atile kulinebo,' Leka nebo ndeya.Cinshi econebo ndekwipaila?''' ¹⁸ Nomba David alifulumwike nokufyuka,kabili aile kuli Samwele mu Rama nokumweba fyonse ifyo saulo acitile kuli ena.Elyo ena na Samwele baile nokuyaikala mu Nayoti. ¹⁹ Caebelwe kuli Saulo, ukutila, ''Moneni ali ku Nayoti mu Rama.'' ²⁰ Elyo Sauli atumine inkombe nokuyaikata Davidi. Ilyo bamwene ibumba lyaba kasesema balesesema, na Samwele naiminina ku ntanshi pali bena, umupashi wakwa Lesa washile inkombe shakwa Saulo, nashena shaliseseme. ²¹ Ilyo Sauli aebelwe ici, alitumine inkombe shimbi, kabili nasho shaliseseme. Eco Sauli nakabili atumine inkombe ishalenga shitatu, nashoshine shaliseseme. ²² Elyo naena aile ku Rama nokwisa ku cishima icashika ico icabela mu Seku. Alipwishe ukutila, ''Balikwi ba Samwele na Davidi?'' Umuntu umo asosele ati, ''Moneni bali ku Nayote mu Rama.'' ²³ Saulo aile ku Nayote mu Rama. Elyo umupashi wakwa Lesa waishile pali ena, nao aleya alesesema mpaka nelyo aishile ku Nayoti mu Rama. ²⁴ Alifulile ifyakufwala fyakwe naena aliseseme pa cinso cakwa Samwele. Alele ubwamba akasuba kalya konse nobushiku bulya bonse. Ici eco bepushishisha, ''Bushe Saulo nao wamuli bakasesema?''