1
Kalpasan daytoy adda fiesta dagiti Judio ket simmang-at ni Jesus iti Jerusalem.
2
Ita sadiay Jerusalem, iti ruangan dagiti karnero, adda pagdigosan a maawagan iti Aramaiko a pagsasao iti Betesda. Addaan daytoy iti lima a naatepan a portiko.
3
Adu a bilang dagiti masakit a tattao, bulsek, lugpi ken paralitiko ti nakaidda kadagitoy a portiko.
415
Adda maysa a lalaki idiay a masakit iti tallopulo ket walo a tawen.
6
Idi nakita ni Jesus isuna a nakaidda sadiay, ken kalpasan a naamirisna a nabayagen isuna sadiay, kinunana kenkuana, "kayatmo kadi ti umimbag?"
7
Simmungbat ti agsaksakit a lalaki, "Apo, awan siasino man a mangikarga kaniak iti pagdigosan, no makiburen ti danum. No padasek pay laeng ti bumaba, addan sabali a bimmaba iti sangoanak."
8
Kinuna ni Jesus kenkuana, "Tumakderka, alaem ti ikamenmo ket magnaka."
9
Dagus nga immimbag ti lalaki. Innalana ti pagiddaanna ket nagna. Ita, dayta nga aldaw ket Aldaw a Panaginana.
10
Isu a kinuna dagiti Judio iti tao a naagasan, "Itatta ket Aldaw a Panaginana, saanka a mapalubosan a mangawit iti ikamenmo."
11
Simmungbat ti lalaki, "Ti nangagas kaniak a lalaki iti nangibaga, 'pidutem ti ikamenmo ket magnaka."'
12
Sinaludsodda kenkuana, "Siasino dayta a tao a nangibaga kenka, 'Pidutem ti ikamenmo ket magnaka?'"
13
Nupay kasta, saan nga ammo ti lalaki a naagasan no siasino ti nangpaimbag kenkuana agsipud ta pimmanaw ni Jesus a sililimed, ta adda adu a tattao iti dayta a lugar.
14
Kalpasanna, nasarakan ni Jesus isuna idiay templo ket kinunana kenkuana, "Kitaem, immimbagkan! saanka nga agbasolen amangan no adda ti dakdakes pay a mapasamak kenka."
15
Immadayo ti lalaki ket imbagana kadagiti Judio a ni Jesus ti nangpaimbag kenkuana.
16
Gapu kadagitoy nga banbanag, inusig dagiti Judio ni Jesus gapu ta inaramidna dagitoy a banbanag iti Aldaw a Panaginana.
17
Kinuna ni Jesus kadakuada, " Agtrabtrabaho ti Amak uray ita, uray siak agtrabtrabahoak met.
18
Gapu iti daytoy, ad-adda a pinanggep dagiti Judio a papatayen ni Jesus agsipud ta saanna laeng a dinadael iti aldaw a Panaginana no diket inawaganna ti Dios nga Amana, ken inaramidna ti bagina a kapadpadana ti Dios.
19
Simmungbat ni Jesus kadakuada, "Pudno, pudno, awan ti maaramidan ti Anak babaen kenkuana laeng, malaksid no anya laeng ti makitana nga ar-aramiden ti Ama. Ta no ania ti ar-aramiden iti Ama, ar-aramiden met laeng iti Anak.
20
Gapu ta ay-ayaten iti Ama ti Anak, ipakpakitana amin nga ar- aramidenna kenkuana ken ipakitana pay dagiti naindaklan a banbanag tapno agsiddaawkayo kadagitoy.
21
Ta kas pagung-ungaren ti Ama dagiti natay ken mangmangted iti biag kadakuada, kasta met a, mangmangted met iti biag ti Anak kadagiti siasinoman a tarigagayanna.
22
Ta saan a mangukom ti Ama iti siasinoman, ngem intedna ti amin a panangukom iti Anak
23
tapno padayawanda ti Anak a kas panangpadayawda iti Ama. Ti siasinoman a saan a mangpadayaw iti Anak, saanna a mapadayawan ti Ama a nangibaon kenkuana.
24
Pudno, Pudno, siasinoman a makangkangngeg iti saok ken mamati iti nangibaon kaniak ket maaddaan iti biag nga agnanayon ken saan a mailunod. Ngem ketdi, nalasatanna ti patay nga agturong iti biag.
25
Pudno, pudno, ibagak kadakayo, ti oras ket umadanin ken adda ditoyen, no mangngeg dagiti natay ti timek iti Anak ti Dios, ket agbiagto dagidiay dumngeg.
26
Kas iti Ama nga adda biag kenkuana, ngarud, intedna met ti biag iti Anak tapno maaddan kenkuana ti biag,
27
ket inted met iti Ama iti Anak ti autoridad a mangaramid iti panangukom gapu ta isuna ti "Anak iti Tao".
28
Saankayo a masdaaw iti daytoy, ta dumteng ti oras nga amin dagiti adda iti tanem ket mangngegda ti timekna
29
ken rumuarto dagiti nagaramid iti naimbag iti panagungar iti biag ken dagiti nagaramid iti kinadakes iti panagungar iti pannakaukom.
30
Awan ti maaramidak manipud iti bagik, apaman a mangngegko, mangukomak, ken nalinteg ti panangukomko gapu ta saanko a birbiruken ti bukodko a pagayatan ngem ti pagayatan iti nangibaon kaniak.
31
No agsaksiak maipapan iti bagik, saan a pudno ti pammaneknekko.
32
Adda iti sabali nga agsaksi maipapan kaniak, ken ammok a pudno ti pammaneknek nga itedna maipapan kaniak.
33
Imbaonmo kenni Juan ken pinaneknekanna iti kinapudno.
34
Nupay kasta, saan a naggapu iti tao ti pammaneknek a naawatko. Ibagak kadakayo dagitoy a banbanag tapno maisalakankayo.
35
Ni Juan ket pagsilawan a sumsumged ken agranraniag, ken immannugotkayo nga agrag-o iti lawagna iti apagbiit.
36
Ngem ti pammaneknek nga adda kaniak ket dakdakkel ngem ti adda ken ni Juan, gapu ta dagiti trabaho nga inted ti Ama a leppasek, dagiti trabaho nga ar-aramidek ket mangpaneknek maipapan kaniak nga imbaonnak ti Ama.
37
Ti Ama a nangibaon kaniak ket nagsaksi maipapan kaniak. Saanyo a nangngeg ti timekna wenno nakita ti langana iti uray ania nga oras.
38
Awan ti saona a nagtalinaed kadakayo, ta saankayo a namati iti imbaonna.
39
Sukimatenyo ti Nasantoan a Kasuratan gapu ta panpanunutenyo nga adda kadakuada ti biagyo nga agnanayon ken dagitoy met laeng a Nasantoan a Kasuratan ket mangpaneknek maipapan kaniak,
40
ken saanyo a kayat ti umay kaniak tapno maaddaankayo iti biag.
41
Saanak nga umaw-awat iti pammadayaw manipud kadagiti tattao,
42
ngem ammok nga awan kadakayo ti ayat iti Dios kadagiti bagbagiyo.
43
Immayak iti nagan iti Amak ket saandak nga inawat. No sabali ti umay iti bukodna a nagan, awatenyo isuna.
44
Kasano a mamatikayo, dakayo nga immawat iti pammadayaw manipud iti sabali ngem saankayo nga nagbiruk iti pammadayaw a naggapu iti maymaysa a Dios?
45
Saanyo a panunoten nga idarumkayo iti sangoanan iti Ama. Ti nangidarum kadakayo ket ni Moises a nangikabilanyo iti namnamayo.
46
No mamatikayo ken Moises, mamatikayonto met kaniak gapu ta isu ti nangisurat iti maipapan kaniak.
47
No saankayo a mamati kadagiti insuratna, kasano a patienyo dagiti sasaok?
1Ta pasaray bumaba ti maysa nga anghel ti apo ket pagarawenna ti danum, iti kasta siasinoman a tumapog kabayatan iti panaggaraw ti danum maagasan manipud iti aniaman a sakit sagsagabaenna.