3 ¹ Сардисдаги Жамоатнинг фариштасига ёзгин: “Худонинг еттита руҳига ва еттита юлдузга эга Бўлган шундай дейди: Сенинг ишларингни биламан – сен «тирик» деган номга эгасан, аслида ўликсан. ² Бедор бўлгин ва ўладиган бошқа нарсаларни тасдиқлагин, чунки сенинг ишларинг Худойимнинг олдида мукаммал эканини топмадим. ³ Қабул қилган ва эшитган нарсангни ёдга олгин. Буни асрагин ва тавба қилгин. Агар бедор бўлмасанг, Мен ўғридек бостириб келаман ва қайси соатда устингга келишимни билмай қоласан. ⁴ Бироқ сенинг Сардисда ўз кийимларини булғамаган бир неча одаминг бор. Улар Мен билан бирга оқ кийимларда юрадилар, чунки улар бунга лойиқдирлар. ⁵ Ғолиб келадиган оқ кийимларга бурканади, унинг исмини ҳаёт китобидан ўчирмайман. Мен унинг исмини Отам ва Унинг фаришталари олдида эътироф этаман. ⁶ Руҳ Жамоатларга нима деяётганини қулоғи бор эшитсин”. ⁷ Филаделфиядаги Жамоатнинг фариштасига ёзгин: “Муқаддас, Ҳаққоний, Довуднинг калитига эга (очса, ҳеч ким бекита олмайдиган; бекитса, ҳеч ким оча олмайдиган) Шахс шундай дейди: ⁸ Сенинг ишларингни биламан. Мана, Мен сенинг олдингда эшикни очдим (ва ҳеч ким уни ёпа олмайди), чунки сен кам кучга эгасан ва Менинг сўзимни асраб, Менинг номимдан воз кечмадинг. ⁹ Мана, ўзларини яҳудий, деб атайдиган, аслида эса бундай бўлмаган, ёлғон сўзлаётган шайтоннинг синагогасини Мен шундай қиламанки, улар келиб, сенинг оёғингга йиқиладилар ва Мен сени севганимни билиб оладилар. ¹⁰ Сен Менинг бардош сўзимни сақлаганинг учун Мен ҳам сени ер юзида яшаётганларни синаш учун бутун оламга келадиган васвасалар давридан сақлайман. ¹¹ Мана, тезда келаман. Нимага эга бўлсанг, шуни маҳкам тутгин, токи ҳеч ким сенинг тожингни тортиб олмасин. ¹² Ғолиб келадиганни Худойимнинг маъбадида устун қиламан, у ташқарига чиқиб кетмайди. Унинг пешонасига Худойимнинг номини, шунингдек, Худойимнинг юзидан, осмондан тушиб келаётган, Худойимнинг шаҳри – янги Йерусалимнинг номини ҳамда Менинг янги номимни ёзаман. ¹³ Руҳ Жамоатларга нима деяётганини қулоғи бор эшитсин”. ¹⁴ Лаодикиядаги Жамоатнинг фариштасига ёзгин: “Омин, содиқ ва ҳақиқий Гувоҳ, Худонинг ижодининг Бошланғичи шундай дейди: ¹⁵ Сенинг ишларингни биламан. Сен на совуқ, на қайноқсан. О, қани эди, сен ё совуқ, ё қайноқ бўлсанг! ¹⁶ Аммо сен қайноқ ҳам, совуқ ҳам эмас, балки илиқ бўлганинг учун, мен сени оғзимдан тупуриб ташлайман, ¹⁷ чунки сен: “Мен бойман, бойиб кетдим, ҳеч нарсага муҳтож эмасман”,- дейсан. Аслида сен бахтсиз, бечора, қашшоқ, кўр ва яланғоч эканингни билмайсан. ¹⁸ Бойишинг учун Мендан оловда тозаланган олтин ва яланғочлигинг шармандалиги кўринмаслиги учун кийинишга оқ кийим сотиб олишни маслаҳат бераман. Энди, кўришинг учун кўзингга кўз мойини суртгин. ¹⁹ Кимни севсам, ўшани фош қиламан ва интизомга ўргатаман. Шунинг учун рашкли бўлгин ва тавба қилгин. ²⁰ Мана, эшик олдида туриб, тақиллатяпман. Ким Менинг овозимни эшитиб, эшикни очса, унинг олдига кираман. Шунда Мен у билан, у Мен билан кечки овқатни баҳам кўрамиз. ²¹ Ғолиб келадиганга Ўзим билан бирга тахтимда ўтиришни ато қиламан, чунки Мен ғолиб келиб, Отам билан Унинг тахтида ўтирдим. ²² Руҳ Жамоатларга нима деяётганини қулоғи бор эшитсин”.