3 ¹ Pada andau, Petrus dengan Yohanes hadari guang bait Allah pada waktu jam doa, iye te pada jam jeletien. ² Lalu, uluh-uluh hatue nang lumpuh sejak huang tenain uma'a sigotong. Satiap andau elen meletek'a si antep gerbang bait Allah yang arai'a antep gerbang bagus akan belaku sadekah bara uluh-uluh nang akan name guang bait Allah. ³ Katika, iya'a menggite Petrus dengan Yohanes handak name guang Bait Allah, iya'a belaku sadakah. ⁴ Lalu, Petrus, hayak dengan Yohanes, Natap'a dengan bepander, "Gite ikih." ⁵ Uluh lumpuh te mearah'a imperhati akan Petrus dengan Yohanes, sambil maharap satua bara elen. ⁶ Akan tetapi, Petrus bepander, "Yaku mida maina perak atau amas, tetapi yang yaku maina akan yaku manenga akan ikau. Huang arai'a Kristus Yesus uluh Nazaret ete, misik dengan menanjung!" ⁷ Jadi te, Petrus maimbing lenge ngentau uluh ete dengan ibantu'a mendeng. saat ete cha, pai dengan pergelanga'a manjadi kuat. ⁸ Dengan meloncat, iya'a mendeng dengan mulai menanjung. Lalu, iya'a name si huang bait Allah behayak Petrus dengan Yohanes, sambil menanjung, dan meloncat loncat, serta memuji Allah. ⁹ Uras uluh menggite'a menanjung dengan memuji Allah. ¹⁰ Dengan elen mangenal bahwa yang biyasa munduk si Gerbang bagus Bait Allah akan mamohon sadakah. Elen memenu'i dengan rasa takjub dengan kagum hunjun hal yang jadi terjadi dengan'a. (Petrus Bepander dengan Uluh Are) ¹¹ Sementara uluh ete bagandengan pada Petrus dengan Yohanes, uras uluh hadari dengan elen si serambi yang inyebut Serambi Salomo, dengan rasa takjub. ¹² Lalu, katika Petrus menggite'a, iya'a bepander dengan uluh are ete, "Hai uluh -uluh Israel, meen ikau heran akan hal tun atau meen ikau natap ikih seolah-olah dengan kuasa atau kesalehan ikih surang, ikih jadi mehawi uluh te menanjung? ¹³ Allah Abraham, dengan Ishak, dengan Yakub, Allah nini moyang ikih jadi memuliakan hamba'a, Yesus, yang ikau nyarahan dengan inolak si hadepan Pilatus katika iya'a jadi memutuskan akan membebas'a. ¹⁴ akan tetapi, ikau inolak Yang Kudus dengan Bujur, dengan ikau belaku uluh pampatei ilapasan bagi ikau, ¹⁵ Dengan ikau pampatei Sang Manenga Belum, yang jadi Allah bangkitkan bara antara uluh mate Tentang te, ikih adalah saksi-saksi. ¹⁶ Dengan berdasar iman huang araya , iye te arai'a Yesus, telah menguatkan hatue-hatue yang ikau gite dengan ingenal te. Dengan, iman yang dumah melalui Iya'a telah manenga'a kesehatan yang sempurna akan hatue-hatue tun si hadepan ikau uras. ¹⁷ Wayah te, Pahari-pahari yaku, yaku tau amun ikau batindak huang mida ketawaan ikau sama yang cha mehawi akan para pemimpin ikau. ¹⁸ Akan tetapi, yang Allah inyampai sehindai'a mehalau bau uras nabi bahwa kristus akan mandarita, jadi iya'a genapi. ¹⁹ Akan karena te, bertobatlah dengan halulilah supaya dosa-dosa ikau ihapuskan, ²⁰ Sehingga waktu kelegaan dumah bara kehadiran Tuhan, dengan supaya iya'a mengutus Kristus yang jadi inatap'a bagi ikau, inetap'a bagi ikau, ye te Yesus, ²¹ Yang harus sorga tarima sampai pada waktu pemulihan sagala satua sama yang jadi Allah pander mahalau para nabi'ya yang kudus sejak zaman helu. ²² Musa bepander, Tuhan Allah ikau akan membangkitkan bagi ikau uluh nabi sama yaku bara antara pahari-pahari ikau surang. Ikau harus mahining sagala satua yang iya'a mander'a akan ikau. ²³ Dengan akan tarjadi, satiap jiwa, yang mida mahining nabi tun akan ilenyapkan bara antara bangsa.' ^{25 24} Dengan,uras nabi yang piji bepander, mulai bara Samuel dengan elen sejadi'a cha memberitakan andau-andau tun.v 25 Ikau adalah keturunan bara para nabi dengan bara perjanjian yang jadi Allah hawi dengan nini moyang ikau, dengan bepander akan abraham, 'Mahalau benih ikau, uras keturunan si hadep bumi akan diberkati.' ²⁶ Allah, sejadi membangkitkan hamba'a, ngirim'a akan ikau lebih helu akan memberkati ikau dengan mehawi satiap uluh bara antara ikau haluli bara kajahatan."