2 ¹ Ketika andau Pantekosta dumah,elen uras a ada si hete bersama-sama ² dan nyalenga bih tahining bara langit, suara sama dengan tiupan angin kancang, dan suara te memenu seluruh seisi huma te si kueh akan elen te sadang munduk. ³ Dan, nampak akan elen jela-jela sama dengan apui nang berhamburan dan hinggap sihunjun elen masing-masing. ⁴ Maka elen uras a te imenu dengan Roh Kudus dan mulai bapander. ⁵ Wayah te, ada uluh-uluh Yahudi nang melai si Yerusalem, uluh-uluh saleh bara tiap-tiap si penda langit. ⁶ Dan,katika suara te tahining sekumpulan uluh are dumah bersama-sama dan bingung awi setiap uluh sadang mahining elen te bapander huang bahasa elen surang a. ⁷ Elen takjub dan heran, sambil bapander, "Lain kah elen tun nang lagi bapander adalah uluh-uluh Galilea? ⁸ Dan, kahampiya masing-masing itah mahining elen dengan bahasa ukan itah dilahirkan? ⁹ uluh-uluh Partia, dan Media, dan Elam, dan penduduk Mesopotamia, Yudea, dan Kapadokia, Pontus, dan Asia, ¹⁰ Frigia, dan Pamfilia, Mesir, dan daerah-daerah Libia tukep Kirene, dan pendatang-pnedatang bara Roma, baik uluh-uluh Yahudi maupun para proselit, ¹¹ uluh-uluh Kreta dan Arab. Itah mahining elen bapander dengan bahasa itah tentang perbuatan-perbuatan datuh Allah. ¹² Dan, elen uras a takjub dan bingung satu dengan nang lain a, "Apa arti uras tun?" ¹³ Akan tetapi, uluh lain manawe a dan sambil bapander, "Elen jadi kana busau dengan anggur hanyar." (Petrus Bapander Dengan Uluh Are) ¹⁴ Namun, Petrus mendeng dengan kesebelas rasul, maangkat suara'a dan bapander dengan elen, "Uy uluh-uluh Yahudi dan uras nang melai si Yerusalem, biar a am awimu dan imperhati akan panderanku. ¹⁵ Sebeb uluh-uluh etun mida busau, ampiya nang ikau ngira awi andau hanyar jam ketelu, ¹⁶ tetapi etun am nang imander mahalau Nabi Yoel: ¹⁷ Dan, pada andau-andau terakhir akan terjadi, Allah berfirman: bahwa yaku akan mencurahkan Roh-Ku guang hunjun manusia. Dan, anak-anakmu hatue,anak-anakmu bawi akan bernubuat, dan anak-anak bujangmu akan memanga penggite an, dan uluh-uluh bakas si antara ikau menupi ¹⁸ Bahkan, guang hunjun hamba-hamba ku hatue dan hamba-hamba ku bawi pada andau te yaku akan mencurahkan Roh-Ku, dan elen akan bernubuat. ¹⁹ Dan, yaku akan memanga mujizat si langit, si hunjun, dan tanda-tanda ajaib si bumi, si penda, daha, dan apuy, dan kabut ansep. ²⁰ Matan andau akan iubah jadi kakadapan dan bulan jadi daha, sehinday andau Tuhan nang datuh dan mulia dumah. ²¹ Dan akan terjadi, setiap uluh nang mengahau aran Tuhan akan inyelamat." Yoel 2:28-23 ²² "Oi uluh Israel, hining a pander ku tun. Yesus, uluh Nazaret, uluh nang inyata si antara ikau oleh Allah dengan hal-hal ajaib, mujizat-mujizat, dan tanda-tanda, nang jadi Allah nunjuk a si antara ikau mehalau ia a, sama ampi nang ikau tawa. ²³ Yesus tun, nang inyerah menurut rencana ya nang jadi inentu dan pengetahu a ya Allah sehinday, ikau patei dengan inyalip a mahalau lengen uluh-uluh durhaka. ²⁴ Akan tetapi, Allah membangkit akay a, dan ilapas a ya bara penderitaan maut awi mida mungkin bagi ya a di kuasai oleh kematian ²⁵ Sebab, Daud pigi bapander tentang Yesus, 'Yaku menggite Tuhan selalu ada si hadep ku, awi ia a tege si kantau ku sehingga yaku mida akan tergoyahkan. ²⁶ Awi te atei ku bahagia, dan jela ku bersorak. Badan ku ca akan balihi huang pengharapan, ²⁷ awi Ia a mida akan malihi jiwa ku huang si dunia uluh matei, atau membiar Uluh Kudus-Mu menggite kebinasaan. ²⁸ Ikau jadi menceruman akan ku jalan pambelum. Ikau akan manampa penu sukacita dengan baun-Mu.' ²⁹ Pahari-pahari, yaku tau bapander akan mu dengan yakin tentang bapa leluhur itah, Daud, bahwa ia a jadi matei dan ingubur, dan masih ada dengan itah sampai andau etun. ³⁰ Jadi, awi ia a te uluh nabi dan ketaway ya a bahwa Allah jadi bejanji dengan sumpah akay a akan memunduk akan a ice bara Daud si hunjun takhtay a. ³¹ Awi te, Daud nang menggite hal etun sehindai a, ia a bapander tentang kebangkitan Kristus bahwa: 'Ia a mida akan kana lihi si dunia uluh matei, dan badai ya mida inggite kebinasaan.' Mazmur 16:10 ³² Yesus etun na nang Allah bangkit a dan ikih uras a te saksi tentang hal etun. ³³ Oleh awi te, sejadi ininggi akan a oleh lenge kantau Allah dan manarima janji bara Bapa tentang Roh Kudus, ia a jadi mencurahkan, bagus apa nang ikau gite handak pun ikau hining. ³⁴ Sebab, Daud mida mendai guang surga, tetapi ia a surang bapander, "Tuhan bapander dengan Tuanku, 'Munduk am si kantau-Ku, ³⁵ sampai yaku manampa musuh-musuh mu jadi tumpuan pai mu." Mazmur 110:1 ³⁶ Oleh baran te, biar am uras huma Israel katawan dengan pasti bahwa Allah telah injadi ya Tuhan dan Kristus, etun na Yesus nang jadi ikau nyalib." ³⁷ Katika elen mahining hal etun tetusuk am atei elen, jadi te bapander dengan Petrus dan para rasul lain na, "Pahari-pahari, apa nang harus itah lakukan?" ³⁸ Jadi te, Petrus bapander dengan elen, "Bertobat am dan Baptis akan am ikau masing-masing huang aran Kristus Yesus akan pengampunan dosa-dosamu dan ikau akan manarima karunia Roh Kudus. ³⁹ Sebab, janji etun te akan mu, dan anak-anakmu,dan akan uluh nang masih kejau,searenang Tuhan Allah itah akan mengahau a." ⁴⁰ Dan, dengan are panderan lain, Petrus basaksi dengan sungguh-sungguh dan berseru dengan elen, kuay a, "Inyelamat a surang mu bara generasi nang bengkok tun!" ⁴¹ Uluh-uluh nang manarima panderan Yesus ibaptis a dan pada andau te jumlah elen inambah sekitar telu ribu jiwa. (Persekutuan Uluh-Uluh Percaya) ⁴² Elen bertekun huang pengajaran rasul-rasul dan huang persekutuan, huang mramuk akay ya a wadai, dan huang doa. ⁴³ Dan, kemikehan dumah guang hunjun setiap jiwa, dan are hal ajaib serta tanda-tanda nang terjadi mahalau para rasul. ⁴⁴ Uras nang percaya bakumpul bersama dan segala satua a hahayakan. ⁴⁵ Lalu, elen manjual harta banda dan ayu a, pas te imbagi-bagi akan elen uras a, sesuai kebutuhan a masing-masing. ⁴⁶ Setiap andau, dengan bersatu atei elen bekumupul bersama si Bait Allah dan mehancur-hancur wadai bara huma guang huma. Elen manarima panginan elen dengan gembira dan tulus atei, ⁴⁷ sambil memuji Allah, dan elen are kana nyuka uluh. Dan, setiap andau Tuhan akan menambah uluh-uluh nang kana selamat.