^{1 2} Muze chapwille haze Yesu hahwisa awa maliji eswe, yamba kuli tu mbaji jenyi, '' nunachinyingika ngwo kukatuka hama tangwa ali chizomboka chineza mba mwana Mutu mamukunjika mukumuhachila.'' ³ Muze asasendote akwa lutwe nyi makulwana alikungulwile hamwe muchihela cha muka asasendote wa kulutwe wuze atambikile ngwo kaifasi . ⁴ Eswe ya chinyonga ngwo amukwate Yesu mukohana kuchisolwesa nyi kumu shiha. ⁵ Mumu ambile ngwo, kanda chipwa mu matangwa a chiwanyino, hakwamba ngwo zungo kanda limana ha atu.'' ⁶ Muze Yesu wapwile mu mbetanyi mu zuwo lya simone mukwa mbumba , ⁷ muze apwile kumesa , pwo umwe yeza nyi kasaji kamaji kandando enene , yamwanga ha mutwe wenyi. ⁸ Mba muze tumbaji jenyi yamona chize ya pwa nyi ufutulo mu mbonge jo nyi kwamba ngwo , ''Mumu ika anenyekela ? ⁹ Ayi kate kayilanjisanga ha ndando enene mba mahana kuli akwa lamba.'' ¹⁰ Mba yesu, hakuchinyingika , yamba kuli ayo ngwenyi,''Mumu ika nunamusela mu lamba yono pwo? Mumu kangulingila chuma chipema. ¹¹ Nwakukupwa nyi akwa lamba nyi yenu, mba kunushi kupwa nyi yami lyeswe. ¹² Mumu muze amwangine maji ha mujimba wami, kana kachilinga hakufunda cha yami. ¹³ Chamwenemwene ngunambe kuli yenu, kweswako ali sango lipema malyambujola ku chifuchi cheswe , yuma yize alinga au pwo nyeyo mahanjika mukumwanuka iye.'' ¹⁴ Alyoze umwe hakachi ka kumi nyi ali , wuze atambikile ngwo yunda sakalyote, yaya kuli asasendote akwa lutwe ¹⁵ mba yamba , ''yika yize nunazange kungwaha hakwamba ngumukunjike kuli yenu?'' Apezalishile hali iye makumi atatu ambongo ja plata. ¹⁶ chize ku ola yize wafupile mwaka upema hanga amukunjike kuli ayo. ¹⁷ Alyoze hatangwa litangu lya mbolo yize kuyishi futumwiso tumbaji yejile kuli Yesu nyi kwamba ngwo,'' kulihi unazange yetu tululike hanga ukalye chizomboka?'' ¹⁸ Yamba ngwenyi, '' yenu muchihunda kuli umwe lunga nyi kwamba kuli iye ngwo, ' Longeshi kamba ngwo ,'' Shimbu yami hiyahetela. I mungupwa nyi chizomboka mu zuwo lye nyi tumbaji twami.'''' ¹⁹ Tumbaji yalinga chize chene awalwekele, mba ya lullika chizomboka. ²⁰ Muze hichapwa chingoloshi, watwamine kumesa kulya nyi tumbaji kumi nyi ali. ²¹ shimbu machilya , yamba , '' chamwenemwene ngunambe kuli yenu ngwami umwe hali yenu makangukunjika.'' ²² Apwile nyi chinyengo chinji, aputukile kumuhulisa mweswe hali ayo ngwenyi , '' Mwene yami nyi?'' ²³ Yakumbulula , '' Wuze matata kwoko lyenyi nyi yami mu chenga iye makangukunjiika . ²⁴ Mwe Mwana wa mutu maya , mukulita chize chinasonekewa hali iye. Alyoze lamba kuli wuze mutu makunjika Mwana wa Mutu! hapwa hali yoze mutu kachi kaka semukine.'' ²⁵ Yundase , wuze makamukunjika yamba ngwenyi, Longeshi yami nyi?'' yamba kuli iye , '' wachihanjika yena mwene.'' ²⁷ Wanjile musenge nyi kusakwila , yahana kuli ayo nyi kwamba ngwenyi, ''Nwenu enu eswe. ²⁸ Mumu awa e manyinga jami wa usendo wuze anamwangana kuli anji ha ukonekeno wa shili. ²⁹ Alyoze ngunambe kuli yenu ,chichi kanwa nawa ku mihuko ya vindela , chize ku halyapwila ndo hatangwa lizemunguyinwa chaha nyi yenu muwanangana wa Tata.'' ³⁰ Mba muze te hemba mwaso , atuhukile kuya ku mulundu wa olevwe. ³¹ mba Yesu yamba kuli ayo , '' Yenu eswe munu katalinga mu ufuku uno mumu wa yami, mumu chinasonewa , 'Mungu lamba kafunga mba mapanga aku mbunga mamwangana.' ³² Alyoze muze hanguhindwisa, mungukanutetekela ku ngalileya.'' ³³ Alyoze Petulu yamba kuli iye ngwenyi, '' chipwe eswe matalinga mumu hali yena , kungushi katalinga.'' ³⁴ Yesu yamba kuli iye ngwenyi, ''chamwenemwene ngunahanjika kuli yenu , ufuku uno , muze ndemba kanda achitambika, kumukalikala yami katatu.'' ³⁵ Petulu yamba kuli iye ngwenyi, '' chipwe mungufwa hamwe nyi yena , kungushi kalikala yena nyichimwe .'' Tumbaji eswe yamba chochene. ³⁶ Hohene Yesu yaya no ku chihela chize anavuluka ngwo Ngetesemane mba yamba kuli tumbaji jenyi,'' Twamenu hano muze ngunayi kuze nyi kulemba.'' ³⁷ yambata Petulu nyi ana ali a Zembendeu nyi iye aputukile kupwa nyi chinyengo nyi kulema chikolo mumbunge jo. ³⁸ hohene yamba kuli ayo ngwenyi , mbunge yami hiyapwa nyi chinyengo chikolo, ndo ku kufwa. Salenu hano mba nule hamwe nyi yami.'' ³⁹ Wasosolokele ha lutwe chikehe , wafulamanyine , nyi kulemba. Yanba ngwenyi, '' Tata, nyingo chinahashiwa , echenu awuno musenge wu palike hali yami. Hindu kanda chikapwa ngwe yami ngunapale alyoze ngwe yenu unapale.'' ⁴⁰ Yeza kuli tumbaji jenyi yawana kali mutulo mba yamba kuli Petulu , '' Kuma, kunwahashile kulaula hamwe nyi yami ha ola yimuwika nyi? ⁴¹ Lenu nyi kulemba hanga kanda nunjila mu cheseko. Shipilitu chamwenemwene yatakama , alyoze musunya unazeye.'' ⁴² Nawa yaya chisuho chamuchali mba ya lemba . Yamba ngwenyi, '' Tata kachi ayi ku yishi kupalika shina munguyinwa, upale wenu wulingiwe.'' ⁴³ Wejile nawa yawana kali mu tulo, mumu meso jo kanakapwa akulema. ⁴⁴ Wahichikile nawa, yaya chisulo chamuchitatu nyi kulemba nyi kwamba maliji amuwika. ⁴⁵ Hohene Yesu wejile kuli tumbaji mba yamba kuli ayo ngwo, '' nunachipwe mu tulo nyi kuhwima ? Talenu , ola hiyakundama , mba Mwana wa Mutu ma mukunjika mu moko ja akwa shili. ⁴⁶ Hindukenu , tuyenu. Talenu, wuze una ngukunjika kali ha kamwihi.'' ⁴⁷ Shimbu machi hanjika , Yundase , umwe wamuli kumi nyi ali wejile. Mbunga yinene yejile hamuwika nyi yiye yakatukile kuli asasendote akwa kulutwe nyi makulwana ja atu. ejile nyi tutanu nyi mbwechi. ⁴⁸ Achi mutu yoze wamukunjikile Yesu wa ahanyine chilayi, '' mweswawo mungumumbeja mwe iye . Mukwatenu.'' ⁴⁹ Hazehene wejile kuli Yesu mba yamba ngwenyi, '' Vulye, Longeshi,!'' mba wamumbenjele. ⁵⁰ Yesu yamba kuli iye,'' Mukwetu, linga chize wakaula kulinga.''Hohene ejile ,amukwachile. ⁵¹ Kutala , umwe wuze wapwile kuli Yesu wolwele kwoko lyenyi , nyi kwanda katana kenyi mba yalamba ndungo wa mukwa asasendote wakulutwe nyi kupatula twitwi lyenyi. ⁵² Hohene Yesu yamba kuli iye, '' Tomeka katana ke mu chindalo, mumu waze eswe manda katana makatoka ku katana. ⁵³ Nunachinyonge ngwo chichi kutambika Tata , mba mangutumina ahyana kumi lya tununu nyi tununu aali ambunga ja angelo nyi? ⁵⁴ Alyoze mba kuchi soneko muyinanunuka , chocho chatamba kupwa?'' ⁵⁵ Hayize wola Yesu yamba kuli mbunga, '' nunatuhuka kwiza nyi tutana nyi mbwechi nyi kungukwata ngwe muhuza? Matangwa eswe natwamine kunulongesa mu tembele , mba kunwangu kwachile. ⁵⁶ Alyoze yeswe ayi yalingika hanga yisoneko ya tu polofeto yi kamanunuke.'' Hohene tumbaji eswe yamuhichika mba ya china. ⁵⁷ Waze amukwachile Yesu amutwalile kuli mukwa sasendote wa kulutwe Kayafwa, kuze akwa kusonyeka nyi makulwana ali kungulukile. ⁵⁸ Alyoze Petulu wamukawile kanonajila ndo kukamwihi nyi zuwo lya mukwa sasendote wa kulutwe. wanjilile mukachi nyi kutwama hashi hamwe nyi tupita hanga akamone songo. ⁵⁹ Halyapwila asasendote akulutwe nyi makulwana nyi akwa kuyula afupile yela a mahuza hali Yesu hanga akamushihe. ⁶⁰ Kawanyine nichimwe, chipwe mahuza anji ejile. Alyoze kulutwe lya shimbu kwejile aali ⁶¹ nyi ngwamba ngwo , '' Awuno lunga wambile ngwenyi , 'Ngunahase kwenyeka tembele ya Zambi mba ngukayitunge mumatangwa atatu.'' ⁶² Sasendote mukwa lutwe wamanyine nyi kwamba kuli iye, '' ku ushi kukumbulula? kuchi wano anase shindakenyo hali yena? '' ⁶³ Alyoze Yesu waholele. sasendote mukwa lutwe yamba kuli iye ngwenyi,'' Shingo ngunambe kuli yena mujina lya Zambi wa mwono , tulweke nyingo wuli Kilishitu , Mwana wa Zambi.'' ⁶⁴ Yesu wamukumbulwile ,'' yena wachamba. Alyoze ngunanulweke , kukatuka halyapwila munukamona Mwana wa Mutu kanatwama kukwoko lya chindume lya tachi , mba kaneza ha malelwa amwilu.'' ⁶⁵ Hohene sasendote mukwa lutwe wasonyene mahina jenyi mba yamba ngwenyi,'' Hashililika Zambi! kuchi tunafupu nawa yela? Talenu, halyapwila hinwevwa ku shililika chenyi. ⁶⁶ kuchi nunachinyonge?'' ya kumbulula nyi kwamba ngwo , '' kanatela kufwa.'' ⁶⁷ Hohene ya mufwilila mate ha meso jenyi mba yamumbufula nyi ku mulamba mbangala, ⁶⁸ mba yamba ngwo, '' Pulofeteza kuli yetu , Yena Kilishitu. Iya wakulamba?'' ⁶⁹ Halyapwila Petulu watwamine haze lya zuwo, mba ndungo wa mwana pwo wejile kuli iye nyi kwamba ngwo,'' Nyi yena wapwile hamwe nyi Yesu wa Ngalileya.'' ⁷⁰ Alyoze walikalile kumeso jo eswe, kwamba ngwenyi,'' Kuna chinyingikine chize unambe.'' ⁷¹ Muze te hatuhuka haze mushi lya senge, mukwo ndungo wapwo wamumwene yamba kuli waze apwileko ,'' yono lunga wapwile hamwe nyi Yesu wa ku Nazaleta.'' ⁷² Nawa walikalile nyi shingo ngwenyi, chanyingikine yono mutu!'' ⁷³ Halyapwila kulutwe lya ola yikehe waze apwile kumana kukamwihi ejile yamba kuli Petulu, '' Chamwenemwene nyi yena nawa uli umwe wa kuli ayo, mumu kuhanjika che china kusolola .'' ⁷⁴ Hohene yaputuka kushingana nyi kulishinga ngwenyi ,'' Chamunyingikine yono mutu,'' mba hazehene ndemba watambikile . ⁷⁵ Petulu wewulukile maliji waze Yesu ambile ,'' Shimbu kanda ndemba achitambika mukalikala yami katatu.'' Hohene watuhukile haze mba yalila chikolo.