¹ Yesu watuhukile mu tembele wayile mujila yenyi , tumbaji twenyi ejile kuli yiye mukwamanyikila tembele. ² Mba yiye wakambulwlile ayo ngwenyi, ''Usolo kwiyimona yuma yeswe ayi? Chamwenemwene ngunanulweze yenu , kukushi liwe mulikapwa haliwe likwo mulikasala kuhona kwalumuna'' ³ Muze atwamine helu hamulundu wa Olivwa , tumbaji jenyi ayile kupenge nyikumwamba ngo , '' tulweze tangwa ayi yuma muyikalingiwa? yilayi muka mwikamba ngo ulimukamwihi nyi kuhwa cha mwaka?'' ⁴ Yesu wambile ngwenyi , '' Kanyamenu kanda anu pyangola .'' ⁵ Anji makeza mujina lyami . Makahanjika , yamikilishitu, '' Mukupyangola anji. ⁶ Ha lyoze munukevwa jita nyi ndundu mwino yajita , talenu ngwo kanu kapyongola , mumu ayi yuma ndo mwilingika nyi kusula kanda chiheta. ⁷ Mumu mafuchi makakatukila mafuchi , nyi mavungu makakatukila mavungu. Mukukapwa tupanga nyi minyiko kweka nyi kweka. ⁸ Mba ayi yeswe ye putukilo ya kusemwa cha ikola. ⁹ Mba makanukunjika ku luyinda kumakanushiha , makanuvile kole kwiyifuchi yeswe mumu walijina lyami. ¹⁰ Hohene makatalinga , makavwila kole umwe nyin mukwo makalijinda nyi mukwo. ¹¹ Ma polofeto anji makamana nyi ku pyangola anji. ¹² mumu kuhona shimbi muchikoka , nyi zango lya anji mu muli kakeha . ¹³ Mba uze manyongonona ndo ku songo kumakamulamwina . ¹⁴ Sango alino lipema lyawanangana makalyambulula mumafuchi eswe lize mulikamanyinako kuma fuchi eswe. Mba kusula muchikeza. ¹⁵ '' Muze keshika munumona chizelwokeso cha kwenyeka , chize ahanjikile kuli polofeto Ndanyela , kumana mu chihela cha musandu { waze matanganga akase chinyingi}, '' ¹⁶ waze ali mu yundeya akachinyine ku milundu , ¹⁷ mwechenu uze uli helu lyazuwo kanda asunuka mukuchiza yuma yize yili muzuwo lyenyi, ¹⁸ yoze mapwa ku mande kanda akahiluka mu kwanda mahina ,jenyi. ¹⁹ Alyoze lamba kuli aze mapwa nyi ufumba nyi waze ma amwisa ana hamatangwa! ²⁰ Halyoze lembenu kuchina chenu kanda chikapwa ha mwaka ya chishika chipwe ha sambata. ²¹ Mumu hohene kumukukapwa luyinda ,munene, ngwe kanda , hamoneka hano hashi chize ku uputukilo wa hashi ndo halyapwila , chipwe kechikapwa nawa. ²² Nyi kachi matangwa katepulwileko kachi mutu malilamwina . Mba mumu hali waze hanatongola matangwa aze makatepululako. ²³ Mba mweswawo makwamba ngo , 'tala auno kilishitu ! nyikuli kilishitu'' kanda umufulyela. ²⁴ Mumu kilishitu akwonga nyi apolofeto akwonga makoka , makasolola yilayi yinene nyi ikomokeshi, akapyangole chipwe nyi waze hana tongola. ²⁵ Talenu , nanulweka halutwe lya shimbu. ²⁶ Halyoze, nyingwe kakwamba , 'tala , kulimu puya , kanda nuya mupuya , chipwe , 'tala kali muzuwo , 'kanda numufulyela yiye. ²⁷ Mumu ngwe chize uhenya wavala mukatutu ku chimbuko muhenya ku chitokelo , acho muchi kapwa kuheta cha mwemwana mutu. ²⁸ Kweswako kashitu wakufwa mapwa , akaliha makakunguluka . ²⁹ ''Halyoze haze hene kulutwe lya luyinda wa matangwa tangwa mulikala, nyi kakweji kechikatwa mweji , nyi matongonoshi makaholoka mwilu, nyitachi ja malilu mujakanyika . ³⁰ Hohene chilayi cha mwana mutu muchikasoloka mwilu , nyi muvungu eswe makalila mbimbi. Mba munukamona mwe mwana mutu kanafume mwilu nyi tachi nyi uhenya . ³¹ Neye makatuma tungelo jenyi nyi liji linene lya chitavwi, makakunguluka waze hanatongola ku fuji jiwana , ku songo limwe kya malilu ndo kusongo likwo. ³² '' lilongesenu chichishimu kumu tondo wa mukuyu. Muze mutango wawo muvula musokoloka mafo, mununyingika ngwenu vula ilimukamwihi. ³³ Cheka nawa , muze munumona yino yuma yeswe , nunyingika ngo kuli haka mwihi, hamapito. ³⁴ Chamwene mwene ngunanulweze , chisemuko chino kuchichi kanwa ndo yino yuma yeswe yikalingiwe. ³⁵ Lilu nyi hashi mwikapalika , halyoze maliji jami kechi kapalika . ³⁶ Halyoze ha kutwala nyi alize ola , chipwe angelo mwilu kanyingikine , chipwe mwana , ndo Mwene Tata. ³⁷ Ngwe matangwa ja Nowa, chenacho muchikapwa kuheta cha mwana mutu. ³⁸ Mumu chizechene ngwe ha matangwa kanda sango lya meya kanda liza apwile nyi kulya nyi kunwa , kuli mbata nyi ku mbata nyi kulimba ndo hatangwa lya Nowa anjilile mu ulungu, ³⁹ no kakanyingikine ndo sanga lya meya lyejile nyi kwahungumuna eswe nyi chocho nawa muchikapwa hakuheta mwana mutu. ⁴⁰ Hohene malunga ali makapwa kumunda umuwika mambata , umuwika masala. ⁴¹ Mapwo ali makapwa nyi kutwa unga mukwo mambata mukwo masala. ⁴² Halyoze mpwenu akujela mumu wanyingikine tangwa mwana mutu makeza. ⁴³ Mba nyingikenu chino, mwene Zuwo nyi wanyingikine ha ola mwiji meza , kachi kapwile wa keyela. ⁴⁴ Keshika yenu nawa lilulikenu , mumu ha ola yize kunushikanyingika mwe Mwana mutu makeza. ⁴⁵ Yiya wafulyela nyi ndungo wamangana uze Mwene makamwaha chiyalu cha kulya lyenyi kahona kuli ayo kulya hashimbu lyacho? ⁴⁶ kawaha ndungo yoze mwene muze mamuwana kanalinga chocho a mulwezele. ⁴⁷ Chamwenemwene ngwami, kumakamwaha chiyulo cha yikumba yenyi. ⁴⁸ Halyoze kachi ndungo mupi mamba mumbunge ngwenyi , 'mwene wami kanashimbula, ⁴⁹ nyiku paluka kulamba ndungo akwo, nyikulya nyi kunwa hamwe nyi akwa ku zengewa. ⁵⁰ Mwene ndungo yoze makeza ha tangwa keshi kanyonga nyi ola yize kanyingikine. ⁵¹ Mba mwene makamupatula hakachi makamusela chihanda hamwe nyi yilembeso kumakapwa malito nyi kulikopola ku mazo.