Kapetulu 11

1 Muze te Yesu hamanuna kuhana shimbi kuli tumbaji twenyi kumi nyi aali , wakatukile kuze mukulongesa nyi kwambujola mu membo jo. 2 Muze yowano evwile mu zuwo lya ususu yitanga ya kilishitu , watumine tumbaji twenyi 3 wambile kuli iye ngwenyi , '' Yena yoze ambile mwiza, shina tutalile weka''? 4 Yesu wakumbulwile ngwenyi , '' Yena nukambulwile Yowano yize nunamono nyi yize nunevu . 5 Tupuputa kanatambula meso , nyi yitonji kanende , akwa mbumba kanapeme, nyi afwa matwi kanevu , akufwa kanahinduka , nyi sango lipema halyambulula kulya kwa lamba. 6 kayuka mweswawo keshi kuwana chitalingiso muli yami.'' 7 Shimbu wano malunga akatukile nyi kuya , Yesu waputukile kuhanjika ku mbunga hali Yowano , '' Ika wailanga mu puya mukutala lumbungu unanyiki nyi fuji ? 8 Alyoze yika nwayile nyi kutala mutu unazala mahina alifuna? waze akuzala mahina alefuna kakupwa mu ma zuwo ja myanangana. 9 Alyoze yika nwayilile mukutala a pulofeta ? Ewa , ngunambe kuli yenu , nyi umwe wahyana chikolo pulofeta. 10 Achi chenacho iye anakamusonekenena, ' Talenu , ngunatumu kanganda kulutwe lya meso je, kumakalulika jila ye kulutwe lye'. 11 Pundu ngunambe kuli yenu ngwami , Hakachi waze akusemuka kuli mapwo heshi umwe munenewahyana Yowano chipapachisa . Kuli yoze wakusulako mutu kali mulemmu muwanangana wama lilu kali mulemu kuhyana ngwechize ali. 12 Chize ku matangwa ja Yowano chipapachisa ndo halyapwila , kakutambula wanangana wa malilu nyi tachi , nyi malunga atachi ayitambwile mu pami. 13 Mumu eswe apulofeta nyi ya shimi yeswe, yapulofwetezele ndo kuli Yowano ; 14 Nyi unazange kuchitambula , Iye mwe Eliya yoze meza . 15 Yoze uli nyi matwi akwivwa , evwe. 16 Alyoze ngwe aya mungutesa chisemuko chino? chinapu ngwe twanuke aze anatwama mu yitanda waze akutambika kuli akwo 17 ngwo , ' twembanga ndembo kuli yenu, alyoze kunwakakinyine. twalinyenga , alyoze kunwalilile mbimbi' 18 Mumu Yowano wejile chipwe kalile chipwe kanwine, nyikwamba ngwo , ' ndemonu ukwete '. 19 Mwe mwana mutu wejile nyikulya nyikunwa iye mamba ngwo, ' Talenu au mutu chizuzuke nawa kapwa chizengi, kasendo ka akwa kufwetesa lijimu nyi yivulumunyi !' Alyoze mana kakusolokela kuilinga yenyi.'' 20 Hohene Yesu waputukile kukanjisa membo kuze alingile yipupu yenyi yinji, mumu kakalikonekenene. ''' 21 Lamba kuli yena , kalazene! Lamba kuli yena , Mbeteseta ! Mumu kachi yipupu yize alingile hakachi kenu ayilingile mu Telu nyi sendone kachi kanakalikonekena kulu nyi chikeleyi nyi uto. 22 Alyoze kumuchi kapwa chashi hali Telu nyi sendone ha tangwa lya upatwilo chikalu hali yena. 23 Yena , kapenama , unashinganyeka ngwo makakunangamisa mwilu ? , yena kumakakuhulumuna ndo ku Heteze . Mumu kachi yipupu yize alingile muli yena , ayilingile mu sondome kachi kuchasala ndo tangwa lino. 24 Alyoze ngunambe kuli yena ngwami kumuchi kapwa chashi ha chifuchi cha sondome ha tangwa lya upatwilo chikalu hali yenu.'' 25 Ha mwaka uze Yesu wambile ngwo , '' Ngunahalisa yena , Tata , mwene wa lilu nyi hashi , mumu wahangekelo yino yuma kuli akwa mana nyi akwa malinjekelo, wayisolwelo kuli ana akemba . 26 Ewa , Tata , mumu chocho chakupemena. 27 Hana ngukunjika yuma yeswe kuli tata ; mba nyiumwe manyingika tata, shina ,mwe mwana mapalo kumusolola. 28 Tweyenu kuli yami , yenu eswe nwakukilikita nyi kulemewa, nyi yami mungunuhwimisa. 29 Mbatenu kanga yami lilongesenu kuli yami, mumu nguli mukwa kushimbika mukwa kulilelesa mu mbunge , mba kumunu kawana uhwimino ku mbunge jenu . 30 Mumu kanga yami yashi nyi chiteli chami chilelu.''