¹ Paulu , positolo wa Kilishitu Yesu ku upale wa Zambi , kuli atu ja Zambi asandu waze ali ku Efwesu , amwene mwene muli Kilishitu Yesu . ² Vumbi kuli yenu ni sambukila ya kuli Zambi Tata Mwene Yesu Kilishitu . ³ Zambi kanda Tato ya Mwene wetu Yesu Kilishitu afumane , yoze hanatu wahisa nyiyiwape yeswe ya u Shipilitu muma mwa malilu muli Kilishitu . ⁴ Zambi watutongwele muli iye ku chiza ku fundamentu ya hashi , hanga tupwa asandu kutushi kapalya ku meso jenyi . ⁵ Se watusakwile hanga tukapwe ana muli iye Yesu Kilishitu , nyi kulita nyi upale wa Zango lyenyi . ⁶ Kusakula chetu china soloka muku halisa cha uhenya wa vumbi lyenyi lize hanatwehe cha wana muli yoze a zanga . ⁷ Muli Yesu Kilishitu tuli nyi ukule mu manyinga jenyi nyi ukonekeno wa milonga yetu , kulita nyi kulumbama cha vumbi lyenyi . ⁸ Wokesele vumbi lyenyi kuli yetu nyi mana eswe nyi inyingi . ⁹ Zambi hanatunyingikisa chijimbikilo cha upale wenyi , nyikulita nyi chize cha mupemena , nyi chize aliselele kulinga muli Kilishitu , ¹⁰ nyi nyonga lya kuyula ndo kusongo lya shimbu , hanga akanehe yuma yeswe hamuwika , yuma yeswe mwilu hashi , muli iye , mwe Kilishitu . ¹¹ Muli Kilishitu hanatupwisa chihinga , atusakwile kulita nyi kululika cha yoze wakulinga yeswe kulita nyi upale wa zango lyenyi . ¹² Zambi watutongwele ngwe yi hinga hanga yetu , twalyangile kutalatala muli Kilishitu , hanga tukapwe ku uhaliso wa uhenya wenyi . ¹³ Muli Kilishitum nyi yenu nawa , muze nwevwile liji lya umwenemwene , sango lipema lya ulamwino wenu , nwafulyelele muli iye nawa anu jikile nyi chijikilo cha Shipilitu Musandu wa chilakenyo , ¹⁴ Iye cha chifungo cha chihinga chetu ndo ku ukuule wa upite , kulufuma wa uhenya wenyi . ¹⁵ Ha chikuma chino , kuchiza haze nevwile ha ufulyelo wenu muli Mwene Yesu nyi zango lyenu lya atu eswe asandu a Zambi , ¹⁶ che chele kusakwila Zambi hali yenu nyi nuvuluka mukulemba chami . ¹⁷ Nguna lembe ngwami Zambi ya Mwene wetu YesuKilishitu , Tata wa uhenya , makanwaha Shipilitu wa mana nyi usolwelo nyi mana aiye . ¹⁸ Nguna lembe ngwami meso ja mbunge jenu akapwe nyi chinyingi hanga nu kanyingike kutalatala chize hana nu sanyika ko nyi kulumbama cha uhenya wa chihinga chenyi hakachi ka atu eswe a Zambi asandu . ¹⁹ mu kulemba chami na kwita ngwami nu nyingike unene wahyana wa tachi jenyi kuli yetu akwa kufulyela , kulita nyi kulinga cha ngolo ja ndundo jenyi . ²⁰ Jino je tachi jimuwika jize Zambi azachishile muli Yesu muze amuhindwishile hakachi ka afu nyi ku mutwamisa ku kwoko lyenyi lya chindume mu malilu . ²¹ Watwamishine Kilishitu helu kuhyana mawanangana eswe nyi yiyulo nyi tachi nyi ndundo , nyi majina eswe waze anavuluka . Yesu ma yula , hi ha myaka ino wika ko , alyoze nyi ha myaka ize mwiza nawa . ²² Zambi hanase yuma yeswe muku zeyela ku yilyato ya Kilishitu nawa wamuhanyi ne kuchikungulwila kupwa mutwe helu lya yuma yeswe . ²³ Chikungulwila we mujimba wenyi , che kuzala too cha yoze wakuzalisa yuma yeswe muli eswe.