1
Ekpɔtɔ awan gbigban owé ya do ɖu Paki kɔdo kpɔno kena mafɔn nu unle emɛ owa fàdā gbogboye kɔdo Sikribu ye le mɔkan nu do Yesu u, le ayi waruu na ya do wli a sɔn hui.
2
Yeba le lɔnu le yeɖeyemɛ be. Un ma nyi exwè mɛ o. Ðo ye levɔnu be mɛye à ba cite do ye u. (Yaba fon ahwando yeji)
3
Gamɛ na Yesu lè gudu nɔ Simɔnu ɔxwemɛ le Betania le nu ɖunu, nyɔnu lokpo biɛ ɔxwe ɔmɛ, nɛn albatua ezɛn, eyɔ, we ɔtin kɛn xɔhó ɖe ye le ɔlɔ mɛ ni ɔtinkɛn ɔ hwɛn zo gbingbin. Nyɔnuɔ gbά, ezuvi do to na Yesu . Eyɛ ekɔn ɔtin kɛn ɔ dotani .
4
Mɛn tɛtɛ mɛ à kpeji awasio eyɛ yèyɛ lilɔji leyeɖe mɛ be. Enu gugu nɔwe wɛnyi xɛntɔ o.
5
Ehɛnɔ asa celu xɛnɔ kotokun. Fɔɖe kɔnwewi aboyi ɔhoxɛnɔ ayima na wanɛnɔye. Eyɛ mɛ tɛtɛ fɔn deji
6
Vɔ Yesu lo be mi jo nyɔnu ɔ do; nyikɔ etagba mi le donu nio. Enu zantan wɛ ewa (na mlɔn) ɖoxlan m'lɔ xode.
7
Miye kɔdo wamɛnɔye kpounwɛle mia wanunaye ganɖe kpekpemɛ na mi jroɔ, vɔ emlɔ eyɔ mlɔ kanɔ mimɛ kaka dosɔn o.
8
Enwa keu na ekpe ɔ, u wɛ ewa . Eyɔ tantɛn wɛ si ani na xogbaza gbɔxue yado ɖium.
9
Xonugbo unle lɔnu nami be, nu na nyɔnu xetɔwa fiɖe kpekpe na mia sɔn jra Mawuxoɔleɔ le egbɛɔ tɛtɛ mɛ ɔ, nuna nyɔnu xetɔ wasi ɔ nùɖo anɔ lɔɛ, adonɔ flin.
10
Judo Sikariot mɛ lokpo le Yesu enukplavi siɔwe yemɛ sɔn kpɔn Mawu ɔvɔ satɔgbogboye, ɖo eka sɔn yi Yesu yido ɔlɔmɛ naye.
11
Kena ɔvɔ satɔ gbogboye se kesin exoɔ, ejigboɖe jɔye eyɔ wɛ ye fian ɔho ajɔgbe ni. Elé emɔ kan nu kana awaɖo adoyi Yesu yi asimɛ n'aye
12
Kpɔnɔ mado ema fɔnu awan tantέn gbagamɛ na yele hunu. ɛlɛngbɔ na yado ɖu Pakiɔ Yesu enukplaviye le kanu Yesu sebe finɔwe ɔjrobe mia sɔn ɖa exwé nuɔle na ado kpeji aɖuo?
13
Yesu bazon enukplavi ɔwé ɖoxlan toɔmɛ élɔ naye be, nua kpon unsu lokpo hɛn (gbagué) esindazɛn, mijɛ egbɔn.
14
Abiɛ ɔxwé ɖoyemɛ mijɛ egbɔn, malɔ na ɔxwetɔ be, nie nu xlɛmɛtɔɔ be mia kan wese be exɔ nɔwe mɛmɛ milɔ kɔdo xonukplavi ye ka nɔ ado du exwe ɔ o?
15
Eyɔwɛ axlɛmi le asan unj exɔ gbolekp kena yejra ɖo nyɔ ɛnɖeɔ, bo ɖo xɔ ní nyɔɛn ɖe ni sɔn ɖanye le flɛn.
16
Eyɛ énukplaviyé jɛmɔ sɔn etoɔ mɛ. Ye kpɔn nuye pɛpɛpɛ ɖiken kenà Yesu lɔ naye ɖoɔ. Ye jɛ nu na yado ɖu Pakiɔ ɖaji.
17
Eba kɔdo enukplavi siɔweye le hwesa.
18
Yesu le nudunu kɔdo enukplaviye le kplɔnù. Yesu le lɔ nunaye be xonu unle lɔnu nami. Mɛlokpo lemi mɛ na le nuɖunu kɔdo un kaflun un.
19
Ekpacaye mɛlokpo kpoe le kan nu ese be, alo mlɔ wɛ?
2021
Yesu le lɔnu naye be mɛlekpo le miɛgbɛtɔ siɔwe. Na le nuɖunu godo un le ganu lokpomɛ. Ðo gbɛtɔ eviɔ ɖo alɛ le awan zan xetɔji ɖikɛn kena ye nɔ wlan deu le wiwlan kesin, vɔ babaɖe namɛji na enu kesɛntɔ ajɔdo ɔ.
22
Gan-mɛna ye le nunuɔ Yesu yi kpɔnɔ, hoɖɛdeji, kὲn, emɛ naye elɔ be: mi yí, exeɔ wɛnyi xo gbaza.
23
Eyi kɔkpo ɔ edo kpɛ na Mawu eyɛ enaye ye nu yemɛ tɛtɛ.
24
Yesu ba lɔ xoxetɔ naye be: exetɔ wɛnyi xohun kena ɖe mlɔn kɔ do miye zo ɖuɖu yixlɛ. ɔhun xetɔ kɔn dawan na mɛsusu .
25
Le xonugbo mɛɔ unle lɔnu nami, mlɔ gɔ anu vin xetɔti kaka na gbegbe na mago sɔn nu le Mawu ɔxɔlu ɖuta sɛxwe tɔn mɛ
26
Kena yeji ekpɛkpɛ dido hanjohuɛn. Yelɛ sɔn Olivia ɔsoji.
27
Yesu lelɔ nu naye be miɛ mɛtɛtɛ mia gbeunɖawan. Ðo ye wlan ɖawan be mahu lɛngbɔ kplantɔye eyɛ lɛngbɔye kikan
28
Vɔ na Mawu sɔn fɔn un le mɛkuku yemɛ ɔn, masɔn tɔte kpɔn mi le Galitia.
29
Piyɛ lɔ na Yesu be na mɛtɛtɛ gɔ sican ɔ mloe ɔ mlɔ un ma xeɔmɛ kewɛ à gbɛun.
30
Yesu to nibe kaka koklo dose jɔtɔn le azan xeɔmɛ kewe à gbɛun.
31
Piyɛ to na Yesu be, na ungɔ aku gɔdoɔ can mlɔ un ma gbɛɔ gbeɖe o. Eyɛ we mɛtɛtɛ fian ajogbe lokpoɔ.
32
Le flɛn mɛɔ yejɛ mɔ le sɔn fina yenɔ yɔ be jɛɔtema nia eyɛ yesu le lɔ na enukplaviye. Be mison nuvon le fi na ma sɔn xoɖɛ maba.
33
Yesu kplan Piyɛ, Jaki kɔdo Jan bɔdo eɖe u. Adika le sonui eyɛ eci kpo ecaka.
34
Elɔ naye be hokla ci unsinsin gbo ɖeyemɛ kaka unjro be ma ku. nu nɔ ɔnkle mia xodɛ.
35
Yesu zɔn sɔn ɔnkɔn viɖɛ eyɛ eyi ɔunmɛ yi cɔn awan bo xoɖe nanyi kesɛn xonugboɔ vivɛsiséxeɔ nɛsɔn ɔzɔga na un.
36
Yesu lɔ be : Aboa xotɔ nuti unglo wiwa nɔ dɔn vivɛ si sé kɔkpo xetɔ sɔn ɔnkɔn naun. Vɔ un ka nyi xojroo. Vɔ nɛ nyi ɔxɔ wejro.
37
Elɛ kɔba ba kpɔn yele ɔwtɔn dɔnu etono Piyɛ Simɔnu be ɔwlɔn ɔlé donù, ɔkpeji anɔ ɔnkle godoun ganxixolokpoɔ.
38
Minɔ ɔnkle na mia koɖɛ na midoka jɛ titɛn kpɔn mɛo, gbigbo wiwé Mawu tɔn juɔ kɔdo ɔjro nyɛn. Vɔ agbaza unɖo hinhlɔ o.
39
Yesu gɔlɛkɔ sɔn xoɖɛ lokpo ɔke egɔlɔ xolokpo ɔke.
40
Yesu gɔ lɛkɔ ba, kpon ye kpɔto le ɔwlɔ donu ye ɔnkusinye ci kpɔn ɔn, ye ungɔ nyɔn nu na yelɔ o.
41
Yesu lɛkɔ ba jɔtɔngɔ eyɛ elɔ na nukplaviye be mi kpɔtɔ le ɔwlɛn donu eyɛ mi gbɔ jɔ ɛ? Enɔkpe! ɛganho. Ya kplan gbetɔviɔ yi doasi na mɛyé ajo tɔye nu vuɛn watɔye.
42
Mi site ezɛnkɔ, eyɛxɛn, mɛ na bla sɛn naun nɔnba.
43
Gan mɛ na Yesu kpɔtɔ le xolo nuɔ Juda kena nyi Yesu enukplavi siɔwe ye do mɛ tɔ lokpo zɔn do Yesu kɔdo ahwan glegle ɖeye hɛn ohwan wanu hamɛ hamɛye adèkpè ɔtin, ɔvɔ satɔ gbogboye, enu wlantɔ gbogboye, eto mɛxoye, kɔdo Sikribuye.
44
Juda mɛ satɔ, do jesido Yesu naye be mɛ na makisi naɔ mia nyɔ be mɛɔ wɛ. Nuicoli dosɔn.
45
Kena Juda baa troloɔ ezɔn do Yesu ji se ɔxwɛtɔ bokisini Yesu.
46
Mɛnajɛ Juda gbonye jɛ Yesu ji wli.
47
Troloɔ mɛ na jɛ Yesu gbɔnye lokpo ɖe jwintɔ kpa ɔto na mɛ lokpo le mɛ na bawli Yesu yemɛ.
48
Yesu lɔ naye be: nù kaba wli un ɖiken ajotɔ dɔgbe, mi hɛn jwi èkpo mi bla akpà gbɔxwe ado wli un.
49
Gan mɛ na unle nu kplanu umi le coci xɔmɛ egbe sɔ egbesɔɔ, nu un vli un exetɔ ɖoajɔ na nu winwlan à do sɔgbe.
50
Yesu enukplaviye tɛtɛ si jo Yesu do.
51
Ðekajɛ lokpo zin avɔ dokɔ le flɛn, gamɛ na yewli Yesuɔ jɛyegbɔn ye wli ɖekajɛɔcan.
52
Esi jo ɔuɔ do, zɔn amama
53
Ye kplan Yesu do sɔn fina yebɔle ɔvɔ satɔgbogboye Mawu tɔnye to mɛxoye, fada gbogboye sikribu ye can.
54
Piyɛ jɛ Yesu gbon vɔ ungo go yeo eci azɔ ga boo naye dosɔn biɛ ɔvɔ satɔ gbo ɔ ɔxle mɛ sin nawan le mɛna lezó xùnuye mɛ
55
Toxolɔtɔye le kanuxo na ya lɔ na ya do do hwɛ diɔ. Alo nayado gbo kuhwɛni vɔ ye un kpɔn xoti do Yesu uo.
56
Emɛ gbogbo na ba ye lɛlo kpowɛ yele ɖunu, meɖo lɔluɔ mɛbu can alo lɔ bu
57
Eyɔ wɛ mebuye cite ɖu lelo denu be .
58
Mise elɔ be: cɔaxɔ na yeyi ɔlɔ do tuɔ magbɛɛ le avan gban ɔtɔgbɛ mavɔ bu tun kena na ye ungɔ ayi alɔ do tun owa.
59
Vɔ lɛlo naye leɖunu xɛntɔye ti untɔ unsɔgbeo.
60
ɔvɔ satɔ gbolokpo cite le yemɛ le kan nu Yesu sebe xogbogbo naye le lɔnu do weu xɛntɔ ɔ unkpɔ xoti alɔ deu ɔ?
61
Yesu bɔnu, unɖo xoti eu o. ɔvɔsa gbo ɔ gɔ kan xo Yesu sekebe, ɔyɔ wenyi Mɛsiya Mawu esin tun viɔ?
62
Mlɔn wɛ. Aba kpɔn gbɛtɔ eviɔ, asinɔ awan le Mawu aceye tɛtɛtɔ ɔɖusilɔ mɛ le ɔjihle, ale tejɛnu ɔvidrɔ mɛ lɔjihle.
63
ɔvɔ satɔ gbotɔ vun au lekɔlɔ be xojɔxo nɔwe migo le kanu o.
64
Mi unse tomɛ gbigble xona élo siɛɔ, maɖe mijroɖoo. Yemɛ tɛtɛ gbó kuewɛni.
65
Mɛɖeye yé letunutun deu, mɛdeye bla ɔkusimɛ ni, mɛɖeye lexonu ɔtomɛ ni. Lɔ mɛna xoɔ ye na mi, eyɛ yetɔɛ xixoji.
66
Piyɛ kpɔtɔ le fina exuzoleɔ. Mawu ɔvɔsatɔ gboɔ yevi nyɔnu lokpo ba flin.
67
Kena ekpɔn Piyɛ kpɔtɔ le xunu zoɔ, ewli ɔnku sin deu nyɔ ɛnɖe, elɔ na Piyɛ be Yesu Nazarɛtitɔ enukplavi lokpo mɛ ɔnyiɔ.
68
Piyɛ gbɛ be mlɔ nyɔ mɛ xo na ɔlelonuo Piyɛ cite atɔnjɛ agboji. Mɛ bucan gɔ kpɔ ɛn lɔ na Piyɛ be un nɔ kpɔn ɔyɔ can le yemɛ an: Piyɛ gɔ gbɛke, ado tɔn le ɔxwe ɔmɛ ɔ koklo é dose.
69
Devi n'yɔnuɔ gɔ kpɔ ɛn gɔle lɔnu na mɛna le flin ye be, emɛ xetɔ ye mɛwɛ.
70
Vɔ Piyɛ gó mɔnu tɔ enutita. Zanɖe kpoun, yegɔ tonu Piyɛ be xonugboxwɛ, ènukplavi wɛ ɔnyi, ɖo Galilia tɔwɛ ɔnyi.
71
Zin lokpoe ɔ Piyɛ gɔjɛ numɔ ji kɔdo kpɛnsɛn, be mlɔnyɔɛn lefiti o. Mlɔ un nyo mɛ xona mi le lɔnu o.
72
Zin lo kploe koklo adose jɔwe gɔ eyɔwɛ Piyɛ flin exɔ na Yesu lɔ niɔ be kaka koklo adose ɔ jɔweɔ agbɛ un jɔtɔn, eyɛ Piyɛ bavi