¹ Ðikéna Yesu tɔn lé tempéli (mawu exwemi) enukplavi lokpo lɔnɛn:<< nunkpatɔ kpɔn exozantan kɔdo ɛkpin nyuɛn xɛnye ɖa>> yélɔ nin. ² ɔlékpɔnu exogbogbo xέnyé? ɛkpɛn dé lé ɛkpɛn ɖéji lokpo untɔ ungɔ abaléo eyɛ ye man nyin énu na yé man lέ eta tɔdo>> ³ Gamέnan exian awan do oliviayé etoji le tempeli e ɔnkɔn jè ɔ Piye, Jaki,Joni kɔdo Andréya yé kan xosé wi le ye untɔ ɖoɖo nɔmɛ ⁴ << Lɔ gamέnan enuxɛn tɛtɛ kaba jɔ namin? ninumɛn alo wanan nɔnwe wɛ aɖé xlɛ benan eganxo?>> ⁵ Eyɛ Yesu jɛlilɔ nayé ji: mikpɔn miyé éɖéji na ɛmɛtin unka bumiō ⁶ ɛmɛn gbogboɖéyé aba do xo nyinkɔmɛn éyɛ ya nɔn lɔbé. "emlɔn wɛ nyin Kristo'' éyɛ ya hen ɛmɛn susu do sɔn bubumɛn ⁷ Nan milé sénu ahwan wiwayé, raflina ahwanwiwa unka kpacamiō. Enu xɛn yé ɖo aba émɛn. Vɔn unkpɔn nyin kpikponuɔ wɛɔ. ⁸ Ðo étoɖé acite do éto-ɖéwu. ɔxɔlutodé acité do ɔxɔlutodé-wu. Awanzan hun-hun a nawan le tɛnxwé susu. Xovɛ ciɛmɛ asiɛɔnu vivέ sisé évijiji tɔn bé ɔgbɔmɛn jijέ lέxɛn. ⁹ Mi cɔ miyédé. Ya yi mi ayi dasina acɛkpatɔé éyέ ya xo lé sinagɔguyé ya kplan mi sun hwɛlɔxwé lé étokpantoyé bé ɔnkɔn. Kɔdo ɔxɔluyé do xota eyɛ exeɔ anyin énujijɔ lilɔ nayé. ¹⁰ Vɔ ɛwɛnyɔnéɔ ɖoa nyi jijna na etoyé tέtέ. ¹¹ Gamέna ya ɖomité éyέ ya yi mi yido asinayé mi un ka vɔn na exɔ na miàlɔ. Dobé ganxɛmɛ tutuɔ, enu na mikalɔ ya yi nami. Un ma nyin miyé untɔ wɛ ka lɔxo, vɔ gbigbɔ kikɔn wɛ ¹² Nɔnviɖé ayi nɔnviɖe yidasi bé yàhwu. Etɔ àyi evi yidasi. Lɛkɛyé ayi yée έmέyée yidasi na ya hhwu ¹³ ɛmɛ yée acvimi ɖo xonyikɔwu. Vɔ ɛmɛn ɖékpɛkpa na ado hihlɔn kaka sun kpikponuɔ, ɛmɛn xen akpɔn hwlɛngan. ¹⁴ Nan lé kpɔnu ɔwwuxiɔ éjimajɔ έmɛn enu wiwa jέ-ji-jo-ji, ba lé azikpéyinuɔ lé éfina unjέ wowa (na ɛmɛ na lé xwéma xlɛ nu ɔ asé égbɔmɛn). Na ɛmɛnyé na léyuda yé asi biyɛ ɔsoyémɛn ¹⁵ Na ɛmέ na lé éxɔta le ɔxwemέ unka ɖi jέ édo lé ɔxwemɛnoɔ be yé kàbà yi unɖé wo ola ɔxwécgodo. ¹⁶ Eyɛ ɛmɛn na le ɛglémɛn unka lekɔ be yéka bayi yé awu vlέyέ ¹⁷ Vɔ baɖa na ɛmɛn na lé evijinu alo yé lé ɔnɔn donu na yé viyée lé azanxɛngbé ¹⁸ Mixo έdέ na késin enu unka jè le hiver ¹⁹ Dobé ayasanamɛn gbōoɖe ananwan ɛxɛn kena unjè kpɔn sun ɔgbɔmɛnjijè na; Mawu do wa έgbέ, kaka ba do sibέ, gbéɖé késin énu unmajέo ²⁰ Na Mawu unɖé azanji kpɔtɔɔ wa ɛmɛtin un makpɔn hwlɛngan. Vɔ dobe ekumdo emɛn cicanyéwu eɖiɖi azanji ²¹ Ehέmɛnɔ nun ɛmɛnɖé lɔnamibé éyéxé kristo ba alo mikpɔn éyέ lé éflɛnxen mi un kakan déji ²² Ðobé lɛla kristotɔyé aba éyέ lɔɖawantɔ lɛlotɔnyé yabatɔn. Eyɛ yalé wanu ɔnudandonu, amlimanuyé kaka ya dibla flu Mawu émɛn cicande, yé untɔcan. ²³ Mico miyé édé minɔn acéji. Unlɔ enuxée tɛtɛ na mi san jέ ɔkɔn sisɛn xɛn ²⁴ Vɔlé vivέ sisé sisɛnxɛn azanxen gbétɔn egodoɔ, ɔlizɔn ado ɔzuvlu. Esun hwɛɖɛ un ma na ekiklὲno. ²⁵ Esunviyé ya gé sɔn ɔji hwlé ²⁶ Eyɛ hihlɔn ɔjihwlé tɔn yé ya kikan exɛnu yalé kpɔnu ɛmὲn gbɛtɔ evi aɖiɖi lé ɔviɖɔ yé mɛn lé ɔjihwlé kɔdo hihlɔn-ɔwukikɔn gbeoɖe ²⁷ Exɛmɛn ayi angὲli etɔnyé ɖaxwlan eyὲ abɔ ὲmὲn cican etɔn nɛn lé awa goji ɛnɛn awanzan lé kpikpɔnutɔn kaka do sun ɔjihwle ékpikponu ²⁸ Mikpla figitin ɛlὲsini. na ewla yé jɛ sisiɛnjiɔ eyɛ ejɛ flawua wiwa, mi a nyɔnɛn bé (été) gogo ²⁹ Gamέna mi kpɔn enuxenyé lé gbɔnu kesin kéwɛ mi ado nyuen bé egogo, enɔn lé ehɔnji ³⁰ lé xonugbomɛn ulé lɔnu nami, jijimɛnxɔ un ma bayi kéun gbɔxwé enu xɛn tɛtɛ ajɔ ³¹ ɔjihwlé kɔdo awazan abayi vɔ xo exoyé un ma bayio ³² Vɔ do ganxixo xɛn tutuɔ ɛmɛntin-untɔ unyɔn kundo azangbé, gaxixo can ɛmɛntin unyɔn angeli ɔjihwlé tɔnyé can ɛviɔ can, etɔ lokpo kpowɛ ³³ Mi nɔn aceji, mi nɔn unklé dobé milé ka nyɔ gamɛn na abao ³⁴ Exɛnɔ mia do kpɔn do duhwédé kena lé sɔnu emɔnji. ( elὲ lé ɔxwemɛn eyɛ eyi ɔxuéɔ yi dasimɛn na esuboviyé ɛmɛn lokpo kɔdo ezan eɖégbé na azan ji nɔntɔ be anɔn ɔunklé) ³⁵ Exɛn hutu minɔn ɔunklé. Dobé mi unyɔn gamɛna ɔxwetɔ alɛkɔngbɔnba eta unyon wa alɛkɔba azamɛn lé gasiɔwé eta uyɔn wa fifɔmɛn klɛklɛ kloklo dɛsɛn, alo awangbigban fufu ³⁶ Nan clɛkɔgbɔn kpata, un kpɔn mi lé ɔwlɔnɖonuo wa. ³⁷ Enu nan unlé lɔnu na ɛmɛn lokpo lokpōo. Mi nɔn unklé