¹ Tsité édokéwo wɔwɔ sigbé aményɔɛ lé améwo ho n'kumé tsagbé oné kpɔwo, munyi nɛnɛ wɔa omagbé kpɔ édɔ ké oléwɔa lɛ tatawo ké lé jipoa gbɔ o. ² Né inyi bé ona nu améa, n'gbé tsɔɛ po égawo, sigbé léké ayé wɔtowo ké onɔna tsɔtsihɔ gan mɛ kudo émɔwo ji tsagbé améwo né kafuwo. Lɛ nyatoho méa, n'lé gblɔ niwo bé, ohɔ wɔaho éfɛntua vo. ³ Vɔ na miawo ya, né inyi bé milé na énu améwɔa, mijagbagba bé miaho alɔ émiɔmétɔa n'gbé nya énuké miaho alɔ dusi tɔa wɔ o, ⁴ bé miaho nunana nénɔ wlawla mɛ. Yi miaho tata ké lɛ wlawla mɛa la tu étsi ni mi. ⁵ Yi milé dogbeda, mingbe tsɔ miadeké sigbé ayemenu wɔtɔwo, dobé onɔnɔté donɔgbeda lé gbédohɔmé kudé emonwo kɔnawoji, tsagbé améwo nekpɔ wo. Le nyatowoméa n'le gblɔ nami, ohɔ waho toho dodo vɔ. ⁶ Vɔa miawo, né milé dogbeda, mido hɔmé yi miatu hontrua, yi mia dogbeda né miatɔ ké lé wawla tohoa; yi miatɔ ke lé kponu lé wawla tohɔa la do tɔwo nami. ⁷ Yi milé dogbeda, migbe legblɔ nya mado tawo, sigbé amekewo munya Mawua gblonɔ néné obuné sigbé yi yole honu sugbɔa ola tsɔ kéye wo. ⁸ Na énukéa, min'gbé bɔwo, dobé miaho tata la nya énuké lɛ hian mia kén'gbɔho miava biɔa. ⁹ Fifia, mi hodé léké: "miaho tata ké lé jipoa, n'kɔwo n'ti nékɔ. Efiɔ duduwoa néva. ¹⁰ Yi lɔnlɔnwo néva anyigba ji sigbé jipo nɛnɛ. ¹¹ Na mi miaho égbé ho énuké mia la du. ¹² Tsɔ miaho énuvɔnwo tsé ké mi, sigbé léké miawo tsan mitsɔnɛ ké na amékéwo wɔ évodada dé mia n'ti. ¹³ N'gbé na bé miava gédé tétékpɔ mé o, vɔa dé mi lé énu bada gbɔ." (dobé tɔwo yi nyi éfia dudu kudé n'sé kudé kafukafu tsé yi mavɔ mavɔ, amen!) ¹⁴ Yi né inyi bé mitsɔ amékéwo jagɔ lɛ miantia ho agɔjéjéwo kéwɔa miaho tata ké lé jipoa tsa la tsɔɛ ké mi. ¹⁵ Vɔ né inyi bé mintsɔɛ kéwɔa, Mawu tsa n'ja tsɔ miatɔa tsan ké mi o. ¹⁶ Yi tso yi ijia, né milé blanɔa, mingbé lé hɔ nublanui ho ayawo sigbé léké ayé tɔwo wɔnɛ nɛnɛ, otrɔna wɔaho n'kuméwo mɛ tsagbé améwo nékpɔwo bé olé bla nu. Lɛ nyatoho méa n'lé gblɔɛ ni mi bé ohɔ wɔaho tohododo vɔ. ¹⁷ Vɔa miawo ya, né milé blanua, mibla miaho étawo yi mia ku étsi klɔ miaho n'kumɛ, ¹⁸ tsagbé améwo n'gbé nya bé mi lé blanuwo, vɔa mia wɔɛ na miaho tata déka ké lɛ wlɔawlɔa mɛa. Yi miaho tata, ké inyi bé élé kpɔ mi lɛ bébé méa la do yi toho ni mi. ¹⁹ Min'gbé lɔ miaho késinɔnuwo tsé potɛ lɛ anyigba ji lé gɛké avlɔkuiwo kudo énu jakawo lagbléwo, toho ké fianfiwo la té do yi ola fi énuwo. ²⁰ Tso tovo ni kumɔa, miji késinɔnuwo lɛ jipo, toho ké awlɔkuwo kudé énugblénuwo n'ja té gblé lé o, yi fianfiwo tsan omaté do yi wɔa fifiawo. ²¹ Dobé toho ké késinɔnu lɛa, gawun yé éjiwo tsan la nɔ. ²² N'kuvi yi nyi amégbétɔ ho kandé. Yi né n'kuvia nyɔa, amétia kpata yɔna kudé kékéli. ²³ Vɔa né iva nyi bé n'kuvia n'nyɔwɔa amétia kpata la tsi viviti mɛ! Nɛnɛ yi, inyi bé viviti ho kékéli yi lé éméwɔa, lémɔyi viviti kumɔa gangan do o? ²⁴ Amédékpékpé n'do subɔ apétɔ amévé o, dobé éla tsri amé déka yi éla lɔ évégɔa, alo élatsɔ yidoké ta dé déka n'ti yi malé tsɔ édé lé imé ni amévégɔa o. Mima té subɔ Mawu kudo éhotsi kpɔkpɔ dé éduo. ²⁵ Yinti n'gblɔ ni mi bé, min'gbé vɔn na miaho agbé o, na énuké miadu o alo na énuké mianu o (alo miaho n'tilan n'ti o, alo awu ké mia doawo). Elabéna agbé n'lé vévédé wu énududua, yi n'tilan n'lé vévédé wu awua? ²⁶ Mikpɔ hévio kéwo lé zro lé ayamɛa! omudona nu yi omudéna nu tsanwo, yi omu bɔna énukuwo tsan dé énukuwo ho ékpowo méwo, vɔa mia tata ké lé jipoa nanawo n'dudu oduna. Mimu hɔasi wu wɔa? ²⁷ Amékayi lɛ mia domé ké lɛ bu étamé yi lagbé tsɔ vitukui dé kpé? ²⁸ Fifia n'ka n'ti milé butamé dé awu ké mila dɔa n'ti? Mibuna étamé bé lémɔyi émobé nuwo la miɔ lé ékpɔawo jia; omulé wɔdɔa, omu lɔna avɔnwo tsan o. ²⁹ Vɔa n'lé gblɔɛ ni mi bé Salomon lɛ yiho édɔwɔmɛa awu n'nɔ yinti sigbé wɔadomé tɔdéwo. ³⁰ Né inyi bé Mawu lé do awu na ébomé ho gbéwo ké ényi bé égbé alo étsɔ ola té va tsɔ do ézo déé, lémɔyi maté do awuna miawo ya o, miawo, amé hɔsé vitukui tɔ? ³¹ Min'gbé lé butamé yi mia lé gblɔ bé: "n'kayi miladu?" alo, "n'kayi milanu" alo " lémɔyi mila wɔ yi miado awu?" ³² Enukumɔayi Mawu manyalawo léjia; miaho tata ké lɛ jipoa nya miaho jijiwo. ³³ Miji Mawu ho fiaduhoa gban kudo yiho nutoho wɔwɔ gbɔho; yi wɔatsɔ énu kpɔtɔɛwo ni mi. ³⁴ Min'gbé vɔn na étsɔ ké lé ja va o, dobé étsɔ ké lɛ ja va la von na yidoké. N'kéké dékpékpé kudo yiho kuyé.