¹ "Min'gbé bufon amé o yi omugbé bufon mi o. ² Dobé wɔado kojoɛ ni mi sigbé léké midɔéna améwo nɛnɛ; yi agban ké mitso jijé né améwɔa yi wɔatso jijé ni mia. ³ Yi nuka yijɔ yi olé kpɔ ébé vi kélé nɔviwo ho n'kuvi mɛ, ganké omuté lé kpɔ atikpo ké lɛ owo n'tɔ ho n'kuvi mɛa? ⁴ Lɛmɔ até toni nɔviwo bé: "dasi madé ébé lé n'kuvi mé niwo, vɔ la owoya atikpo yi lɛ n'kuviwo mɛa? ⁵ Ayéménu wɔtɔ! jagbagba yi nadé atikpo lɛ n'kuviwo mɛ gbɔho kéngbɔyi nakpɔ nu nyɔdé yi nadé ébé lɛ nɔviwo ho n'kuvi ji. ⁶ Min'gbé tsɔ énukéwo nyi énukɔkɔé ni avuwo yi min'gbé tsɔ miaho jonuwo dangbé ni éhanwo; munyi nɛnɛwɔa olaté tugui kudo afɔ, gbɔho élatrɔ yi élamɛ dika dika. ⁷ Mi biɔ yi wɔatsɔ ni mi; miji, yi miakpɔɛ, mipoé, yi wɔahui ni mi. ⁸ Dobé améké bia ahɔɛ; yi améké jia lakpɔɛ; yi améké la poé, éla houn nɛ. ⁹ Amédé lɛ mia mɛ, ké yi évia biɔ kpɔnɔ, yi éla tsɔ ékpé nɛa? ¹⁰ Alo né ébiɔ akpavi, éla tsɔ édan nɛa?. ¹¹ Alo amé badawo ké minyia, minya énu nyɔwo tsɔtsɔ ni miaho viwoa, nukajɔ yi miaho tata ké lɛ jipoa matsɔ énu nyɔwo ni amékéwo biɔ maa? ¹² La, énuké miji améwo ni mia, miatsan mido lawɔɛ niwo; Enuké yintia ényi ésé kudo mawu ho dasifo wɔɛ nɛa. ¹³ Mido imé kudo émɔ ké mion a, dobé émɔ ké kéké gbaja a kplɔ namé yi tsrɔntsrɔn mé, yi amésugbɔ lɛ ké la to émɔ kumɔa. ¹⁴ Dobé émɔ ké mia vituku a yi kplɔna mé yi kplɔna amé yi agbé mé, yi amé vituku yi nyana émɔ kumɔa. ¹⁵ Mikpɔ nyɔdé lɛ ajédada Mawunya gblɔdilawo n'ti wɔava miagbɔ sigbé alɛnwo nɛnɛ, vɔ lé imé imé la onyi jata ké adɔ lé wu. ¹⁶ Wɔaho kutsétséyi mia tso jési wɔa. Wɔaté gbé vin ho kutsétsé lɛ aŋɔka jia alo gbotsétsé lé n'ti ti jia? ¹⁷ Nɛnɛ yi ati nyɔɛ dékpékpé tséna éku nyɔɛ, vɔa ati bada tséna éku bada. ¹⁹ Ati nyɔɛn n'ja té tsé éku badawo, nɛnɛ kéyi ati bada n'ja té tsé éku nyɔɛn o. ¹⁸ Ati dékpékpé ké n'tséna éku nyɔɛ wɔa wɔatsɔé ji yi wɔatsɔɛ dangbé dé ézomé. ²⁰ Nɛnɛ ké yi mi la dé jésiwo kudo wɔaho kutsétsé o. ²¹ Munyi amésiamé ké lé gblɔ num bé: "Apétɔ, Apétɔ," yi la kpɔ gomé lé jipo fiaduhoa mé o, vɔa amékéwo lé wɔdé tatanyé ké lé jipoa ho jiji ji. ²² Gbékumɔagbéa, amésugbɔ la lébiɔm bé: " Apétɔ, Apétɔ omu dégbéfan n'kɔwo ni mia, yi nya gbɔgbɔ badawo dogo lɛ mia mɛa, yi ogbé wɔ nukunuwo ni mi lé n'kɔw ojia?" ²³ Yi magblɔɛ niwo lɛ amédomé bé: " nyému jési mi o, yi nyému kpɔ mi kpɔo! midɔyi lɛ égbɔnyé, miawo ké mi lé wɔ énuvɔɛ! ". ²⁴ Fifia, améké la do éto énya nyéa yi latsɔɛ do édɔ la lanɔ sigbé énunyatɔ ké tu yiho éhɔ dé ékpé ji. ²⁵ Etsi ja, yi hɔ anyigba ji nɛnɛ yi ayawo ho dé ahɔɛji vɔa n'muwo, énuké n'tia otui dé ékpé ji. ²⁶ Ganké amédékpékpé ké la sé énya kéa yi la gbé iji wɔwɔa, lanɔ sigbé fluflutɔ ké tu yiho éhɔ dé adaké jia. ²⁷ Etsi ja yi étsi hɔ anyi gba , yi aya ho yi éhɔa mu yi égblé kénkén." ²⁸ Eva va imé bé ké Yésu honu vɔa, iho nufiafia léji niwo, ²⁹ dobé éléfiawo énu sigbé améké do atsɛ kpakpa munyi sigbé ésé nyalawo.