¹ Babasili, bandu bababoo, limiwa obiene munkara Nziami. Me eyoo we okome biene bilo beso bi, nde alitita ewiene. ² Likebe mubambua, likebe mu bibuele, likebe mu oyibi bana kuobi. ³ Mu kiitete biuu, biuu limiwa ndo ebu itsui e Nziami kiliwa biyabi osama Nziami mu ibini, biuu like bara bayibi, biuu liwa ala Nziami bisama be biuu mu itsui e Nziami, we elituene mu yesu- christo, mpe biuu likasa miko mu nduru. ⁴ Kiri wunu awa ise kioso ala Nziami, eka me. ⁵ Me, bayibi mu matsu mpuomo baburi me, meki muru bula bo isaele mu kanale benga minsa ise tsée aluru me dewe. Ba koo bama bobaso bakiki bara ba ise mpe eki muphalisien mumo ewi me liziri mu niki niomeso me Moise mpe ya mutini astue nde. ⁶ Me ekeke ya liyua le nzo e Nziami mpe me eke ema eyu miki. ⁷ Muli bilo ekeki me ya bio bimi like miluru, butete muli aka ebu kimbiowe, ndo ebu Nziami embamu me. ⁸ Ntso me mumuene ilo kio eso ampi ebu miluru we mundo eyiabi me yesu - christo mtume eme, ndo mubo me eki elie bobaso, mpe eki ebata kunto miu, kuobu me eyio christo. ⁹ Mpe nde kimuene, kamu osama eme we, mamayi mu mili kuobu yama ma kuari okiu e christo, bisama bibiyi ala Nziami mu okiu. ¹⁰ Kuobu ya liyiabi christo, mpe nguri e nde awiu, mpe ilimi ende empari, mu ozui yana mu lifuu le nde, mu oya oya turu. ¹¹ Kiri me nkiu, lifu le nde munkara babati. ¹² Ka muko we me ebui bilo beso, obuu me biowe muli me ebara, emiu akuara, ndo ebu me mpe bakuara mu yesu - christo. ¹³ Bandu bababoo, me ntimfini we mu okuara furu, muli me yesa ilo imo, olimu ma mamaluiri, mpe kui ma maya ku kuu. ¹⁴ Me mbimbari mundo bibike ku nku, mundo obiri muta we oka ntoo yo eso ya Nziami. mundo ebu nde kimbiu mpe yesu - christo kimone muru. ¹⁵ Muli, biuu baso ya liyu okiu. Oka ya mumtunu eso mimo wunu kiri biene liki muliwu ani ma litunu, ma Nziami ola biene maka puli akia kunsii. ¹⁶ Ndo ebu, ku ntu eso ebu biru ekilitiru, biuu lekui yesu - christo tsée mpe tsée. ¹⁷ Bandu bababoo, lika biene baso baluluno me, mpe liyata babaya luku mutini mumo ya me. ¹⁸ Babaso munkara biene bakiuni ba kiri yesu - christo muli batunu ma amone ndo ebiuu munkara kulusu. Me eki elilie ntoo yo eso, mpe kimbili muli turu aki elii. ¹⁹ Kunto ebo eka ilowe ndo ebu bo bawi madumu ala bitio, bo basisa ise ebo mu mando mabo ma buturu, batuturu na mu mando mabo ma mukiri. ²⁰ Muli bula bo biuu buke ku yuu, ndoki biuu ledi bueyaturu mtumu ebiuu mpe mobikisi yesu - christo. ²¹ Nde ya abanu nduru ebabalime, ya iyulu mutini mumo ya nduru e nde e mbue. Nde akiri mu biya beso nde atete bilo biobeso.