¹ Kuobu christo eliwa biya alabo, mundo ebu nde okuini ala bo mpe nde osuo mangabi yia, kuobu likanu le nde mpe ngebe ende eke munkara bo. ² Lika ya isee tsee mundo eme kuobu like ba mo. Lika ya likunu mutini mumo, lika ba momu mikome biene, mpe lika ilo imo mpe isa tii ontoo. ³ Lika mano ebu bombuni bana baliluiri mpe lika amaa okabu mumubo, kika bara bamisuiru mpe liya wa lisiri biene yabo. ⁴ Likasoo osa malikuini biene muli lisa makuini bambuni. ⁵ Lika ya munfunu mumo munkara biene wuke ya yesu - christo. ⁶ Yana nde ake anka Nziami, nde amisi we mutini mumo ya Nziami. ⁷ Muli mumubo, nde ya miwi nde ngako. Nde ya misi mutini mumo ya muru itsaa anku e biuu. Nde misuiee anka muru mpe ami muene mpe ya misi anka ilo bunu iwiwnw ntina. ⁸ Nde ya misuiru nde ngaka mpe ya kiuu tii kulifu. Nsa lifu linkulusu. ⁹ Mu mutini eso Nziami ya museini oluru mpe ya muwuii nkumu ewiri mankumu momaso. ¹⁰ MUli munku e yesu - christo ma buo momaso mafunu bakungia yuu mpe munsi mumana mpe onsi mana. ¹¹ Mpe minguaa mimeso mekiuu ebu yesu - christo akee mfumu, bisee bi oluru be Nziami tara. ¹² Muli ba mbuni bame bakuini, mundobu biene ani liziri, nsa webu me nde we muli liyasa kobunu nsa me nde we, biene lisa isiaa mibue mumwama mpe lika ya buomo mpe liyatero. ¹³ Kuobu Nziami ngako eburu bibibue mutini akuini nde mpe nde asa munpio ende embue. ¹⁴ Saa bibeso kio ibei - bei mpe likio mikeme. ¹⁵ Mundo ebu biene ba kaa limono kuobi mpe lika yana, anka banaba Nziami babu munkara bo mamabi mowe, bobakene anka bu ekekene lika a mumukiri mumaburumamayia mamabi mpe baba wuu - wuu bilo ku iluiee. ¹⁶ Likuara maluoma Nziami kuobu nsu ayi furu christo me nka ya isee kiuluru, kuobu me ngiaba ebari mpe esia ka isia e bunu we. ¹⁷ Muli nsa banduu ala me mpe maki ma me ni matubu anka likabu mundo Nziami, me eka mu isee nsée mundo biene bobaso. ¹⁸ Mpe mu mutini eso, biene ompe, libo mawama mpe lika ya isee mundo eme. ¹⁹ Muli me nkuini munkara nsumue ebiuu yesu, ala biene me etumu timothée munu mulibu, kuobu ma andie nde menka ya isee tsée kimtini biene likee uko. ²⁰ Me muru mukimi nde we me muene muna thée we ya lita ala biene. ²¹ Kuobu bo basisioo miluru miebo bangako mpe basisioo we miluru mundo bambuni babo. ²² Muli biene liyiabi ebu timothée aluiri mu umiou tsée, anka muana wuke musia etara nde, mumutini eso nde asisa isia yame mu uluono nze embue ye usamu nsia e Nziami. ²³ Me nkuini e mututumu mu ina e iaba me yana- yana mu mateii ma iluiee. ²⁴ Muli me eke lisa muko tsée munkara mfumu Nziami mpe me eyiyia e yalita lilioli. ²⁵ Me emuene yana me litumu mbuni eme eboo Epaphaditte we kika yame, mbuni e mu isiaa e Nziami yame, nde we bu biene le tuimi ayia kukeme mumpio yi nke ayome. ²⁶ Mu ina ebu biene eke liyioo nde ebie, nde ake ngebe tsée mpe akuini ayia lita ala biene bobaso. ²⁷ Nde ake bubiee tsée ankua lifu, muli Nziami eke muyuu ngebe, kamunu nde ngabu yuu we ngebe, muli mpe ya me kuobu me kanka ya mawua ( ngebe ). ²⁸ Me kuikui mutumu ayialita muina limono biene furu, biene leka ya isée tsée mpe me ebifuru tsée we. ²⁹ Limuyioo yana Epaphaditte munka Nziami mu isée tsée mpe limukunu nde mutini akuini nde. ³⁰ Nso mando ma yesu - christo, ndoki ye ike eyu akua lifu, ndeya si nduru ende ndobu ya fisuru mu oyiene nde mu itsa kilimua ashaa biene.