1
Yeri pe wa potohi ge ye pehbemu tahi ye ɲugfehila, liri la wa sa wori Kilɛ ŋe na wo kali bage kagi wɛ.
2
Potohi wo ɲugfehi po na dare ze ge ye peh pɛlɛ yo tihin cebori yeri bare gwege ye zi wɛ wu ye bareɲɔn ge YESU, nohi po tahi wiri ka ko danha ye ge.
3
Wa ba kaliŋe wa tii kanhan wu wa wonunŋe na YESU woŋe wɛ, wu sunŋan sahi na Kilɛ kayune wɛ wu wa KILƐ ɲansare wohi.
4
Wiyɛ wa ba bɛlɛ wa yafihin tienhi, nakare tan hun wiri kerigi kile djihi co man nan yoge na mekahige na fungɔnbeye.
5
Ceraa mah na gilige bihi pe wa po KILƐ cinye ge po kanyɛne cinhi, pe fungɔnye la po sa nafunŋe tahi KILƐ korone.
6
Bihi wo yatane lo peh yage kaɲɛla ge KLƐ korone jari ŋe peh tagi.
7
Wo panhan nan yahaba kunge wɛ wo sa geri na yaga wɛ.
8
Lirila vanye na linŋe wi wo yaha,
9
bihi po lihisa pe latage pere po duhu tonbarige na fungbwɔye yi wa wo, ɲɔyihi na tisili ɲanhage wu na peh kagihi.
10
Kazagi kadanhe kiri wa ya peheye mu derihe wa daraha se na cie laha ge wura ba wiyɛ gwo
11
Mu KILƐ tisa miyɛ ligehe cie la mari funvige saha mari dahi KILƐ la wa kadange mara tiembe si.
12
Na dare yoge yaha se ma bunŋe wo gɔbanŋe lo wure woho la mu yiri mu ka kacinŋe wo cinŋe se singwɛ ɲanla.
13
KLIƐ bunŋe kanhan yɛrɛ ye mu nan YESU wa kayongi jo Ponsipilati ɲi la ge pere ɲi do sa li jo di wahi.
14
Jiihi kayoŋi ya cio na ciere ma ba miyɛ pihin wɛ na sa wɔn foho YESU KRISITA tian bange,
15
Fanhan mu foho ŋe na du ba ŋe mu fonŋe wura ba liri siye li tɛrɛne.
16
Wiri yɛ wu wa fanhan fonŋe pinhinge wa tinhin ge wa sa jin nowɛ yi sang wi ŋanhi wa sung sa wi gnayi wure wuwa na pehebe na fanhan wogo bage AMINA.
17
Li jo ma wahi nafoŋe fihi na pa ba pɛlɛ wɛ, na pe ba diheŋe nafoŋe wo koŋe layi, na pe tieŋe KLƐ la wura yacienŋe kan wo lirila yiri je wo mudanhan.
18
Peh ka tiengi si peh nafofɛrɛ yi se peh katiegi wo segi pera pehe cienye yɛrɛ ye kanhan.
19
Lirila po sa wofonŋe wogɔbanŋe ta
20
Timite, dji cio kan mage cie ya cio mari miyɛ kayese ge konŋge wo kayone be gua nakare wugi la.
21
Piyɛ jo na pera cieri cien na lihige narare la. KILƐ wo NEEMAŊE se ye mouh