¹ Ma sa nɔgilɛnyi yɛri ma ba kayopehgue djohi wi yɛri ba ma toɲi. Nagjime yɛri ba ma ɲahafo na conh ɲi. ² Celɛnŋe yɛri ba ma nouŋe ɲi,cenŋe wu wa lɛhi ge wu yɛri ba ma muzɔ na ma cɔn ɲi. ³ Ciehi wo namahi po ku tisile wa pewɛ ge, pe cio na pehebe. ⁴ Nagohi na yaziye Kilɛ wo sara peri po ya pe yeri na wure pe li siye pe nuŋela, peri pa sa yeri na wun lirile tan Kilɛ. ⁵ Cienŋe naŋan ku ge, wu tin sigɛ wuri wuyɛ kan Kilɛ,wura Kilɛ ɲɛri ge sii siige na caŋan. ⁶ We sanhan za cere mudambe la ge, wura ku na kɔ na wu yahi ɲii la ⁷ Ceri jo pehe peri lahi cela. ⁸ Wa ba ze wa sa jin funyahi wu sigɛsinbi lahi, wu funŋan li se daage la.Kilɛ cienbaŋa bila pori wula. ⁹ Cenŋe naŋe ba guu, wu sun non yehi gwetanri wa ma ba gui sɛbɛ wiri ja nangne wa taha. ¹⁰ Wu kasegi ce ɲɔ wuri wu nagoyi gwege wura nabuhi tirigi, wura nadaer tagi wura kacengin si. ¹¹ Bi pe wa pe lɛyi pe namahi da ku ge mari li se peri la, ɲahan namahi lage ba pe taa tɛrine mu ge pe sa Kirista wo kayunɛ logeye, pe sa jo na pera sa je namahi sinhiye. ¹² Pera peyɛ yahi pihinge na pee kayojogi kɛyɛgi. ¹³ Liri ba doro, peri ba din kasan fiye na ɲɛrige si tisili koɲɔhi la. liwa liri yɛyi pe ɲɔyaa sa bwa, pe nɔyaa sa jii kayoŋi mu jii ce wa pe pa ɲɔyee le ce wɛ. ¹⁴ Liri le lise, ne ba li yu cehi pa wa pe sanhan lɛyi pe namahi pa ku ge, pe namahi pihi ta ban na nagoyi se, peri pe sigɛsin ya pe co, koni pe ba taga yahi wo pinhili pe wo mepinge yiri wɛ, ¹⁵ ɲanhan peri cehi piya korine yahi. ¹⁶ We cenŋe wa ba ze wu sigɛtisa, wuri bile wu wuya wu coh, wu ba wu funŋe yahi wu se Krisita wo tisili wo tugure wɛ, lela tisilaa za wa ge. ¹⁷ Krisita wo tisili ɲunfeyi pe de baare yala zi ge, ɲanhan bi pe tisili yɛri ge na bi pe kaliŋe kan ga. ¹⁸ Ɲanhan le jo Kilɛ wo kayunɛ na: yaporige ke simaŋe sɔnhɔnri ge ma ba ki ŋɔɣe poyi, na basiŋa ya nawu sara. ¹⁹ Ma ba zon pinŋe kan Krisita wo tisili ɲunfohŋe wa wɛ, na maɲe wu kasini logo serele sɔn, walima tanri, ɲɔ wɛ. ²⁰ Bihi pe jurumbe se ge pinŋe kan pe tisili mu ɲila lirila bi pe wa wake ge, pe liri nɑn peri za. ²¹ Wura sa li jo diwuhi Klɛ ɲi la na Yesu ɲi la Klɛ yudumbi bi ɲila, na jinali, ma ri ce keri mu see ma ba ya sɔri wu wa wɛ. ²² Ma ba wɛri cege tahi wa ɲuŋɔn wɛ, di le klɛ wo baare wɛ, ma ba vari wa la da kapegi si wɛ.mara mayɛ kasiyesi jurumbe la. ²³ Ma ba din da lotige bwu wɛ, ta yabware jɛri bwu, ma lɛge na ma yambe worine la. ²⁴ Pi wo jurumbaa cin nahina kitiŋe wu kon ge, piwo di dahi pe nɔhi na se kitiŋaa, ²⁵ Lirila kaɲɛna ba wɛrɛ liyɛ siye , lo baa hmɔhi wɛ. Le li ba ze lo wɛrɛ fori wɛ ge lo ba mwuhi wɛ.