¹ Nga mitumina Fohebe, phangietu wa mukhetu, udi mutshiti wa mudimo mu Ekelezia idi gu Sankele, ² Hagula mu munginise mukatshi dia gutshigina nu Fumu. Itshitenu nu luholo lua bonga lua gutshigina, mukhuatesenu mu yagaswe gadi nayagukhala naye ndaga, mwene wabwigale mukwateshi gudi avula nu ame nji. ³ Lumene gudi Pishila nu Akilsa akwetu amudimo mu fumu Yezu Klisto, ⁴ Hago abandele gutesa mionyo yago mukunda nu ame. Ngudi gwahwa hamba diahana ame hakhami, uvi nu Ekelezia jidi jishigo ya ishigo gutshigina. ⁵ Hanenu lumene gudi Ekelejia idi mujinzo jawo. Lumene gudi Epayinete munetu ya guzumba. udi mukunda nu Yesu muthu ya gundiangela gu Aziya. ⁶ Lumene gudi Madiya, yago watshitshile mudimo wakola mukunda nu enue. Lumene gune gudi ⁷ Andelenikesu nu Junyasa, adi mvaji jiami nu anetu tudi ya gukwatewa nawo mu uhiga, adi atagana mukatshi dia Apostolo, akhalele nji mu Yesu gumatwamena ami. ⁸ Lumene gudi Ampidiyasa munetu ya guzumba mu Yesu. ⁹ Lumene gudi Ilubene, futa dietu mu mudimo wa Klisto, nu Shitashise mu netu ya guzumba. ¹⁰ Lumene gudi Apele watshiginyiwe mu Klisto. Lumene gudi agaswe adi mu inzo ya Alitobule. ¹¹ Lumene gua Elediona, mvaji yami. Lumene gua agasue adi mu inzo ya Nalasise adi mu ufumu. ¹² L umene gudi Folefene nu Tilefose adi mutshita mudimo wa fumu. Lumene gudi Pelezide munetu yaguzumba. mutshiti wa mudino wa Nzambi. ¹³ Lumene gudi Lufize watombewe gudi fumu nu ginenji udi nji yami. ¹⁴ Lumene gudi Azikilite, Felego, Helemese, Patolobadse, Helemase nu aphanjiawo adi nawo. ¹⁵ Lumene gudi Filologe nu Zuliye, Nele nu panyenji ya mukhetu, nu olipe nu enya gutshigina agasue adi nawo. ¹⁶ Dihanenu ji mene nu gudisunya ivungu mu matangi abonga, enue enya gutshigina. Elekezia jiagasue ja Yesu jidi gu mihua lumene. ¹⁷ Henyaha ngudi gumilongesa, anetu a mala, ha guhunguluga ago adi mukhaphumuna nu gu hana jisonyi, gusombologa malongo ago mwalongolele. Diwehenu gudi ene. ¹⁸ mukunda athu a luholo lunu gashi mu tshitshila Klisto, Fumu wetu, uvi mavumo awo. Ndaga mu mbimbi jiawo jia huima nu jia mulebo, ana hana dimba athu ashi mujiya indaga go. ¹⁹ luholo luenu lwa ngina athu agaswe. Nga swanguluga, mukunda nu anue, uvi nga tshigina mukhale mwangambi mu yima ima ya bonga, nji amivi go mu ndaga jia gubola . ²⁰ Nzambi ya guhuima mba udi mudiata Satana gosha malu enu ngasa ya fumu yetu Yesu Klisto ikhale nenu. ²¹ Timote mukwetu mu mudimo wa Nzambi, wa mihwa lumene, nu lukisi, Jasoni nu Sosipatele , mvaji jiami. ²² Ame, Teletise ngudi gumisonegela gitshinyi gia mukanda howu ngudi gumihwa lumene mujina dia Fumu. ²³ Gayusa, mu yambi wami nu wa Ekelezia yagasue, wa mihua lumene. ELasete, mubambi wa falanga jia dimbo, wami hua lumene, phangi'enji Galatusza. ²⁴ Ngasa ya fumu yetu Yesu Klisto ikhale nu enue agasue! Idingenyi! ²⁵ Henyaha gua muthu hago udi ya tagana ha gumi wambela mbimbi yami nu malongo a Yesu Klisto, mu luholo lua gumonegesa mudimo wago wa swegewe, ²⁶ uvi idi henyaha ya gudijinyiwa nu yi mumonega mu mikanda ya a polofeta mu luholo lwa Nzambi nu Maweze, mukunda nu gutumaga gu gutshigina makatshi dia ashigo enya Yuda. ²⁷ Lutumbu lukhale gudi Nzambi akhenji ivo midimbila khusu, makatshi dia Yesu Klisto! Idingenyi.