¹ Luenyelu eswe ago tudi nu jingolo tudi nayo gukuatesa mu guleba gua ago adi aleba nu ishigo nayo ya gu asuanguluge khuta esue muene hakhetu. ² Egi muthu mukatshi dietu asuanguluge nu phangienji mu yago idi yabonga, mukunda nu gubongesewa guenji hakhenji. ³ Ndaga ya nga muene Klisto hankhenji gadisuanguluselego; uvi mu luholo luago, idi ya gufunda < ya ago a gushingile (ago akhalele mu ⁴ Ndaga ya yago ya khalele ya gusonega ya mukhalele mukunda nu gulongesewa guetu ha gula egi mu guhuimanyina guetu ha gula gudimonesewa guetu, tuajiya gukhala nu gudifelela. ⁵ Luenyelu, Nzambi yago ya guhuiminyina nu yago ya guwalagana a mihue ha enue gukhala nu matangi ene amoshi mu katshi dia enue nu enue gifwa mu katshi mudi luholo lua Klisto Yesu. ⁶ Ha gula egi mu matangi amoshi, nu guzuela gumoshi , muajiya gutumbwisa Nzambi tata nu Fumu yetu Yesu Klisto. ⁷ Ngenyi, mudizangule enue nu akuenu gifua Klisto wa mizanguile mukunda nu gutumbuga gua Nzambi. ⁸ Mukunda ngudi muzuela egi Klisto wa hagewe muenya mudimo wa mukanda mu luholo lua guamatshidia gia Nzambi ha guzuela diago malaji ago a hagele Tata, ⁹ nu mu gudi ago ashigo enya Yuda a tumbuise Nzambi mukunda nu khenda jienji. Gifwa mu idi ya gusonega >> Henyaha mba ngutumbuisa mukatshi dia ago ashigo enya Yuda nu mba nguyimba mlutumbu mukunda nu jina diaye. ¹⁰ Idi nji ya guzuela luko << swangulugienu ifutshi nu athu enji.>> ¹¹ Nu nji Tumbuishenu Fumu, ifusthi ya gaswe, enue mushigo enya Yuda; mu mukombelenu athu agaswe. ¹² Yeshaya udi muzuela luko :<> ¹³ Egi Nzambi ya gudi fuelela guagaswe amizalese nu gusuanguluga guavula guavula mu gutshigina ha ngolo jia ngolo jia nyuma wabonga. ¹⁴ Ame nji ngatshigina diago mu yago idi mutala anetu a mala, egi enue nji mudi nji ya guzala nu gubonga, ya guzalesewa nu ujiyi wagaswe, akhenu ako. ¹⁵ Henyaha na nga misonegela nu gutshigina guavula mukunda nu ndaga ( ima iko) jiko ha gu gu miwunguluisa luko mukunda nu guhua guago gua ngu huwe gudi Nzambi: ¹⁶ Ha gukhala mudimo wa Klisto Yesu mutumiwi gudi ago ashigo enya Yuda, ha guzewila wa unzambi wa lukuma luabonga , mukunda nu malambu wa ago ashigo enya Yuda, ukhale wa gubongesewa gudi Nyuma wa bonga. ¹⁷ Ngudi diago nu gishina hagula ngudi tumbwise mu Klisto Yesu gu ima idi mutala Nzambi. ¹⁸ Ndaga ya mba ngulodigo nga ha zonda guhaga mu lukalo nga gima gimoshi gu yago Klisto wa taganesele mu ame ha gubata ago ashigo enya Yuda mu gutumaga, gu ngolo jia ijiyilo nu gubonga. ¹⁹ Gu ngolo jia Nyuma wa bonga mu luholo egi sendese Yelusalema nu membo a hehi unu gu Ilidiya, nga jiya diago gumuanga mbimbi ya bonga ya Klisto. ²⁰ Mu luholo luene luenyelu, gutshigina guami gua khalele khuta gumwanga mbimbi ya bonga, uvi mu ngenyi guago gudi Klisto mujiyiwa, ha gula nga jiyile go gutunga holo dia mu dia seso yago jadiangele gutungiwa gudi muthu muko. ²¹ Mu luholo luago ludi ya gusonega : Ago adi ashigo ya gulezawa mbimbi yenji ihe-ihe mba amu mona nu ago yavilego, mba a mujiya. ²² Hene ngana bindjiwamuavula ha gula nga jiya guza gudi enue. ²³ Uvi luenyelu, ngushigo nga gabugu mu khanda yai nu nga nakhala gale nu matangi mu ivo yavula ha guza gudi enue. ²⁴ Ngenyi hago mba nguya gu Espanya ngudi gudi fuelela gumimona ha mba ngubalega nu hago mba ngukhala mu hungu dienu gu ngima dia gungu suanguluisa mu hungu dienu mukunda nu hugo dimoshi. ²⁵ Uvi luenyelu, ngaya gu Yelusalema ha gutshitshila enya gutshigina. ²⁶ Ndaga ya khalele gusuanguluga guavula mukunda nu Masediwani nu Akaya ha gubungisa buta dia ima miukunda nu jiphutu jiago jidi mu kasthi dia enya gutshigina adi gu Yesalema. ²⁷ Ayi, yakhalele diago gusuanguluga nu mu guamatshidia akhalele nayo ya gu tshitshila. Ndaga ya gula ago ashigo enya-Yuda adi nji nu shinda (kapho) diawo mu unzambi, adi nayo luholo luene lumoshi guatshitshila mudimo mukunda nu ima ya hamavu. ²⁸ Ngenyi hago nga khalele ngatagenele gale gami yeyi yagasue nu ngabutshuile mabundu mukunda nu ene, mba ngubalega gumbo dienu ha mbanguya gu Espanyi. ²⁹ Ngajiya egi ha guza gumbo dienu mbangukhala pha nu hguzela muila mu Klisto ³⁰ Henyaha ngudi gumilongesa enue anetu mu Fumu wetu Yesu Klisto nu mu guzumba gua Nyuma ha gula ame mu gulomba guenugua Nzambi. ³¹ Lombenu gua Nzambi mukunda ha gula ame ngu khale ya gukatshiwa gua ago adi enya gushaga mu Yuda, nji hagula egimudimo wami gu Yelusalema ukhale ya guzudiwe gudi enya gutshigina. Lombenu gua Nzambi ha gula egi, ³² ame nguze gumbo dienu nu gusuanguluga mu gusthigina gua Nzambi, nu ha gula egi nguhete nenu guhuluguga. ³³ Egi Nzambi ya guhuima akhale nu enue agasue.