¹ Ami uba guhosa gigidi mu buga yi Klistu,ami lo iba gudifuda,mununga mami muma gada gimbangi giami mu mbuga yi muhunga wu gedila, ² Mbi ami ngiena ye minianga mingi ye pasi gu muzima lo zigu wanga. ³ Mu mwila ami iga zola gugumbula lufwa ye mugu gabula gana ye Klistu mu luzolu lu apangi ami,aho a giganda giami mu gimusuni. ⁴ Owu ena hadu a Isaledi.Owu maga senzidi luyalu,lugumu,gimbayi,magabu mu mbuga yi misigu,gugumisa Nzambi ye magani menzi. ⁵ Ye ambunda agulu mu ganda diodio di gabudugidi Yisu mu gimusuni;Klistu ayo wena awulu di yikima,Nzambi asagu mugi miziga ye miziga,Ameni! ⁶ Ha lo gufana gulesuga mbi magani ma Nzambi lo mabedidi.Mu mwila lo gwena sila mbi hadu a Isaledi akima ena ashi Isaledi. ⁷ Lo gwena sila mbi ganda dikima dia Abalayama ena ana a Abalayama,ha gwena mu mbuga yi Izaki ayi uga kala mwana u luzolu. ⁸ Guzola guhosa mbi:ana agi musuni lo ena ana Nzxambi,ha ena ana amagani ma Nzambi aho edugu dalanga mbi nga ana agiganda. ⁹ Mu mwila gwena giogio giga kedi ndaga yi magani:"Mu dangu diodio dimosi,ami migesa ye mwana uyala umosi maga buduga gwena Sara. ¹⁰ Ha lo gwena buna mbi mu mwila gio,Lebegi kega maga senda vumu di yala umosi,dada wedu Izaki; ¹¹ Mu mwila ana o agakedi lo gubuduga tegu,lo gufana gusala mana si mapanzi mabi mbi lo mapanzi mapimbu,mu mpila mbi manunga ma Nzambi,nga giaga ponini magu gisamani;lo mbi mu mwila isalu,ha mu mwila luzolu lu mudu yo uba gulenziga. ¹² Yoyi iga hosama nini gio:mwana wu mbuda maga sadila mwana wu nsuga." ¹³ Guga kedi gigidi,nga giga sonamanini:ami maga zodidi Zagobi ye miga mengidi Ezawu" ¹⁴ Adu dufana guhosa yigi sila?Ayo yena gadongu ga Nzambi?Lo gwena gio. ¹⁵ Mu mwila yeyi maga hosidi gwena Mose:"ami igefa kenda gwena yo wizola mi ye ami igasadisa yoyo wizola mi." ¹⁶ Mu gio sila,ayo lo idadila mudu yo uzola,mudu yo uba gwenda tina,ha gwena luzolu lu Nzambi ayo ugwifanga kenda. ¹⁷ Mu mwila isoni iba guhosa gwena Falayoni:"gwena mu mwila manunga mo maga gagidi ami igo zangulusidi,mu mpila mbi ngolu ziami zilesamani ye kega kumbu yami yi mwangagani mu gifudji gikima. ¹⁸ "Mu gio sila,yeyi agwifilanga kenda mudu yo wazola ye beni,ye yeyi agu gumisanga mudu muzima gugola yoyo wazola ye beni. ¹⁹ Ayi muga ngambila gunima:"Mu mwila yigi ayi ayi uba gulanda mu gugamba mabi?Na gedi uga ganzidi muzima mu luzolu lwenzi beni"? ²⁰ Mu mbalu yega,ayi mudu,ayi wena na mugu soba gihosa Nzambi?Kalu yi manu ma gidobi mafana giambila mudu uga masadidi mbi mu mwila yigi ayi uga sadidi mi."Mu mwila yigi ayi uga sadidi ami gi"? ²¹ Mudu yo ugu zinganga gumbu di Poti lo ena ye giyega mu manu ma gidobi mu gumasadila bungu mu mwila gusadila gisalu gikima,mbi lo bungu diega di gusadila ufugu umosi. ²² Yigi dufana guhosa mbi Nzambi,uzola gulesa kabu zienzi mugu ziya gifudji; ²³ Mu mpila mbi yeyi alesi gimvama gienzi mu lugumu mu mabungu ma kenda,amo maga hidigidi mu dangu digulu mu mwila lolu. ²⁴ Mu gio yeyi maga dulenzigidi,lo mbi mu gadji ga Azwifi,ha mu gadji ga hadu ega kega. ²⁵ Nga gia gambididi Ozeya:"ami iga lenziga hadu ami,gwena oho agonda hadu ami,ye pangi wami mugosuna,gwena yoyo ugonda pangi wami mugosuna. ²⁶ Ye yeyi agakala kega mu gihani gio giga ambididi".Anu lo nwena hadu ami,mu gio,aga lenziga ana Nzambi umoni." ²⁷ Izaya adilanga mu mwila ana Isaledi:"Mbi midangu mi ana Isaledi akadi nga zelu di nzadi muneni,gugakala ye umosi uga sala yeyi uga biga ; ²⁸ Mu mwila Fumu Yisu muga gugisa ndaga yenzi mu manu mu dangu gandambu ye mu mpila yiguga. Ye nga Yezaya giaga hosidi banda tama: ²⁹ "Mbi Fumu wu wi ndumba agonzi gusisa akaga mu mwila du ginima,adu dugenzi gukala nga Sodomi ye adu dugenzi gukala gigeledi ye Gomoru". ³⁰ Adu dufana guhosa yigi sila?Hadu amosi agondanga gugamba gagidi ,owu maga yambidi gagidi,gagidi mumbuga yi lugwigilu. ³¹ Ye Isaledi ugambanga misigu mi gagidi,lo aga gugidi. ³² Mu mwila yigi?Mu mwila yeyi lo imigambanga mu lugwigilu,ha mu isalu.Owu maga budidi sasa mu mamani, ³³ Nga gima gasonamanini:"dalenu,ami miga sidi gu Siyona sasa di mani ye mani digu ganda mbuga.Ayo uga gwigila mwena yeyi lo aga muyadila."