¹ Anu ana wemi, nwesiyi pimbu pimbu mbi yigi yiba gu nwambila, mu mwila nwisi misigu mi Mose, misigu migu yalan,ga mudu dangu diena ye moni. ² Ye kega misigu migu hosanga mbi mu gonusa wala agu lemvuganga gwena mulumi dangu diena ye moni haa mbi mulumi wenzi wu fwa mu gonusa le ena telu ke mugu landa misigi mio migu lemvuga gwena mulumi wenzi. ³ Agio, mbi mu gonusa wa gu kala ye yala mwega dangu diena mulumi wenzi ye moni aga hosa mu gonusa yo wu habala. haa mbi mulumi wenzi, wu fwa, mu gonusa lo ena telu mugu landa misigu mio miba gu hosa mbi wu fana gu lemvuga gwena mulumi yi, ye kega mbi wu guma mu gonusa wu mudu wega lo gwena mudu wu fana gu hosa mbi wusala mubulu. ⁴ Mu gio, anedu, anu kega, mu mbuga yi mwila yi Klisto, ayo waga sidi mu lu fwa mu mbuga yi misigu mu mwila anu nu nwingidi mu mbuga yega, ayo yena lufu dumugu lu fwa mu mwila mbi adu duvadi ndumba zigi Nzambi. ⁵ Mu mwila mu dangu duga kedi mugi mudu, isalu yi masumu yi ga kedi yi gola mu mila miedu mu mb uga yi misigu mu valanga lu fwa. ⁶ Haa dangu di misigu lo mifezi gudu yala kega mu mwila dwena nga hadu a fwa, mapanzi mo lo ma guga gudu gama kega. agio du guga gu sadila nzambi mu mpila yihie yihie, ayo yiba gudu lesa muhunga wenzi wu migedila. Haa lo du fezi gusa dila kega mu mpila yi tama yidu lesanga mu ganda wu misigu ⁷ Agio yigi du fana gu hosa? misigu miena masumu? lo gwena gio, mbi misigu mi gonzi kiyo du fana guisiya mbi ama masumu, mu mwila mbi misigu mi gonzi gu hosa mbi" lo gusa mu zima mu gima ki kani, lo yigenzi guisiya mbi yigi yo gu gonda gusa mu zima mughima gi kina. ⁸ Mu mwila misigu, masumu maga dadidi mbuga yi gu pusa mi mugu sala ma panzi magi saga saga mugu sa mesu mu yima gi kani, mu mwila mbi misigu mi gonzi masumu mendzi gu kala gima ki mosi gi fwa. ⁹ Tegu dangu di diga gonzidi misigu yiga kedi ye moni, haa digesi guduga misigu masumu di maga senzidi moni. ¹⁰ Ye gio ami difwa gulesuga mbi misigu mifesi gu hana moni gwena hadu minziya mi. ¹¹ Mu mwila masumu maga dadidi mbuga yigu sadila misigu mio mugu fuda mi masumu maga sadidi loga misigu mugu nziya mi. ¹² Miganda misigu miga dugidi gwena Nzambi, hosi misigu wuga gadugidi gwena Nzambi, lo wena ya gifu wena ke wu pimbu. ¹³ Guba gulesaga mbi gima gi pimbu gi nziya mi? Lo gwena gio! gima giga nzidi mi masumu muma ga monigidi kiyo mena, maga sididi gima gi pimbu mugu nziya mi. agio mu mwila misigu, masumu maga gumini gima gibi sila. ¹⁴ Dwisi gio mbi misigu miga dugidi mu ngolu zi Nzambi wu migeludi, haa mi ngiena mudu wu gi fudji gi hasi ngiena mu higa wu masumu. ¹⁵ Mu mwila ami lo ubagwisiya sila amo me gusalanga. mu mwila amo meba guzola mugu sala ami lo igu masalanga, ye amo me gudananga mugu sala momo me gusalanga, ¹⁶ ha mbi ami sala amo me gu gonda gu zola gusala, ami ngiena mu kiesi ye misigu mbi misigi miena mi pimbu. ¹⁷ Mugio lo gwena mbi ami gusalanga ma panzi mo, ha gwena masumu mena mugadji diami. Mu mwila ami ngisi mbi mugadji diami , ¹⁸ muyo yena mu mwila wami, lo gwena ye gima gi pimbu. mu mwila luzolu lugu sala ma pimbu lwena lwami, ha ami lo ufana gusala. ¹⁹ Mu mwila ma pimbu mo megu guzolanga ami lo igu masadilanga, ha ami gusalanga mabi amo megu gondanga guzola. ²⁰ Dala, mbi ami ibagusala mo megu gonda guzola, mugio lo gwena mbi ami iguzola , gwena masumu mena mugadji diami. ²¹ Ami iba gudala mugadji diami musigu wu; mbi mi zola gusala mapimbu, mabi munu gu ngisila ²² Mu mwila ami igu kala mu kiesi mu musigu wu Nzambi wena mu mudjima wami. ²³ Ha musigu wega mugadji ga mwimla wami ugu nwananga ye musigu wu mpa wu luzolu lwami, awo wugu kamisanga mi mu musigu wu masumu wena mu gadji ga mwila wami. ²⁴ Kenda gu ngiena mi! na uga mbigisa mi mwila wu ulufwa? ²⁵ Lugumu lugadi gwena Nzambi mu mbuga yi Yisu Klisto fumu wedu. Mugio, ami migu lemvugaga mu musigu mi Nzambi ye luzolu wa lwami. Mu dangu di mwila wami, ami ngiena muyiga mu misigu mi masumu.