¹ Mu pwede Klistu aga duwedi ngemba.Mu mwila gio,galenu hadu aga gandamana ye anu nugondji gudiega mu uhiga. ² Dalenu,ami,Polu,ami iba gunwambila mbi:anu nukala hadu aga diwuga,Yisu lo agendji gukala ye mpila yigu nonza. ³ Mu mbalu yo yitegu,ami iba gunu dela gimbangi gwena mudu mukima ayo waga wuga ena ye giyega gigu landa misigu mikima. ⁴ Anu nuga digadula mwena Klistu,anwakima nwena hadu a misigu.Anu lo nugu zinganga mu ngolu zi Nzambi. ⁵ Mu mwila,mu mbuga yi lugwigilu,adu dugu duga dihana mu gagidi. ⁶ Mu Klistu Yisu,ata guidiwuga,ata gugonda gudiwuga gwena pamba.Ha lugwigilu buna lugu salanga mu buga yi luzolu. ⁷ Anu sendenu tina pimbu.Na uga nugandjidi mbuga mu gugonda guzitisa gagidi? ⁸ Luzolu lu gusala amo makima lo igwisanga gwena yo uga nulendjigidi. ⁹ Gandambu ga levidi munu guzimbisa fuba yi mapa. ¹⁰ Ami ngiena ye luzolu lwenu mu fumu wedu Klistu ayo unu gondanga gwibuga mu dangu dimosi.Ayo uba gunu yinzisa lasi,akadi na,ye beni agu divugilanga nkanu. ¹¹ Apangi ami,mbi ami ngiena mugu nulonga guwugamana,mu mwila yigi ami ibagu mega mana?Mu panzi yo,gubwa gwenu guga gaduga mu nkulusi yim Yisu. ¹² Ami iba gunulomba mbi hadu o aba gunusa mu mambuga mabi,o beni adi gadudi mu gibudi gienu. ¹³ Mu mwila,anedu,Nzambi maga nulendjigidi mu pwede.Lo nufana gusenda pwede dio mbi anu nuzingi mu gimudu.Sadisa nganenu amosi ye agwenu mu luzolu lu pumbu. ¹⁴ Mu mwila misigu mikima miga gugisa mana mu musigu umosi,wena wuwu:<> ¹⁵ Ha mbi ayi ulaga ye anu munu gumvenza yenu yenu,anu giebugenu mbi anu nugondji gudi ziya yenu ye yenu. ¹⁶ Ami iba guhosa,anu nuhidjengi mu gimpeve ye anu lo nuga gugisanga pwisa yi mila mienu miena gubiya mu gimpeve. ¹⁷ Mu mwila luzolu lu gimisuni lwena gimbeni ye gimpeve,ye pwisa yi gimpeve yena gimbeni ye gimusuni.Mu mwila yoyi yena mu gimbeni yowu ye yowu.Lufudu lwenu lwena mbi anu nugondji gusala mapanzi menu zola nu gusala. ¹⁸ Ha mbi mpeve yinu dwala,anu lo nwena gu masina mamisigu. ¹⁹ Mu dangu di isalu yi gimusuni yena mugu moniga gidengeni.Gwena gindumbu,mapanzi ma soni,mapanzi ma podu podu, ²⁰ Gusambila idegi,gilogi,gimbeni,guhosagana,lumengu,lugeneni,gugabu lagana,... ²¹ Gusa muzima mu yima yihadu ega,gunwa magana mahidagana,gwenda gu mafedji amo magu salanga hadu yima yi gisaga saga,gusala mapanzi mega mabi.Mu dangu di ami ngiena mugwa nwambila gumesu mbi:hadu o agusalanga mapanzi magifa gio,owu lo agengila gu gifumu gi Nzambi. ²² Ha ndumba zi gimpeve gwena luzolu,kiesi,ngemba,muzima udadi,,lubongu,gusala mapimbu gwena anowu,,lugwigilu, ²³ Gukala muzima pwede,ye muzima si mu wena yi beni.Lo gwena ye musigu umosi wena gimbeni ye mapanzi ma. ²⁴ Hadu o ena ana Klistu Yisu,owu aga hana mila miowu ye mambuga mowu ma gifa ye gifa amo mabi. ²⁵ Mbi adu duba guzinga mu gimpeve,duniada ngenu kega mu gimpeve. ²⁶ Dugondenu gukala lulendu,adu lo dufana gwifa kabu yedu ye yedu,dugondenu gusa mesu mu yima yi kani.