¹ Mu diodio, tuzeye vo, mu n'sampa wuwu tuzingilanga va ntoto wuwu wufuasilu, muna zulu tuna ye nzo yatunga kua Nzambi, ² vuandilu kieto kia m'vu ka m'vu kiokio kilembidi vangua kua mu koko kua muntu. ³ Ye tukunganga ye mpasi mu n'sampa wuwu, tukalanga ye nsatu za vuata nzo eto ya kimpeve. vo nkutu tua monekene bavuata kansi ka bamuasi ko. ⁴ Kadi wuwu tuna mu n'sampa wuwu, tuta kunga, tuazalua kua mpasi, mudiambu dia tuzolele, vula ko, kansi vuata, mpasi vo kina kifuanga kia minua kua moyo. ⁵ Ye ndondo watuvanga mukuma kiokio, yi Nzambi, watuvana dimbu kia kimpeve. ⁶ Yidiodio, tuna ntangu zawonso tuafuluka ye vuvu, ⁷ ye tuzeye vo tukalanga kaka mu nitu yiyi tuna ntama ye Mfumu. ⁸ Kadi tudiatanga mu minu ye ka mu luzolo ko, tuzele kua vuvu, ye tuyangalalanga sisa nitu yiyi ye vuanda kua Mfumu. ⁹ Yi mudiodio mpe tusadilanga ngolo mpasi vo kayangalala mu beto, kana tuna mu nitu yiyi, yevo tuakatu mo. ¹⁰ Kadi beto bawonso tufuete sambisua kuna mbazi an'kanu a Klisto, mpasi vo muntu muntu katambula bonso mambote yevo mambi kavanga, kiokio kakala mu nitu ani. ¹¹ Bukina vo tuzeye vumi wa Mfumu, tusosanga vilula n'tima mia bantu, Nzzambi wutuzeye, ye nsidi vuvu vo muna kansansa yeno lutuzeye mpe. ¹² katuta kituma diaka beto mosi kua beno ko; kansi tuta kulu vana diaka mpuasika ya kulu yangidika mukuma kieto, mpasi lua lenda vana mvutu kua bobo batambulanga n'kembo mu biobio bina mu mbonokono ye ka mu n'tima ko. ¹³ Ikuma, vo yavila mu mabanza, yi mukuma kia Nzambi; vo ngina mu mabanza ma mbote, yi mukuma kieno. ¹⁴ Kadi zola kua Klisto kuna kutufietakesa, mudiambu dia tubenze vo, vo muntu mosi wafua mukuma kia bawonao, disongele vo bawonso bafua; ¹⁵ ye vo wafua mukuma kia bawonso, mpasi vo bobo bena moyo ka bazingi kiaka mukuma kia bawu kibeni ko, kansi mukuma kia ndondo wafua et wafuluka mukuma kiawu. ¹⁶ Mudiodio, tuka wuwu, ka tuzeye muntu mosi mu kin'suni ko, ye vo tuazaya Klisto mu kin'suni, wuwu katun'ayidi diaka mpila yina ko. Vo muntu wuna mu Klisto, wuna vangua kia mpa. ¹⁷ Bima biantama biviokele, ye bima biawonso bia ntama bikitukidi bia mpa. ¹⁸ Ye mawonso momo matukidi kua Nzambi, watuwawanesa ye yani mu Klisto, ye watuvana salu kia wawanesa. ¹⁹ Kadi Nzambi wakala muna Klisto, wawanesa dia nza ye yani kibeni, mu yambudila bantu mu masumu mawu, ye watula mu beto m'vom'vo mia wawanesa. ²⁰ Disongele vo tuna ntumua za Klisto, bonso vo mu lusiamusu lueto kua Nzambi, tukulu dodokele mu n'kumbu ya Klisto: luvutuka mu Nzambi. ²¹ Nduna kazaya nkutu sumu ko, wankitula sumu mukuma kieto, mpasivo muyani tuakituka balunga mu Nzambi.