¹ Tuyantikidi kuki sanisina yeto mosi? Katuna ye nsatu a min'kanda mia ntumunu kua yeno yevo mitukidi kua yeno ko,bonso a n'kaka, kawawu kue? ² Yeno, luna n'kanda eto wa ntumunu, wasonukua vana ntima mieto, wuzayakene ye wutanguanga kua antu awonso. ³ Ye yimukulu songa vo luna n'kanda wa Klisto wayekolua kua yeto. Wasonukua kamu tinta ko kansi mu Mpeve a Nzambi a moyo. Ka wasonukua va meza ma matadi ko, kansi va meza ma n'tima mia antu. ⁴ Ye tala vuvu tuna kiawu mu Nzambi mu zila ya Klisto. ⁵ Ka tuna tuafuana ko yeto kibeni mu lomba mu kingolo kima bonso kitukidi kua yeto. Kansi nkutu, e ndungidi eto yi tukanga kua Nzambi. ⁶ Yi Nzambi watuvana kiyakala mu kala yisadi yani mu luwawanu lua mpa. Lulu ka yiluwawanu lutukidi mu n'kanda ko, kansi kua Mpeve; kadi n'kanda wuvondanga, kansi Mpesve yivanga moyo. ⁷ Wuwu kisalu kiakele vananga lufua - luasonama mu sono vana ntadu'a tadi- kiayiza mu n'kembo wumosi nate nkutu n'kangu wa Yisaeli ka walenda diaka tala zidi kia Mose ko. Didi, mudiambu dia n'kembo a zidi kiani, n'kembo wakala wampiokela. ⁸ Nkia tezo nga kifueti kala salu kita sala Mpeve? ⁹ Kadi vo kisalu kia ngielele kikala ye n'kembo, weyi kisalu kia ndungunu kiadi zadila kua n'kembo e? ¹⁰ Mudina, diodio diakala dia n'kembo muntama kadiasala diaka dia n'kembo ko, mu diambu dia n'kembo ani wan'lutila ¹¹ Kadi vo kiokio kiakala kia mpiokela kiakala ye n'kembo, nkia tezo a n'kembo nga wufuete kala mu kiokio kina kia sikila e? ¹² Mu vuvu kiokio kina yeto, tuna ye nzunzu yafuana. ¹³ Katuna bonso Mose ko, watula n'lele va zidi kiani, mpasivo n'kangu'a Isaeli wa lembi toma kun'tadidila ku nsuka a nkembo wo wampiokela. ¹⁴ Kansi ngindu nzawu zakala zakangama. Nate nkutu mulumbu kiki, n'lele wuna wuna kaka mu ntangulu a luwawanu lua nkulu. Ka luna luazibulua ko kadi yi mu Klisto kaka wuvidila. ¹⁵ Kansi, kana mu wuwu, konso kua ntangu atanganga Mose, n'lele wufikanga n'tima miawu. ¹⁶ Kansi vo muntu vilukidi kua Mfumu, n'lele wukatulu. ¹⁷ Mfumu yi Mpeve. Vana vena Mpeve a Mfumu, vana vena Kimpuanza. ¹⁸ Yeto awonso, ye zizi yafukula, si tuamona n'kembo a Mfumu. Tuta kitulua muna kifuani fuani kimosi kia n'kembo, mu tezo kia n'kembo ye kia n'kaka, bonso diatuka kua Mfumu wuna yi Mpeve.