¹ Yazengele mono mosi vo kilendi vutuka kua beno mu n'samu mia mpasi ko. ² Kadi vo yikulu kendelekele, nani lenda kungiangidika, kayi ndondo ntesese sakuba kue? ³ Yasonekene wo kidi, kiokio yikuiza kuayeno kitesua sakuba kua bobo bafeti ku ngiangidika ko, ngina ye vuvu kuayeno awonso kiese kiame kina yi kieno mpe. ⁴ Yi mu kiadi kiayingi, kingongo muna n'tima, ye kinsanga kiayingi Yalusonekene, kamusako vo kidi lua kendalala, kansi mpasi luazaya nene wazola kuame mu beno. ⁵ Vo muntu mosi wakele tuku dia kiadi, ka mono ko yam'vene kiadi, yibeno bawonso, mu ndambu, mu lembi lutakesa. ⁶ Tumbua kifuene kua muntu ndondo tumbilu kua n'kangu wayingi, ⁷ Kidi vo lua n'loloka ye lua n'fuawudisa, mpasi vo kabakama kua kiadi kiasaka ko. ⁸ Yilulombele musonga zola kua yani, ⁹ Kadi yalusonekene mpe mpasi ya zaya, mu ntangu yita kulu fiongonona, vo lutumamanga mu konso kima. ¹⁰ Kiongo, konso nduna luloloka, mono mpe yin'lolokele, vo ndolokele kima kimosi, yi mukuma kieno, va n'tuala a Klisto. ¹¹ Mu lembi vana n'luta kua satana mu beto, kadi katu vilakene mabanza mani ko. ¹² Mu momo masidi, kiokio yaluaka kuna Tolowasi mukuma kia n'samu a mbote wa Klisto, kana wuna kina vo Mfumu wanzibudila muelo, ¹³ kiasala vunda nkutu mu Kimpeve ko, kadi kiakala mona mpangi ame Tito ko. Mudina kiokio yabasisa yayenda kuna Makedonia. ¹⁴ Nkembo wuvewa kua Nzambi, ku tulungisanga ntangu zawonso mu Klisto, ye ndondo muanganga mu beto mukonso fulu nsunga zanzayilu ani. ¹⁵ Mudiodio, kua Nzambi, beto tuna nsunga zambote mu Klisto, vakati kua bobo bavulusua ye vakati kua bobo bafuanga: ¹⁶ kua ban'kaka nsudi a fua, yivananga lufua; kua bankaka, nsunga za luzingu zivanga moyo. - Ye nani wuna walunga mu mambu momo? ¹⁷ Kadi ka tuvangululanga mambu ma Nzambi ko, bonso wuvanganga ban'kaka; kansi yi mukieleka kibeni, kansi yi mukuma kia Nzambi, tivovelanga mu Yesu va luse lua Nzambi.