¹ Mono Polo, ngikulu ombele, mu luvuvama ye mu wete wa Klisto, mono, yina wakikulula mu mbonokono kiokio n'kalanga vakati kueno, ya zalua kua kingolo muna kisalu kiokio n'kalanga kua nda. ² Ngita kulu lomba, kiokio n'kala yeno, kalu nsiamisina mu sadila kaka kingolo kiokio ko, zozo mu ngindu zame nzolele sadila kua ban'kaka bakutu talanga bonso vo tudiatilanga mu kin'suni. ³ kansi vo tudiatilanga mu kin'suni, ka tunuaninanga mu kin'suni ko. ⁴ Kadi n'kele miawonso tunuaninga ka mina mia kin'suni ko; kansi mina mia ngolo beni, muna wete wa Nzambi mu bangumuna nzo za nene ye za ngolo. ⁵ Beto tubangumunanga mabanza ye biawonso biatombolua mu telamena nzayilu za Nzambi, ye tunatanga konso mabanza makangama mu ntumameno kua Klisto. ⁶ Tuna mpe tuakubama mu tumba kanso nkolameno, kiokio ntumameno eno se yafuana. ⁷ Beno luta mona biobio bia ku mbazi! vo muntu wukisiamisi vo wuna wa Klisto, kakitela mu yani mosi vo, wuwu kina vo wuna wa Klisto, beto mpe tuna ba Klisto. ⁸ Ye vo ndenda kiyangidika kua lutila fioti mu kuma kia kimfumu Mfumu katuvana mu kuma kia ntungulu eno ye ka mu kulu fuasa ko, kilendi dio mueno nsoni ko, ⁹ Mpasi vo kimoneki bonso vo nzolele kulu pamisa mu n'kanda miame. ¹⁰ Kadi, bonso bantu avovanga, n'kanda miani ye mambu ma ngolo, kansi, mena muna konso muntu, kena nbolo ko ye mambu mani me bemboluanga. ¹¹ Bika nduna wuta vovela mpila yoyo kazaya vo bonso tuna muna mpova zeto, mpeleko ka tuna yeno ko, yi wowo mpe tuna mu mavanga meto, ¹² kiokio tukalanga ye beno. Beto ka tulendi kitezakesa kua bobo ban'kaka bakikuminsanga bawu mosi. Kansi, mu muna kitezakesa kua bawu mosi, bakondolo ngangu. ¹³ Mu beto, ka tulendi kikembesa ku mbazi ya konso tezo ko; kansi si tuabaka bonso tezo ndilu za kayanena zozo Nzambi tuvana, mpasi vo ka tunata mpe kua beno. ¹⁴ Ka tulutanga nkutu ndilu zeto ko, bonso vo katuayiza kua beno ko; kadi yi kua yeno tuayiza ye nsangu zambote za Klisto. ¹⁵ Ka kumbazi ya konso tezo ko, ka mu salu bia ngani ko tutakikembesela; kansi tuna ye vuvu, vo minu kiaku kitakula, ye kitakula kua yingi va kati kuno, ¹⁶ landila ndilu tuatambula, ye samuna nsangu zambote nate kua ban'kaka, kondua kuakikembesa mu biobio muna ndilu zavanua kua ban'kaka. ¹⁷ Bika nduna zolele kikembesa kakikembesa mu Mfumu. ¹⁸ Kadi ka ndondo kikembesanga yani mosi ko wuna wa nunga, kansi ndondo Mfumu kakembese.