¹ Yita bonidila bakuluntu bena va kati kueno, mono yina nkuluntu, n'kundi a Yesu ye mbangi za mpasi zani, ye yina mpe n'sadi mu n'kembo wusinga bikulua. ² Yidina, yikulu bondelele, n'kuluntu, lutuadisa kambi kia mameme ma Nzambi kina va kati kueno. Lutoma kio lunda; ka mukingolo ko, kansi mu luzolo lua Nzambi. Lulunda kio ka mukuma kia m'futu wa mbi ko, kansi mu lozolo. ³ Kalusadila bonso n'longi kua n'kangu wuna mu lutuadusu lueno ko, kansi lukala bonso mbandu kua kambi. ⁴ Kina m'vungudi a mameme kasinga sengomoka, si lua singa tambula kolowa kia velela kia nkembo. ⁵ Yi mpila mosi, beno, bantuenia, lukala kunsi a wisa kia bakuluntu. kua beno bawonso, lukikulula ye lusalazana yeno ye yeno; kadi Nzambi kawilanga bana bakikundidikanga ko, kansi yani wufuilanga nkenda bana bakikulanga. ⁶ Mudiodio, lukikulula ku nsi ya ngolo za koko kwa Nzambi, mpasi ka kuluzangula muntangu yifuanakane. ⁷ Lutulula bizitu bia mabanza meno kua yani, kadi yani yi n'sadisi eno. ⁸ Lukikulula mu ndilu ye mu nduinu, luzibula meso. Kadi ntantu eno, diabulu zietanga mu kinzundidila kieno bonso nkosi yiwufukidi yita sosa nduna kafuete dia. ⁹ Lunnuanisa ye lukala lua siama mu vuvu kieno. Luzaya vo mpangi zeno zina mu nza bena mpe mu mpasi zazi mosi. ¹⁰ Kunima ya fintanguntangu fia mpasi, Nzambi nkua nkenda za wonso wakulu bokela mu Klisto mu n'kembo ani ka wumani, si katombola nsadilu zeno, si kaluvuandisa mukisalu ye si kalusiamisa. ¹¹ Kua yani kuvuilu kimfumu nate kia m'vu ya mv'u ya m'vu. Amen. ¹² Yi monanga Siluvani bonso mpangi ya siama. Ye yi munzila ani yikulu sonekene fin'kanda. Yita toma kulu bondidila ye toma siamisa vo mana yakulu sonekene mena makieleva mu nkenda za Nzambi. Lukivana mu mau. ¹³ Dibundu nia Babiline, diodio dina dia solua bonso beno, di kulu vene mbote. Muana ame Malako mpe wuluvene mbote. ¹⁴ Luvanasananga mbote za fibana mabundi mu zola. Bika luvuvamu lua kala beno bawonso luna mu Klito!